புதுச்சேரி இரா.சுகுமாரன்

கூடங்குளம் அணு உலை போராட்டத்தை திசைதிருப்பும் மத்திய அமைச்சர் நாராயணசாமி வீடு முற்றுகை

2011-11-22T19:29:00.001+05:30

கூடங்குளம் அணு உலை எதிர்ப்புபோராட்டத்தை திசை திருப்பி போராட்டத் தலைவர்களைக் கொச்சைப்படுத்தி பேசி வரும் மத்தியஅமைச்சர் நாராயணசாமி வீடு முற்றுகை போராட்டம் புதுச்சேரி நெல்லித்தோப்பு சுப்பையா சிலையிலிருந்துதொடங்கியது. இந்த நிகழ்ச்சிக்கு மக்கள் உரிமைக் கூட்டமைப்பு செயலர் கோ.சுகுமாரன் தலைமையேற்றார்.பேராசிரியர் மார்க்ஸ் முன்னிலை வகித்தார்.

புதுச்சேரி தமிழர் தேசிய இயக்கத்தின்தலைவர் இரா.அழகிரி கரிக்கலாம்பாக்கம் ஊராட்சி மன்ற முன்னாள் தலைவர் கோ.அ. ஜெகநாதன்தனித்தமிழ் இயக்க தலைவர் க.தமிழமல்லன், தமிழ்நாடு முஸ்லீம் முன்னேற்றக் கழக மாவட்டத்தலைவர் எம்.ஏ. அஷ்ரப் செந்தமிழ் இயக்க அமைப்பாளர்நா.மு.தமிழ்மணி புரட்சியாளர் அம்பேத்கார் மக்கள் படை சி.மூர்த்தி, மக்கல் சிவில் உரிமைக்கழக தலைவர் இர.அபிமன்னன், உள்ளிட்ட பலர் இதில் கலந்துகொண்டனர்.

இதில் போராட்டத்தில், மத்தியஅமைச்சர் நாராயணசாமியை கண்டித்து முழக்கங்கள் எழுப்பப்பட்டன.

· கூடங்குளம் போராட்டத்தைத் திசைத் திருப்பி, தலைவர்களைகொச்சைப்படுத்தி பேசிவரும் மத்திய அமைச்சர் நாராயணசாமியை கண்டிக்கிறோம்.

· போராடும் கூடங்குளம் –இடிந்தக் கரை மக்களுக்குஆதரவாக அணிதிரள்வோம்.

· பாதுகாப்பான அணு உலைகள் எனும் பொய்ப் பிரச்சாரத்தைமுறியடிப்போம்!

· மன்மோகன் சிங் அரசின் புதிய அனு உலைத் திட்டங்களைவேரறுப்போம்.!

உள்ளிட்டமுழக்கங்களை போராட்டக் காரர்கள் எழுப்பினர்.

விக்கிப்பீடியாவில் தமிழ்க் கட்டுரைகள் அதிகம் இடம்பெறவேண்டும் –தினமணி செய்தி

2011-02-21T11:52:00.006+05:30

புதுச்சேரி பிப்-20 விக்கிப்பீடியாவில் தமிழ்க் கட்டுரைகள் அதிகமாக இடம்பெறவேண்டும் என்று தமிழ் விக்கிப்பீடியா நிர்வாகி அ.ரவிசங்கர் தெரிவித்தார். புதுச்சேரி வலைப்பதிவர் சிறகம் சார்பில் விக்கிப்பீடியா அறிமுக் கூட்டம் ஞாயிற்றுக் கிழமை நடந்தது. இதில் தமிழ் விக்கிப்பீடியா நிர்வாகி ரவிசங்கர் பேசியது.

விக்கிப்பீடியா என்பது ஒரு இலவச கலைக்களஞ்சியமாகும், இதில் தமிழ்க் கட்டுரைகள் அதிகம் இடம்பெறச் செய்யவேண்டும்.

விக்கிப்பீடியா தமிழ் மொழி உள்ளிட்ட மொத்தம் 279 மொழிகளில் உள்ளது. இதில் தமிழ் மொழியில் இதுவரை 28,023 கட்டுரைகள் உள்ளது. கட்டுரைகள் எண்ணிக்கை வரிசைபடி உலக மொழிகளில் தமிழ் மொழி 68-வது இடத்தில் உள்ளது.

விக்கிப்பீடியாவை யார் வேண்டுமானாலும் தொகுக்கலாம். தமிழ், பண்பாடு, வரலாறு, அறிவியல், கணிதம், தொழில்நுட்பம், புவியியல், சமூகம், நபர்கள் உள்ளிட்ட முக்கிய தலைப்புகளில் இதில் செய்திகள் தொகுக்கப்பட்டுள்ளது.

தமிழை தட்டச்சு செய்ய தமிழ் 99 என்ற முறை எளிமையானது. அதை அனைவரும் பயன்படுத்த முயலவேண்டும் என்றார்.

பின்னர் தமிழ் விக்கிப்பீடியாவில் செய்திகளைப் பதிவது குறித்தும், தமிழ் 99 விசைப் பலகையை எளிமையாக பயன்படுத்துவது குறித்தும் மடிகணினி கொண்டு விளக்கினார்.

வலைப்பதிவர் சிறக ஒருங்கிணைப்பாளர் இரா.சுகுமாரன், மக்கள் உரிமைக் கூட்டமைப்பு செயலர் கோ.சுகுமாரன் உள்ளிட்டோர் கலந்து கொண்டனர்.

புதுச்சேரியில் விக்கிப்பீடியா அறிமுகக் கூட்டம்

2011-02-20T06:51:00.005+05:30

விக்கிப்பீடியா அறிமுகக் கூட்டம்

இடம்: வணிக அவை சிறிய அரங்கம், நாள்: 20-02-2011 ஞாயிற்றுக்கிழமை,

காலம்: காலை 10.00 மணிமுதல் பகல் 1.00 மணிவரை

தலைமை: இரா.சுகுமாரன், ஒருங்கிணைப்பாளர்,

(புதுச்சேரி வலைப்பதிவர் சிறகம்)

நிகழ்ச்சி நிரல்: 10:00 – தமிழ் விக்கிமீடியா திட்டங்கள் அறிமுகம்

11:00 – விளக்கப் பயிற்சிகள்

12:00 – கலந்துரையாடல்

விக்கிப்பீடியாவை அறிமுகம் செய்து விளக்கம்:

அ.ரவிசங்கர், நிர்வாகி (விக்கிப்பீடியா-தமிழ்)

விக்கிப்பீடியா (http://ta.wikipedia.org) என்பது தளையற்ற உள்ளடக் கங்களைக் கொண்ட ஒரு இலவச கலைக்களஞ்சியமாகும் (encyclopedia). பலரின் கூட்டு முயற்சியால் பல மொழிகளில் கட்டமைக்கப்படும் கலைக்களஞ்சியமாகும். இது இலாபத்தை எதிர்நோக்காத விக்கிமீடியா அறக்கட்டளையின் திட்ட ஆதரவுடன் உருவாக்கப்பட்டுள்ளது.

விக்கிப்பீடியா தமிழ் மொழி உள்பட மொத்தம் 279 மொழிகளில் உள்ளது. இதில் தமிழ் மொழியில் இதுவரை 28,023 கட்டுரைகள் உள்ளன. கட்டுரைகள் எண்ணிக்கை வரிசைபடி உலக மொழிகளில் தமிழ் மொழி 68-வது இடத்தில் உள்ளது. இந்திய மொழிகளில் இந்தி (67,589), தெலுங்கு(47,386), மராத்தி(32,598) மொழிகளுக்கு அடுத்த நிலையில் தமிழ் (28,036) கட்டுரைகள் இடம் பெற்று 4-வது இடத்தில் உள்ளது.

இந்த விக்கிப்பீடியாவை நீங்களும் தொகுக்கலாம். தமிழ், பண்பாடு, வரலாறு, அறிவியல், கணிதம், தொழில்நுட்பம், புவியியல், சமூகம், நபர்கள் உள்ளிட்ட முக்கிய தலைப்புகளில் இதில் செய்திகள் தொகுக்கப்பட்டுள்ளது.

தமிழ் விக்கிபீடியா திட்டங்களை அறிமுகம் செய்து விளக்கப் பயிற்சிக்கு ஏற்பாடு செய்துள்ளோம். அதில் கலந்து கொண்டு பயன்பெறவும், தமிழ் விக்கிப்பீடியாவில் உங்கள் பங்களிப்பை செலுத்தவும் புதுச்சேரி வலைப்பதிவர் சிறகம் சார்பாக அன்புடன் அழைக்கிறோம்.

புதுச்சேரி வலைப்பதிவர் சிறகம்

கைப்பேசி: +91 94431 05825, மின்னஞ்சல்: rajasugumaran@gmail.com,

வலைப்பூ: http://www.puduvaibloggers.blogspot.com,

இணையதளம்: www.pudhuvaitamilbloggers.org

புதுச்சேரியில் குறும்படம், ஆவணப்பட பயிற்சி பயிலரங்கு டிசம்பர் 26 முதல் 31 வரை

2010-12-17T14:44:00.000+05:30

நிழல் - பதியம் - நண்பர்கள் தோட்டம்

இணைந்து நடத்தும்

குறும்படம்/ஆவணப்படப் பயிற்சிப் பயிலரங்கு

பயிற்சி நாள்கள் : 26.12.2010 முதல் 31.12.2010 வரை,

நேரம்: : காலை 9.00 மணி முதல் இரவு 7.30 வரை,

இடம் : எஸ்.ஆர். திருமண நிலையம்,

259, திருவள்ளுவர் சாலை, புதுச்சேரி-13 (மணிமேகலை பள்ளி அருகில்)

பயிற்சிக் கட்டணம் : ரூபாய்: 2000 மட்டும்.,

மாணவர்களுக்கு ரூபாய் 1500 மட்டும்,

மகளிருக்கு ரூபாய் 1000 மட்டும்.

காலை, மதியம், இரவு உணவு ஏற்பாடுகள் செய்யப்பட்டுள்ளது. தேநீர்; காலை 11.00,க்கும் மாலை 4.30 சிற்றுண்டியுடன் தேநீரும் வழங்கப்படும்.

இரவு உணவுக்குப் பின் சிறந்த குறும்படங்கள் மற்றும் உலகப்புகழ் பெற்ற திரைப்படங்கள் காட்டப்படும்.

தமிழகத்தை சேர்ந்த தேர்ந்த திரைப்படத்துறையினர் கலந்து கொண்டு பயிற்சி அளிக்கிறார்கள்.

பயிற்சி அளிக்கப்படும் பிரிவுகள்

குறும்பட-ஆவணப்பட வரலாறு மற்றும் கோட்பாடு : நிழல் ஆசிரியர் ப.திருநாவுக்கரசு
நடிப்புக் கலை : சுரேஷ் வரன் கூத்துப்பட்டறை
நடிப்பின் இலக்கணம் : தம்பிச்சோழன் கூத்துப்பட்டறை
ஒளிப்பதிவு : சி.ஜெ ரமேஷ்குமார் ஒலிப்பதிவாளர்
திரைக்கதை எழுதுதல் : பாலு மணிவண்ணன் - இணை இயக்குனர்
நிழற்படம் எடுத்தல் & ஒளி ஒழுங்கமைவு: பாரதி வாசன் - தமிழ்நாடு குறும்பட ஆவனப்பட படைப்பாளிகள் சங்க செயலாளர்
படத்தொகுப்பு :

பயிற்சியின் சிறப்பு

தகுதிறன் வாய்ந்த தொழில்நுட்பக் கலைஞர்களால் நடத்தப்பெறவுள்ள இப்பயிற்சியின் மூலம் குறும்படங்கள் மற்றும் ஆவணப்படங்களைத் தாங்களாகவே திரைக்கதை அமைத்து, ஒளிப்பதிவு மற்றும் படத்தொகுப்பு செய்து, இயக்கித் தயாரிக்கும் அளவுக்குப் பயிற்சி பெறுவோர் திறன்படுத்தப்பெறுவர் என்பதே இப்பயிற்சியின் சிறப்பாகும்.

தனியுடைமையாளர்கள் ஊடகங்களை விழுங்கிவரும், இந்த நேரத்தில் மாற்றுத்திரைக்கான அவசியம் ஏற்பட்டுள்ளதால் நண்பர்கள் தோட்டம் இம்முயற்சியில் ஈடுபட்டுள்ளது.

எனவே, நண்பர்கள் இயன்ற அளவு இப்பயிற்சியில் கலந்து கொண்டும், மாணவர்கள் மற்றும் நண்பர்களைப் பங்குபெறச் செய்தும் ஒரு புதிய மாற்றுத்திரைக் கலைஞர்களை உருவாக்க ஒத்துழைப்பு நல்க வேண்டும் எனக் கேட்டுக்கொள்கிறோம்.

ப. திருநாவுக்கரசு

தொடர்பு எண்: 99944 55959

மத்திய அரசா? மலையாளிகள் அரசா?

2010-12-13T09:05:00.001+05:30

‘‘ஆ.ராசா மீது வந்த புகார்களுக்கு பதிலளிக்காமல் ஒன்றரை வருடமாக மௌனம் காத்தது ஏன்?’’

‘‘மத்திய ஊழல் கண்காணிப்புத் துறைக்கு ஊழல் குற்றம் சாட்டப்-பட்ட தாமஸையே ஆணையர் ஆக்கியிருப்பது என்ன நியாயம்?’’

-இப்படி அடுத்தடுத்து பிரதமர் மன்மோகன் சிங்கின் டர்பனை உருவி தலையில் குட்டிக் கொண்டிருக்கிறது உச்ச நீதிமன்றம்.

கோர்ட் இப்படியென்றால்... திரும்பிய திசையெல்லாம் ஊழல் வழியும் ஆட்சி என ஊடகங்கள் ஒட்டுமொத்தமாக ஆதாரங்களுடன் செய்தி வெளியிட... ஆடிப்போயிருக்கிறார் மன்மோகன் சிங்.

‘‘இப்படியொரு பதவியில் இருப்பதை விட, கவுரவமாக விலகி விடலாம் என்ற முடிவுக்கு வந்துவிட்டார். அதனால் அவர் எந்த நேரமும் ராஜினாமா செய்யலாம்’’ என்கின்றன பிரதமர் அலுவலக வட்டாரத்தினர்.

மேலும் அவர்கள், ‘‘மத்திய நிதியமைச்சராக இருக்கும் பிரணாப் முகர்ஜிக்கு பிரதமர் பதவி மீது வெகுநாட்களாக மோகம் உண்டு. அதேநேரம் ராணுவ அமைச்சர் ஏ.கே. அந்தோணியும் பிரதமர் பதவியை எதிர்பார்த்து சோனியாவின் சிபாரிசுக்காக காத்திருக்கிறார்.

பிரணாப் முகர்ஜிக்கு பிரதமர் பதவி என்பது 2004 நாடாளுமன்றத் தேர்தல் முடிந்தவுடனேயே பேசப்பட்ட விஷயம். காங்கிரஸின் மூத்த தலைவரான அவருக்கு பிரதமர் பதவி என பேசுவதில் ஒரு நியாயம் இருக்கிறது. ஆனால், ஏ.கே. அந்தோணி பிரதமர் பதவிக்கு ஆசைப்பட ஒரே காரணம், அவர் கேரளாவைச் சேர்ந்தவர் என்பது மட்டுமல்ல... மத்திய அரசிலும், சோனியாவைச் சுற்றியிருக்கும் அத்தனை பேரும் மலையாளிகள் என்பதால்தான்’’ என்கின்றனர்.

டெல்லியில் நிலவும் மலையாளிகள் ராஜ்யம் பற்றி தலைநகர பத்திரிகையாளர்கள், அதிகாரிகள் வட்டாரத்தில் பேசினோம்.

‘‘சோனியா காந்திக்கு உதவியாளராக இருக்கும் ஜார்ஜ் கேரளத்துக்காரர். இவர்தான் தன் மாநிலப் பாசத்தில் அரசியல் அதிகாரத்தில் இருந்து நிர்வாக அதிகாரம் வரை அத்தனை இடங்களிலும் மலையாளிகளை நுழைத்து வருகிறார்...’’ என்று கொஞ்சம் எரிச்சலாகவே கருத்துக்களைக் கொட்டினார்கள்.

‘‘நமது நாடாளுமன்றத்தின் மொத்த உறுப்பினர்களான 543 பேரில் 20 பேர்தான் கேரளாவிலிருந்து தேர்ந்தெடுக்கப்படுகிறவர்கள். அதிலும் காங்கிரஸ் மற்றும் கூட்டணிக் கட்சி எம்.பி.க்கள் 15 பேர்தான். ஆனால், இவர்களில் அமைச்சர்களாக இருப்பவர்கள் ஐந்து பேர்.

ராணுவ அமைச்சர் ஏ.கே. அந்தோணி, வெளிவிவகாரத்துறை அமைச்சர் வயலார் ரவி, விவசாயத் துறை இணையமைச்சர் கே.வி. தாமஸ், உள்துறை இணையமைச்சர் முல்லப்பள்ளி ராமச்சந்திரன், ரயில்வேத் துறை இணையமைச்சர் ஈ.அகமது ஆகிய ஐந்து அமைச்சர்கள் இப்போது இருக்கிறார்கள். வெளிவிவகாரத்துறை இணையமைச்சராக இருந்து பதவி விலகிய சசி தரூரையும் சேர்த்தால் ஆறுபேர்!

அமைச்சரவையில்தான் இப்படி மலையாளிகளுக்கு அதீத முக்கியத்துவம் என்றால், முக்கியத் துறைகள் அனைத்-திலும் உயர்பொறுப்பில் இருக்கும் அதிகாரிகள் யாவரும் மலையாளிகள்தான்.

மத்திய அரசில் மொத்தம் 40 முக்கியத் துறைகள் இருக்கின்றன. இதில் முக்கியமான 20 துறைகளுக்கும் அதிகமான துறைகளுக்குப் பொறுப்பு வகிப்பவர்கள் கேரளாவைச் சேர்ந்தவர்கள்தான்’’ என்றவர்கள், அந்த மலையாள அதிகாரிகளின் பெயர்களை கடகடவென வாசித்தனர். (பார்க்க பெட்டியில்)

பட்டியலை முடித்துவிட்டு தொடந்தவர்கள்...

‘‘இந்தியாவில் இருக்கும் ஆயிரக்கணக்கான ஐ.ஏ.எஸ். அதிகாரிகளையும் நிர்வகிக்கும் பொறுப்பு, இந்த மலையாளிகளுக்குத்தான். மத்திய அமைச்சரவை, மத்திய அரசு மட்டுமல்ல... இரண்டையும் ஆட்டி வைக்கும் சோனியா வீட்டிலும் ஆட்டிப் படைப்பவர்கள் மலையாளிகள்தான்.

சோனியாவின் டிரைவர் ரவீந்திரன், சமையல்காரர் அங்கம்மா அங்கணங் குட்டி, தோட்டக்காரர் தாமஸ், மார்க்கெட்டுக்கு போய் வருபவர்கள், சமையல் உதவியாளர்கள், தோட்டப் பராமரிப்பு உதவியாளர்கள் என்று எல்லாருமே மலையாளிகள்தான். அதேபோல, சோனியா காந்தி வீட்டைச் சுற்றிலும் பாதுகாப்புக்காக டெல்லி போலீஸார் அறுபது பேர் இருக்கிறார்கள். அவர்களில் ஐம்பது பேர் கேரளாக்காரர்கள். இப்படி நாட்டின் பிரதான நிர்வாக இடங்கள் அனைத்திலும் கேரளக்காரர்கள் ஆக்கிரமித்திருக்கிறார்கள்’’ என்று முடித்தனர் அவர்கள்.

மேலும் ‘‘இலங்கைத் தமிழர் பிரச்னையில் மத்திய அரசின் அரக்கத் தனங்களுக்கு ஒருவிதத்தில் மலையாள அதிகாரிகளும் காரணம். சிவசங்கர்மேனன், எம்.கே.நாராயணன், ஜி.கே.பிள்ளை, நிருபமா ராவ் ஆகிய கேரள அதிகாரிகள் தங்களின் தமிழர் எதிர்ப்பு உணர்வை மத்திய அரசோடு இணைந்து ஈழத் தமிழர் பிரச்னையில் காட்டி வருகின்றனர்’’ என்கிறார்கள்.

இது தொடர்பாக காங்கிரஸ் மேல்மட்டத் தலைவர்களிடம் விசாரித்தால், ‘‘நிர்வாகப் பொறுப்புகளில் இப்போது மலையாளிகள் ஆதிக்கம் இருப்பது நிஜம்தான். அதற்காக இன ரீதியிலான சாயம் பூச வேண்டியதில்லை’’ என்றார்கள்.

கேரள அதிகாரிகள் பட்டியல்...

‘‘என். பெர்னான்டஸ் -ஜனாதிபதியின் செயலாளர், வி.கே.தாஸ் -ஜனாதிபதியின் தனிச் செயலாளர், டி.கே.ஏ. நாயர் -பிரதமரின் முதன்மைச் செயலாளர், என்.நாராயணன்-பிரதமரின் பிரதான ஆலோசகர், பி.ஸ்ரீதரன்-நாடாளுமன்ற சபாநாயகரின் தனிச் செயலாளர், கே.எம். சந்திரசேகர் -அமைச்சரவைச் செயலாளர், ருத்ர கங்காதரன்- விவசாயத் துறைச் செயலாளர், மாதவன் நம்பியார் -விமானப் போக்குவரத்துத் துறைச் செயலாளர், நிருபமா ராவ் -வெளியுறவுத் துறைச் செயலாளர், சத்தியநாராயணன் தாஸ்-கனரகத் தொழில்துறைச் செயலாளர், ஜி.கே.பிள்ளை -உள்துறைச் செயலாளர், சுந்தரேசன் -பெட்ரோலியத் துறைச் செயலாளர், கே.மோகன்தாஸ் -கப்பல் துறைச் செயலாளர், பி.ஜே.தாமஸ் -மத்திய கண்காணிப்பு ஆணையத்தின் தலைவர், சிவசங்கர் மேனன் -தேசிய பாதுகாப்பு ஆலோசகர், சுதா பிள்ளை -திட்டக் கமிஷன் செயலாளர், வி.கே.சங்கம்மா -வடகிழக்கு மாநிலங்களின் கவுன்சில் செயலாளர், ஆர். கோபாலன் -நிதிப் பணிகள்துறை இயக்குநர், கே.பி.வி.நாயர் -செலவீனங்கள் துறைச் செயலாளர், கே.ஜோஸ் சிரியாக் -வருவாய்த் துறைச் செயலாளர், ஆர்.தாமஸ் -வருமான வரித்துறைச் செயலாளர், வி.ஸ்ரீதர்- சுங்கத் துறைச் செயலாளர், பி.கே.தாஸ் -அமலாக்கப் பிரிவு சிறப்பு இயக்குநர், ஏ.சி.ஜோஸ்-கதர் வாரியம், சி.வி.வேணுகோபால் -பஞ்சாயத்து ராஜ் அமைச்சக செயலாளர், ஸ்ரீகுமார் -இயக்குநர், மத்திய கண்காணிப்பு ஆணையகம்... இப்படி நீளுகிறது பட்டியல்.

நன்றி: தமிழக அரசியல்

ஈழத் தமிழர்களைக் கடிக்கும் நாயாக விளங்குகிறார் சோனியா-தங்கபாலு

2010-11-13T22:07:00.002+05:30

ஈழத் தமிழர்களைக் காக்கும் தாயாக விளங்குகிறார் சோனியா என்று தங்கபாலு பொய்யான தகவலைப் பதிவு செய்திருக்கிறார். ஆனால் அவரின் செய்தி தலைப்பு நாம் அளித்துள்ள தலைப்பு போல் இருந்திருக்க வேண்டும்.

தமிழர்களை அவர் எவ்வளவு கேவலமானவர்களாக நினைத்து இந்த அறிக்கையை அவர் விட்டார் என்று தெரியவில்லை. மக்கள் எல்லாவற்றையும் அறிவார்கள். இணையம், பத்திரிக்கை, தொலைக்காட்சி என்ற பல்வேறு ஊடகங்கள் இருந்து மக்களுக்கு இந்த செய்திகளை அளித்த போதிலும் தமிழக காங்கிரசு தலைவர் சூடு சொரணை ஏதுமில்லாமல் பொய்யான அறிக்கையை விடுவது அவரின் அயோக்கியத்தனத்தையும் அடிமை புத்தியையும் எடுத்துக் கூறுவதாக உள்ளது.
....................
முழுமையான தகவல் கீழே
சென்னை: சோனியா காந்தி பிரதமர் பதவியையே ஏற்க மறுத்து தியாக உணர்வோடு மக்கள் பணியாற்றி வருபவர். குறிப்பாக இலங்கை தமிழர்களை பாதுகாக்கும் பாசமிகு தாயாக செயல்பட்டு வரும் நிகரற்ற தலைவியாவார். ஆனால் அறிக்கைவிட்டு வாய் வீச்சைக்காட்டும் வைகோ இலங்கை தமிழர்களுக்காக இழந்தது என்ன? என்று கேட்டுள்ளார் தமிழக காங்கிரஸ் தலைவர் தங்கபாலு.

இதுதொடர்பாக அவர் வெளியிட்டுள்ள அறிக்கை:

இலங்கைப்போர் நிகழ்வுகள் தொடங்கிய காலத்திலும், அது நடைபெறும் நேரத்திலும் அது முடிவுக்கு வந்து சுமூக சூழ்நிலை முழுமையாக உருவாகப்போகும் இன்றைய காலக்கட்டம் வரை அனைத்து நிலைகளிலும் சோனியாகாந்தியின் மனிதாபிமான வழிகாட்டுதலில் பிரதமர் மன்மோகன்சிங் தலைமையிலான மத்திய அரசு எடுத்த தொடர் நடவடிக்கைகளை வைகோ மறந்திருக்கலாம். ஆனால், தமிழக மக்களும், இலங்கைவாழ் தமிழர்களும் ஒருபோதும் மறந்திருக்க மாட்டார்கள்.
http://thatstamil.oneindia.in/news/2010/11/12/thangabalu-vaiko-sonia-gandhi-eelam-tamils.html

புதுச்சேரி தினகரன் செய்தி ஆசிரியர் தருமராசனுக்கு கண்ணீர் அஞ்சலி

2010-06-03T20:35:00.003+05:30

தருமராசன் புதுச்சேரி தினகரன் ஆசிரியர்

புதுச்சேரி தினகரன் செய்தி ஆசிரியரும் நண்பருமான தருமராசன் 03-06-2010 இரவு 2 மணியளவில் மரணமடைந்தார். சென்ற 29-05-2010 அன்று இரவு என்னை அவர் தொலைபேசியில் தொடர்பு கொண்டபோது நான் பேச இயலவில்லை. மறுநாள் 30-05-2010 காலை 7.00 மணிக்கு அவரோடு பேசினேன். அது தான் அவரோடு நான் இறுதியாக பேசியவை.

அமைதியானவர், பழக இனியவர், எதற்கும் அலட்டிக் கொள்ளாதவர், இன்று அவருக்கு இறுதி மரியாதை செலுத்த வந்தவர்கள் எண்ணிக்கையை பார்த்தால் அவர் எத்தகைய நட்பாளர் என்பது தெரியும்.

அவருடைய சொந்த ஊரான கடலூரிலிருந்து 15 கீ.மீ தொலைவில் இருக்கும் பூண்டியாங்குப்பத்தில் 100 க்கும் மேற்பட்ட கார்களில் வந்து நின்று அவருக்கு மரியாதை செலுத்த காத்திருந்தார்கள்.

புதுச்சேரியின் அமைச்சர்கள் முன்னாள் முதல்வர் ரெங்கசாமி, பா.ம.க வேல்முருகன், விடுதலைச் சிறுத்தைகள் ரவிக்குமார். உள்ளிட்ட 7 எம்.எல்.ஏக்கள் திரைப்பட பாடலாசிரியர் அறிவுமதி மற்றும் பலர் அங்கு கூடியிருந்தார்கள்.

ஜீனியர் விகடனில் மாணவ பத்திரிக்கையாளராக சேர்ந்து புதுச்சேரி தினமலர் நாளேட்டில் செய்தியாளராகவும், பின்னர் தமிழன் எக்பிரஸ் உள்ளிட்ட பத்திரிக்கையில் பணியாற்றிய தருமராஜன் இப்போது தினகரன் செய்தி பத்திரிக்கையின் செய்தி ஆசிரியராக பணியாற்றி வந்தார்.

கடந்த 20 ஆண்டுகளுக்கும் மேலாக அவரோடு எனக்கு நட்பு உண்டு. அவரின் இழப்பு என்னை போன்ற பல நண்பர்களுக்கு பேரிழப்பாகும்.

அவரின் பிரிவால் துயரத்துடன்

கண்ணீருடனும் கவலைகளோடும்

இரா.சுகுமாரன்

முத்துக்குமாருக்கு தஞ்சையில் சிலை திறப்பு

2010-05-14T11:55:00.014+05:30

முள்ளிவாய்க்கால் வீரவணக்கம்

மாவீரன் முத்துக்குமாருக்கு தஞ்சையில் சிலை திறப்பு

இளந்தமிழர் இயக்கம் அறிவிப்பு
சென்னை, 17. 29.04.2010.

தமிழீழ மக்கள் மீது, சிங்கள - இந்தியக் கூட்டுப் படைகள் நடத்திய தமிழின அழிப்புப் போர் முடிவுற்று ஓராண்டாகிறது. ஆண்கள், பெண்கள், குழந்தைகள், முதியோர் என தமிழர்கள் கூட்டம் கூட்டமாக இரக்கமின்றி குண்டுகள் வீசப்பட்டுக் கொன்றொழிக்கப்பட்ட அந்த இறுதி நாட்களைப் போல் கொடூரமான நாட்களை, உலகில் எந்தவொரு இனமும், எந்தவொரு விடுதலைப் போராட்டமும் சந்தித்ததில்லை.

இனவெறியின் கோரப் பசிக்கு பலியான எம் தமிழ் உறவுகளுக்கும், தமிழீழத் தாயக விடுதலைக்காக போர்க்களத்தில் நின்றுப் போராடி உயிர் ஈகம் செய்த தமிழீழ விடுதலைப்புலிகள் அமைப்பின் போராளிகளுக்கும் இளந்தமிழர் இயக்கம் தனது வீரவணக்கங்களைத் தெரிவித்துக் கொள்கிறது.

முள்ளிவாய்க்கால் பேரழிவை துக்க தினமாக நினைவு கூர்வதுடன், அந்நாளை இன விடுதலைப் போராட்டத்திற்கு சூளுரை மேற்கொள்ளும் நாளாக கடைபிடிக்குமாறு இளந்தமிழர் இயக்கம் கேட்டுக் கொள்கிறது.

முள்ளிவாய்க்கால் பேரழிவை நினைவுகூறும் விதமாகவும், தேர்தல் அரசியலை சாராத மாற்று அரசியல் எழுச்சியே தமிழினத்திற்கு விடுதலையைப் பெற்றுத்தரும் என்று வலியுறுத்தும் வகையிலும், மாற்று அரசியலை முன்னிறுத்தி, தன் இன்னுயிரை தீக்கிரையாக்கிய ஈகி முத்துக்குமாருக்கு இளந்தமிழர் இயக்கம் சார்பில், முதன் முறையாக மார்பளவு சிலை தஞ்சையில் நிறுவப்படவுள்ளது. இச்சிலை தமிழ்நாட்டுத் தமிழர்களின் எழுச்சிக்கு குறியீடாகவும், மாற்று அரசியல் வெளிக்கான தொடக்கப் புள்ளியாகவும் அமையட்டும்.

முள்ளிவாய்க்கால் பேரழிவுப் போர் தொடங்கப்பட்ட நாளான மே 16 (16.05.2010) அன்று மாலை தஞ்சாவு+ர் - திருச்சி நெடுஞ்சாலையில் அமைந்துள்ள, சாணுரப்பட்டி (செங்கப்பட்டி) பகுதியில் அமைந்துள்ள தனியார் இடம் ஒன்றில், இச்சிலை நிறுவப்படுகின்றது.

சிலை திறப்பு நிகழ்வுக்கு மாவீரன் முத்துக்குமாரின் தந்தையார் திரு. ச.குமரேசன் கலந்து கொள்ள இசைவு தந்துள்ளார். தமிழ்த் தேசப் பொதுவுடைமைக் கட்சியின் பொதுச் செயலாளர் திரு. பெ.மணியரசன் சிலையைத் திறந்து வைத்து உரையாற்றுகிறார். இளந்தமிழர் இயக்கத்தின் சார்பில் வடிவமைக்கப்பட்ட முத்துக்குமார் சிலையை அன்பளிப்பாக வழங்கி, இயக்கத்தின் செயற்குழு உறுப்பினர் திரு. ம.செந்தமிழன், சிறப்புரையாற்றுகிறார்.

சிலை திறப்பு நிகழ்வை முன்னிட்டு, பிற்பகல் 2 மணிளவில் திருக்காட்டுப்பள்ளியிலிருந்து மாணவர்கள் - இளைஞர்கள் சுடரேந்தி வரும் வகையில், சுடரோட்டம நிகழ்வு நடைபெறுகின்றது. பு+தலூர், ஆவாராம்பட்டி, நந்தவனப்பட்டி வழியாக சாணுரப்பட்டிக்கு இச்சுடரோட்டம் வந்தடைகிறது.

மாலையில், ‘முள்ளிவாய்க்கால் வீரவணக்கம்’ என்ற தலைப்பில் மாபெரும் மக்கள் திரள் பொதுக்கூட்டம் நடக்கிறது. இதில், உணர்ச்சிக் கவிஞர் காசி ஆனந்தன், மேனாள் சட்ட மேலவைத் தலைவர் புலவர் புலமைப்பித்தன், தமிழ்த் தேசப் பொதுவுடைமைக் கட்சியின் தலைமைச் செயற்குழு உறுப்பினர் திரு கி.வெங்கட்ராமன், இயக்குநர் புகழேந்தி தங்கராஜ், இயக்குநா; ராம், தமிழக இளைஞர் முன்னணியின் பொதுச் செயலாளர் நா.வைகறை, மகளிர் ஆயம் ஒருங்கிணைப்பாளர் மதுரை அருணா, இளந்தமிழர் இயக்கத்தின் ஒருங்கிணைப்பாளர் க.அருணபாரதி ஆகியோர் கலந்து கொண்டு உரையாற்றுகின்றனர்.

முள்ளிவாய்க்கால் முடிவல்ல, புதியதொரு தொடக்கம் என்பதை இவ்வுலகிற்கு நாம் அறிவிக்கக் கடமைப்பட்டுள்ளோம் என்பதை தமிழகத் தமிழர்கள் மறந்து விடக்கூடாது. தாய்த் தமிழகத்தில் எழுகின்ற எழுச்சியே தமிழீழ மக்களின் நலன் காக்கும் என்பதை உறுதியாக நம்பிக் களம் இறங்க வேண்டிய சூழல் இது என்பதை முன்வைத்தும் இந்நிகழ்வு ஏற்பாடு செய்யப்பட்டுள்ளது.

இந்நிகழ்வில் தமிழகமெங்கும் உள்ள இன உணர்வாளர்கள், கட்சி வேலிகளைக் கடந்து ஒன்று கூட வேண்டும் எனவும், முள்ளிவாய்க்கால் நினைவேந்தலை இன விடுதலைக்கான சூளுரை தினமாக நெஞ்சிலேந்தி, விடுதலைப் பாதையில் அணிதிரள வேண்டும் என்றும் இளந்தமிழர் இயக்கம் தமிழ்நாட்டுத் தமிழர்களுக்கு அறைகூவல் விடுக்கிறது. தமிழ் உணர்வாளர்கள் இந்நிகழ்வில் பெருந்திரளாக பங்கெடுக்க வேண்டும் என்றும் இளந்தமிழர் இயக்கம் கேட்டுக் கொள்கிறது.

சிலை திறப்பு மற்றும் வீரவணக்கப் பொதுக் கூட்டத்திற்கான ஏற்பாடுகளை தமிழ்த் தேசப் பொதுவுடைமைக் கட்சியும், இளந்தமிழர் இயக்கமும் இணைந்து மேற்கொண்டு வருகின்றன. சிலை திறப்பு நிகழ்வில், பங்களிப்பு செலுத்த விரும்பும் உணர்வாளர்கள், elanthamizhar@gmail.com என்கிற மின்னஞ்சல் முகவரி அல்லது +91-9841949462 என்ற கைபேசி எண்ணுக்கு தொடர்பு கொண்டு உதவலாம் என்பதையும் தெரிவித்துக் கொள்கிறோம்.

மாவீரன் முத்துக்குமார் சிலை திறப்புக்கு
நோர்வே ஈழத்தமிழா அவை வாழ்த்து!

ஈழத்தமிழர்களுக்காக தன் இன்னுயிரைத் தீக்கிரையாக்கிய மாவீரன் முத்துக்குமாருக்கு இளந்தமிழர் இயக்கம் சிலை எழுப்புவதற்கு உலகின் பல்வேறு பகுதிகளிலிருந்தும் வாழும் தமிழ் உணர்வாளர்கள் ஆதரவு தெரிவித்து வருகின்றனர். இது தொடர்பில், நோர்வே ஈழத்தமிழர் அவை இளந்தமிழர் இயக்கத்திற்கு கடிதம் ஒன்றையும் எழுதியுள்ளது.

நோர்வே ஈழத்தமிழர் அவையின் தலைவர் வைத்திய கலாநிதி பஞ்சகுலசிங்கம் கந்தையா அவர்கள் எழுதியுள்ள அக்கடிதத்தை மகிழ்வுடன் யாம் வெளியிடுகின்றோம்.

இளந்தமிழர் இயக்க பணி சிறக்க வாழ்த்துகள்!

இராசபக்சேவின் இந்திய பிரதிநிதிகள் இன்று இலங்கை பயணம்

2009-10-10T11:14:00.002+05:30

இலங்கையில் தமிழர்கள் இன்னும் உயிருடன் இருக்கிறார்களா? என்று பார்ப்பதற்காக இன்று தமிழக எம்.பிக்கள் இன்று இலங்கை புறப்படுகிறார்கள். ஒருவேளை அவர்கள் இன்னும் சாகாமல் உயிருடன் இருந்தால் அவர்களை தங்கள் சொந்த வீடுகளுக்கு அனுப்ப வேண்டும் என்று சொல்வதற்காகவும் அவர்கள் செல்வதாக செல்கிறார்களாம்.

வரலாற்றில் கருணாநிதி தமிழர்களுக்கு செய்த துரோகத்தை மறைப்பதற்காக இத்தகைய நடவடிக்கையை அவர் மேற்கொள்வதாக தெரிகிறது. அதன் பின்னர், நூறு ஆண்டுகளுக்கு மேலாக நாங்கள் தான் இலங்கை தமிழர்களுக்கு மறுவாழ்வு அளித்தோம் என்று கருணாநிதியும் பின்னர் ஸ்டாலினும், அதன் பின்னர் கருணாநிதியின் பேரப்பிள்ளைகளும் ஆட்சியில் இருந்து கொண்டு தாங்கள் தான் தமிழர்களுக்கு வாழ்வுரிமை வழங்கியதாக அறிக்கை விட்டுக் கொண்டிருப்பார்கள்.

ஏற்கனவே, ஈழத்தமிழர்களுக்கு எதிராகவும் தமிழர்களுக்கு எதிராகவும் அறிக்கை அளித்த தமிழின துரோகிகளும் இப்பயணத்தில் இடம் பெறுகிறார்கள்.

இராசபக்சே அளிக்கும் விருந்தை சாப்பிட்டு விட்டு இங்கு வந்து தமிழர்கள் சுபீச்சமாய் வாழ்வதாக இங்கு வந்து அறிக்கை விட்டாலும் விடுவார்கள்.

இதனை வாய்பிளந்து கேட்டுக் கொண்டே இருக்கும் இந்த அறிவு கெட்ட தமிழர்கள் மட்டும் திருந்தப் போவதில்லை என்பது மட்டும் உறுதியாகத் தெரிகிறது.

இந்திய கடற்படையை கலைத்து விடலாம்

2009-09-30T00:49:00.000+05:30

கீழே உள்ள செய்தி தினமலர் செய்தி ஏட்டில் வெளிவந்துள்ள செய்தியாகும். இத்தனை முறை தமிழர்கள் தாக்கப்பட்டும் கேட்க இயலாத, பாதுகாக்க இயலாத கையாலாத தமிழகத்தின் அருகிலுள்ள கடலோர காவல்படை இருந்து ஒரு பயனும் இல்லை. எனவே அவற்றை கலைத்துவிடலாம். மக்களின் பணமாவது மிச்சமாகும். இலங்கை கடற்படையையே தட்டிக்கேட்காத இந்திய படை சீனாவையா கேட்கப்போகிறது.

தமிழர்களை எப்படி தாக்கினாலும் கருணாநிதி கடிதம் எழுதுவார். அந்த தமிழின துரோகி ஒரு போதும் எதுவும் செய்யப்போவதில்லை.

தமிழர்களாகிய நாம் தான் ஏதேனும் செய்தால் உண்டு.

மனுசங்கடா நாங்க மனுசங்கடா
உன்னப் போல அவனப் போல எட்டுச்சாணு உயரமுள்ள
மனுசங்கடா நாங்க மனுசங்கடா
.......................
எதைஎதையோ சலுகையின்னு அறிவிக்கிறீங்க — நாங்க
எரியும்போது எவன் மசுர புடுங்க போனீங்க — டேய்

மனுசங்கடா நாங்க மனுசங்கடா
.........................
கீழ்வெண்மணியில் 47 தலித்துகளை உயிருடன் கொளுத்திய போது கவிஞர் இன்குலாப் அவர்களால் எழுதப்பட்ட பாடல் இது..........

இப்போது தமிழ் மக்களாகிய நாங்கள் இந்திய கடற்படையை நோக்கி கேட்கிறோம்.

இலங்கைகாரன் தமிழர்களை அடிச்சி கொல்லுறான்!
தமிழ் நாட்டுக்காரன் தினம்தினமும் செத்து மடியிறான்!!

அவன் அடிக்கும் போது! எவன் மசுர புடுங்க போரீங்க!!

என்று தான் எழுத தோன்றுகிறது.

நாகப்பட்டினம் : இந்திய கடல் எல்லைக்குள் இலங்கை கடற்படை அத்து மீறி நுழைந்து, தமிழக மீனவர்களை கொடூரமாக தாக்கி, படகுகளைச் சேதப்படுத்தி, மீனவர்களை நிர்வாணமாக்கி அவமானப்படுத்தும் தொடர் செயல், கடலோர மீனவர்களிடையே கொந்தளிப்பை ஏற்படுத்தியுள்ளது.

நாகை அக்கரைப்பேட்டை, கீச்சாங்குப்பம் பகுதிகளில் இருந்து 19 படகுகளில் 114 மீனவர்கள் மீன் பிடிக்கச் சென்றனர். கோடியக்கரைக்கு தென்கிழக்கில், சேது சமுத்திர அகழாய்வுப் பணிகள் நடக்கும் கடல் பகுதியில் மீன் பிடித்துக் கொண்டிருக்கும் போது, மூன்று கப்பல்களில் வந்த இலங்கை கடற்படையினர், மீனவர்களை சுற்றி வளைத்தனர். மீனவர்களின் படகுகளில் துப்பாக்கி சகிதமாக இறங்கிய இலங்கை கடற்படையினர், படகுகளில் இருந்த திசை காட்டும் கருவி, மொபைல்களை பறித்துக் கொண்டு, இறால், மீன்கள், மீன்பிடி சாதனங்களை தங்களின் கப்பல்களில் ஏற்றிக்கொண்டு, மீனவர்களின் உடைகளைக் களைந்து நிர்வாணப்படுத்தினர். படகில் இருந்த ஐஸ் கட்டிகளை கடலில் வீசி, நிர்வாண கோலத்தில் நின்ற மீனவர்களை, ரப்பர் தடியால் கொடூரமாகக் தாக்கி அனுப்பினர். ஐஸ் கட்டிகள் வைத்திருந்த சாக்குகளால் உடலை மறைத்துக் கொண்டு நேற்று காலை மீனவர்கள் நாகைக்கு வந்தனர்.

காரைக்கால்: காரைக்கால் மாவட்ட விசைப்படகு மீனவர்கள் 150 பேர், கடந்த 25ம் தேதி ஆழ்கடலில் மீன் பிடிப்பதற்காகச் சென்றனர். கோடியக்கரை அருகில் சென்ற போது திடீரென்று வந்த இலங்கை கடற்படையினர், ஐந்து விசைப் படகுகளை துப்பாக்கி முனையில் மடக்கி, படகில் அத்து மீறி நுழைந்து வலைகளை அறுத்து கடலில் வீசினர். இலங்கை கடற்படையினரின் தாக்குதலை கண்டித்து நேற்று ஒரு நாள், காரைக்கால் மாவட்ட விசைப்படகு மீனவர்கள் கடலில் மீன் பிடிக்கச் செல்லவில்லை. கடந்த மூன்று மாதங்களாக தமிழக மீனவர்கள் மீதான தொடர் தாக்குதல், படகுகளை சேதப்படுத்துவது தொடர்கதையான பின்னரும் மத்திய, மாநில அரசுகள் மவுனம் காப்பது, மத்திய அரசின் திரைமறைவு ஆதரவால் தான் இலங்கை கடற்படையினர் அட்டூழியம் தொடர்வதாக, மீனவர்கள் மத்தியில் கடும் அதிருப்தி எழுந்துள்ளது.

தமிழகத் தேர்தலில் சீனா, இலங்கை அமோக வெற்றி

2009-05-16T19:05:00.000+05:30

பாராளுமன்றத் தேர்தலில் பொதுவாக வாக்காளர்களுக்கு காசு கொடுப்பது வழக்கம் இல்லை, ஆனால் இந்த முறை மிகப்பெரிய அளவில் "கோடிகள் விளையாடியுள்ளது" . இலங்கை பிரச்சனையில் பா.ம.க, ம.தி.மு.க ஆகிய கட்சிகள் பெரிய அளவில் போராட்டங்களை செய்துவந்துள்ளது. இக்கட்சிகள் வெற்றி பெற்றால் மிகப் பெரிய பிரச்சனை எழும் என நினைத்த வெளிநாட்டு சக்கதிகள் தி.மு.க விற்கு பெருமளவில் பணத்தை கொடுத்து அதன் வெற்றிக்கு அடிகோலியுள்ளன. சீனாவின் முன்னேற்பாட்டில் இலங்கையிலிருந்து தமிழகத்தில் பரவலாக அனுப்பி வைக்கப்பட்ட பலர் இந்திய தேர்தலில் அதற்கான பணிகளை மேற்கொண்டனர். இதன் மூலம் தி.மு.க அன்னிய சக்திகளின் ஊடுறுவலுக்கு துணைபோயுள்ளது. இது இந்தியாவின் நலனுக்கு மிகவும் ஆபத்தான ஒன்றாகும்.

அதே நேரத்தில் அ.தி.மு.க இருந்த தொகுதியில் அந்த அளவுக்கு பணம் செலவு செய்யவில்லை என்பதை தேர்தல் முடிவுகள் நமக்கு காட்டுகிறது. இக்கட்சியை பா.ம.க, ம.தி.மு.க கட்சிகளிடமிருந்து பிரித்தெடுக்கும் முயற்சியாகவும் அந்த கட்சிக்கு எதிராக அதிக நிதி அளிக்கப் படவில்லையாம். இந்த தேர்தலில் அ.தி.மு.க வெற்றி அடைந்துள்ளதால் இரு கட்சிகளிடமிருந்து விலகி இருக்க வேண்டிய நிலை உருவாக்கப்பட்டுள்ளது. ஈழப்பிரச்சனை பேசுவதால் பலன் இல்லை என்று சொல்லி செயலலிதாவையும் பின்னர் திசை திருப்பிவிடலாம் எனவும் இவ்வாறு முடிவெடுத்து செயல் பட்டார்கள் எனவும் தெரிகிறது.

திருமாவளவனும் ஈழப்பிரச்சனையில் ஆபத்தானவராக கருதப்படுவதால் அவர் ஒரு தொகுதியில் தப்பித்தார்.

இந்த தேர்தல் முடிவு " தி.மு.க" கார்பரேட் கம்பெனிக்கு பெரிய வெற்றியாகவும் தமிழினத்திற்கு பெரும் தோல்வியாகவும் அமைந்துள்ளது.

காங்கிரசு மத்திய அமைச்சர் சட்டை கிழிப்பு, மாநில அமைச்சர் ஒரு கி.மீ துரத்தி அடிப்பு.........

2009-05-05T09:00:00.002+05:30

புதுச்சேரியை சேர்ந்த நாராயணசாமி மத்திய அமைச்சராக இருக்கிறார், இவர் புதுவையில் 18 ஆண்டுகாலம் பாராளுமன்ற மேலவை உறுப்பினராக இருந்து வருகிறார். நீண்ட காலமாக இவர் இப்பொறுப்பில் இருந்தாலும் இவர் மீது மக்கள் மிகவும் அதிருப்தியுடன் உள்ளனர்.

எனினும், 18 ஆண்டுகளாக தேர்தலில் நிற்காத இவரை தேர்தலில் நிற்க காங்கிரசு உத்தரவிட்டது. இதுவரை தேர்தலை சந்திக்காத இவர் இப்போது தனது எதிரிகளை எல்லாம் விலைக்கொடுத்து வாங்கினார்.

புதுச்சேரி மக்கள் காங்கிரசு கண்ணனுக்கு 10 கோடி, இதில் அந்த கட்சியின் எம்.எல்.ஏ மூவருக்கு தலா 1.25 கோடி என 3.75 கோடி. மீதியை கண்ணன் கைவசம் என புதுவையில் மக்கள் மத்தியில் பேச்சு உள்ளது. மீனவர் விடுதலை வேங்கைகள் கட்சிக்கு 25 லட்சம் (முன்பணம்: 10 லட்சமாம்), மீனவ இனத்தை சேர்ந்த பா.ம.க வேட்பாளரை எதிர்த்து அச்சாதியை சேர்ந்த கட்சி விலை போனதை அடுத்து அந்த கட்சி மீது அந்த சாதிக்காரர்கள் மிக அதிருப்தியில் உள்ளனர். விடுதலை சிறுத்தைகளுக்கு 25 லட்சம் (முன்பணம்: 10 லட்சமாம்) மற்றும் தேனி செயக்குமார் உள்ளிட்ட பலருக்கு கோடிகோடியாக பணம் கை மாறியுள்ள நிலையில் முன்னால் முதல்வர் ரெங்கசாமியை இவரால் ஒன்று செய்ய முடியவில்லை.

நேற்று மத்திய அமைச்சர் தேர்தல் பரப்புரைக்கு சென்ற போது முன்னால் முதல்வர் ரெங்கசாமியை சிலர் விமர்சித்ததாக தெரிகிறது அதன் அடிப்படையில் நேற்று ஏற்பட்ட பிரச்சனையில் மத்திய அமைச்சரின் சட்டையை பிடித்து கிழ்த்துவிட்டனர். அதே நேரத்தில் மற்றொரு மாநில அமைச்சரான நமச்சிவாயத்தை ஒரு கிலோமீட்டர் தூரம் விரட்டிவந்துள்ளனர். இதனால் வழியில் வந்த இரு சக்கர வாகனத்தில் ஏறி அமைச்சர் தப்பியோடியுள்ளார்.

இதை புதுவை பத்திரிக்கையாளர்கள் விலை போனதை ஒட்டி இந்த செய்தி பத்திரிக்கைகளின் வெளிவராது என எதிர்பார்க்கபடுகிறது. எதிர்கட்சி என்பதால் தமிழோசை மட்டும் இந்த செய்தியை வெளியிட்டுள்ளது.

நன்றி: தமிழோசை

கருணாநிதிக்கு இராசபக்சே செருப்படி: போர் நிறுத்தம் என்பது பொய் பிரச்சாரம்

2009-04-27T18:37:00.010+05:30

இலங்கை அரசு போர் நிறுத்தம் செய்துள்ளதாக வரும் செய்திகள் திரித்து வெளியிடப்பட்டவை, உண்மையில் போர் நிறுத்தம் அறிவிக்கப்படவில்லை என்று இலங்கை ராணுவம் இன்று மாலை பல்டி அடித்துள்ளது.

இதனால் இலங்கை அரசு போரை நிறுத்தி விட்டதாக மத்திய உள்துறை அமைச்சர் ப.சிதம்பரமும், அவர் கூறியதைக் கேட்டு உண்ணாவிரதத்தை முடித்துக் கொண்ட முதல்வர் கருணாநிதி கூறியதும் கேள்விக்குறியதாகியுள்ளது.

இதுகுறித்து இலங்கை பாதுகாப்புத்துறை அதிகாரி ஒருவர் கூறுகையில், விடுதலைப் புலிகள் பிடியில் சிக்கியுள்ள 15 ஆயிரம் முதல் 20 ஆயிரம் தமிழர்களையும் மீட்கும் முயற்சியில் பாதுகாப்புப் படைகள் தொடர்ந்து ஈடுபடும்.இவர்களை மீட்கும் முயற்சியில் கன ரக ஆயுதங்கள் பயன்படுத்தப்படுவது தவிர்க்கப்படும். அப்பாவிகள் தரப்பில் உயிரிழப்பு இருக்கக் கூடாது என்ற கொள்கையின் அடிப்படையில் இந்த முடிவு எடுக்கப்பட்டுள்ளது.

ஆனால் சில மீடியாக்களில் இலங்கை அரசும், ராணுவமும் போர் நிறுத்தம் செய்வதாக தவறான, அவதூறான, விஷமனத்தனமான செய்தி வெளியாகியுள்ளது.இது முறையல்ல. இந்த செய்தி குப்பையில் போட தகுதியானதாகும். தீவிரவாத ஆதரவாளர்களுக்கு வளைந்து கொடுக்க விரும்புபவர்கள் பரப்பியுள்ள பொய்ச் செய்தியாகும் இது.

அரசு அறிவித்துள்ள முடிவின் உண்மையான அர்த்தம் என்னவென்றால், மீதமுள்ள 10 சதுர கிலோமீட்டர் பரப்பளவுக்குள் ராணுவம் செல்லும்போது அங்கு அப்பாவி மக்கள் யாரும் பலியாகி விடக் கூடாது என்பதில் அரசு கவனமாக உள்ளது.முல்லைத் தீவு வீழ்ந்தது முதலே பாதுகாப்புப் படைகள் மிகுந்த கவனத்துடன்தான் முன்னேறி வருகின்றன.

ஆயிரக்கணக்கான அப்பாவிகளை விடுதலைப் புலிகள் பிணையாளிகளாக பிடித்து வைத்துள்ளனர்.தற்போது பாதுகாப்புப் படைகள் வெற்றியை அடைந்து வருகின்றன. தாக்குதல் லட்சியம் தற்போது முடிவுக்கு வந்து விட்டது. இனி எந்த வகையிலும் தடை செய்யப்பட்ட விடுதலைப் புலிகள் இயக்கம் நிம்மதியாக சுவாசிக்க முடியாத அளவுக்கு நிலைமையை ஏற்படுத்தி விட்டோம்.

எனவே கன ரக ஆயுதங்களைக் கொண்டு தாக்க வேண்டிய அவசியம் இனி இல்லை. இதுதான் அரசு அறிவிப்பின் உண்மையான அர்த்தம்.எந்தவித வெளிநாட்டு நிர்ப்பந்தம் காரணமாகவும் இப்படி ஒரு அறிவிப்பை அரசு வெளியிடவில்லை. உலகின் மிகப் பெரிய பிணையாளிகள் மீட்பு நடவடிக்கை வெற்றியை நெருங்கியதைத் தொடர்ந்தே அரசு இந்த முடிவை எடுத்துள்ளது என்று கூறினார்.

நன்றி: தட்ஸ்தமிழ் http://thatstamil.oneindia.in/news/2009/04/27/lanka-sl-army-says-no-ceasefire-offered.html

வீரப்பன் மனைவி முத்துலட்சுமி தடா சட்டத்தில் கர்நாடகா போலீசால் கைது உண்மை அறியும் குழு அறிக்கை

2009-04-23T18:24:00.001+05:30

அதிரடிப்படையால் கொல்லப்பட்ட வீரப்பனின் மனைவி முத்துலட்சுமி கடந்த 4 மாதங்களாக கர்நாடக மாநில மைசூர் மத்திய சிறையில் அடைக்கப்பட்டுள்ளது குறித்து விசாரித்து அறிக்கை அளிக்கும் நோக்கத்துடன் கீழ்க்கண்டவாறு ஓர் உண்மை அறியும் குழு அமைக்கப்பட்டது. இதில், தமிழ்நாடு, புதுச்சேரி மற்றும் கர்நாடக மாநிலங்களில் செயல்பட்டுக் கொண்டு இருக்கும் பல்வேறு மனித உரிமை அமைப்புகளைச் சேர்ந்த 9 பேர் இடம்பெற்று இருந்தனர். அவர்கள் வருமாறு:

1) அ.மார்க்ஸ், மனித உரிமைக்கான மக்கள் கழகம் (PUHR), தமிழ்நாடு.

2) மு.சிவகுருநாதன், மனித உரிமைக்கான மக்கள் கழகம் (PUHR), தமிழ்நாடு.

3) கோ.சுகுமாரன், மக்கள் உரிமைக் கூட்டமைப்பு (FPR), புதுச்சேரி.

4) பேராசிரியர் சே.கோச்சடை, மக்கள் சிவில் உரிமைக் கழகம் (PUCL), தமிழ்நாடு.

5) ஜி.சி.ஜெகதீஷ், சோஷலிசத்திற்கான புதிய மாற்று, பெங்களூரூ.

6) டாக்டர் லக்ஷ்மிநாராயணா, மக்கள் சிவில் உரிமைக் கழகம் (PUCL), பெங்களுரூ.

7) மரிதண்டியா (எ) புத்தா, மக்கள் சிவில் உரிமைக் கழகம் (PUCL), மைசூரூ.

8) ஆர்.மனோகரன், சிக்ரம், கர்நாடகா.

9) பிரசன்னா, மாவட்ட மனித உரிமை ஒருங்கிணைப்பாளர், மைசூரூ.

இக்குழு, நேற்று (22.4.2009) மாலை மைசூர் மத்திய சிறையில் அடைக்கப்பட்டுள்ள முத்துலட்சுமியை சந்தித்தது. மேட்டுரில் உள்ள அவரது இல்லத்தில் வைத்து சென்ற டிசம்பர் 25 நள்ளிரவில் கர்நாடக போலீஸ் அவரைக் கைது செய்துள்ளது. சாம்ராஜ் நகர் முதன்மை அமர்வு நீதிபதி அளித்துள்ள வாரண்ட் அடிப்படையில் அவரையும் மேலும் நால்வரையும் (சீனிவாசன், பொன்னுசாமி, பசுவா மற்றும் டைலர் மணி) போலீஸ் அடுத்தடுத்து கைது செய்தது.

அவர்கள் மீது இந்திய தண்டனைச் சட்டம், ஆயுத மற்றும் வெடிமருந்துச் சட்டம் மற்றும் தடா சட்டப் பிரிவுகளின் கீழ் 4 வழக்குகள் போடப்பட்டுள்ளன. இந்த 4 வழக்குகளும் வனத் துறை அதிகாரி சீனிவாசன் கொலை வழக்கு (1991), ஷகீல் அகமது கொலை வழக்கு (1992), போலீஸ் எஸ்.பி. கோபால் ஒசூர் மீது தாக்குதல் வழக்கு (1993), பாலாறு வெடிகுண்டு வழக்கு (1993) என அழைக்கப்படுகின்றன.

முத்துலட்சுமியுடன் பேசிய அடிப்படையில் இந்த கைதுகள் குறித்த எங்கள் பார்வைகள் வருமாறு:

1) இந்த 4 வ்ழக்குகளிலும் தொடர்புடைய சம்பவங்கள் 1991-க்கும் 1993-க்கும் இடைப்பட்ட ஆண்டுகளில் நிகழ்ந்தவை. இவ்வழக்குகளில் 8 பெண்கள் உள்ளிட்ட 126 பேர் கைது செய்யப்பட்டனர். தனி நீதிமன்றம் அமைத்து விசாரிக்கப்பட்ட இவ்வழக்குகளின் இறுதியில் 109 பேர் குற்றமற்றவர்கள் என 9 ஆண்டுகள் கழித்து விடுதலை செய்யப்பட்டனர். வெறும் 8 பேர் மட்டுமெ தண்டிக்கப்பட்டனர். இவர்களில் 4 பேருக்கு வழங்கப்பட்ட ஆயுள் தண்டனை பின்னர் உச்சநீதிமன்றத்தில் மரண தணடனையாக மாற்றபட்டது. இந்த நால்வரும் இன்றளவும் சிறையில் வாடுகின்றனர். இவர்களின் கருணை மனுக்கள் நிலுவையில் உள்ளன.

2) இந்த கைதுகள் மேற்கொள்ளப்பட்ட போதே அன்று தேடப்பட்டுக் கொண்டிருந்த வீரப்பனின் மனைவியான முத்துலட்சுமியை பிடித்துச் சென்ற அதிரடிப்படையினர் அவரை 2 ஆண்டுக் காலம் தமது பண்ணாரி முகாமில் சட்டவிரோத காவலில் வைத்திருந்தனர். பின்னர் அவர் இம்முகாமிலிருந்து விடுவிக்கப்பட்ட போதும், அவர் கணவர் கொல்லபடும் வரை கடும் கண்காணிப்பின்கீழ் வீட்டுக் காவலில் வைக்கப்பட்டிருந்தார். நீதிபதி சதாசிவா விசாரணை ஆணையத்தின் முன்னும் அவர் தனது பாதிப்புகளைச் சொல்ல அனுமதிக்கப்படவில்லை.

3) கடந்த 18 ஆண்டுகளாக அவர் மீது வாரண்ட் ஒன்று நிலுவையில் இருப்பதாக அதிரடிப்படையினர் சொல்லி வந்த போதும், இந்த வழக்குகள் தொடங்கி முடியும் வரை அவரை இவற்றில் வழக்குகளில் தொடர்புபடுத்தி விசாரிக்கவில்லை. 18 ஆண்டுகள் ஆனபின் இப்போது திடீரென அவரும் மற்ற நால்வரும் தற்போது நடைமுறையில் இல்லாத தடா சட்டத்தின்கீழ் கைது செய்யப்பட்டுள்ளனர்.

4) இவ்வழக்குகள் நான்கும் 2001-ம் ஆண்டிலேயே விசாரிக்கப்பட்டு தீர்ப்புகளும் வழங்கப்பட்டுவிட்டன. இவ்வழக்குகளில் முக்கிய குற்றவாளியான வீரப்பன் 2004-ம் ஆண்டில் கொல்லப்பட்டும் விட்டார். ஒரு வழக்கு இவ்வாறு தன் தர்க்கபூர்வமான முடிவை எட்டிய பின்னர் மீண்டும் அதை தோண்டியெடுத்து புதுப்பித்துள்ளதை திட்டமிட்ட ஒரு பழிவாங்கும் நடவடிக்கையாக எமது குழு கருதுகிறது.

5) வீரப்பன் கொல்லப்பட்ட பின்னர் அவரது மனைவியான முத்துலட்சுமி அப்பகுதியில் உள்ள மலைவாழ் மக்களை ஒன்றுதிரட்டி அதிரடிப்படையால் பாதிப்புக்குள்ளான மக்களுக்கு நியாயம் கேட்டுப் போராடியுள்ளார். ஆண்டு தோறும் அவர் கணவர் கொல்லபட்ட தினத்தில் நட்த்தப்பட்ட மாநாடுகள் குறைந்தபட்சம் மூன்று. மனித உரிமை அமைப்புகளைச் சேர்ந்தவர்கள் பலரும் அதில் கலந்துக் கொண்டுள்ளனர். இம்மாநாடுகளில் இரண்டு கோரிக்கைகள் வைக்கப்பட்டுள்ளன.

அ) அதிரடிப்படையால் பாதிக்கப்பட்ட அத்துணை பேருக்கும் இழப்பீடு வ்ழங்குவது.

ஆ) மனித உரிமை மீறலுக்கு காரணமான போலீஸ் அதிகாரிகளைத் தண்டிப்பது.

6) நீதிபதி சதாசிவா ஆணையம் தனது அறிக்கையை சமர்ப்பித்த பின்பு தேசிய மனித உரிமை ஆணையம் அதிரடிப்படையால் பாதிக்கப்பட்ட 83 பேருக்கு இழப்பீடு வழங்க ஆணையிட்டது. இன்றைய தேதியில் 80 பேருக்கு இழப்பீடு வழங்கப்பட்டுள்ளது. இரு மாநில அரசுகளும் இதற்கென 2.8 கோடி ரூபாய் செலவிட்டுள்ளன. இன்னும் மூவருக்கு இழப்பீடு வழங்கப்படவில்லை.

7) இங்கொன்றை குறிப்பிட வேண்டியுள்ளது. பொறுப்பு மிக்க மனித உரிமை அமைப்புகளின் கணக்கீட்டின்படி கூட்டு அதிரடிப்படையினரால் கொல்லப்பட்டவர்களின் எண்ணிக்கை 100; வன்புணர்ச்சி செய்யப்பட்ட பெண்கள் 60; முடமாக்கப்பட்டோர் 300. எனவே, இன்னும் பல பாதிக்கப்பட்டவர்களுக்கும், கொல்லப்பட்டவர்களின் வாரிசுகளுக்கும் உரிய இழப்பீடுகள் வழங்கப்படவில்லை.

8) இந்நிலையில், முத்துலட்சுமி இவ்வாறு பதிக்கப்பட்டவர்களுக்கு இழப்பீடு வழங்க வேண்டுமென கோரிக்கை எழுப்பியது முற்றிலும் நியாயமானதே. இது மிகவும் அடிப்படையான மனித உரிமைக் கோரிக்கையே.

9) முத்துலட்சுமி மற்றும் நால்வரையும் இவ்வாறு சிறையில் அடைத்திருப்பதையும் வழக்கை விரைவாக நடத்தாமல் வேண்டுமென்றே தாமதிப்பதையும் இக்குழு வன்மையாக கண்டிக்கிறது. பருவமடைந்த இரண்டு பெண்களுக்குத் தாயான இந்த ஏழை விதவைக்குப் பிணை அளிக்க்க் கூடாது என கர்நாடக போலீஸ் மறுப்புத் தெரிவிப்பதை இக்குழு வன்மையாக கண்டிக்கிறது.

10) மனித உரிமை அமைப்புகளாலும், பல்வேறு அரசியல் கட்சிகளாலும் கடுமையாக கண்டிக்கபட்டு, இன்று நீக்கப்பட்டுள்ள கறுப்புச் சட்டமான தடாவை கர்நாடக அரசு ஒரு ஏழை அபலைக்கு எதிராக பயன்படுத்தி இருப்பதையும் இக்குழு வன்மையாக கண்டிக்கிறது.

11) முத்துலட்சுமியும், மற்றவர்களும் உடனடியாக விடுதலை செய்யப்பட வேண்டுமென இக்குழு கோருகிறது. அவர்கள் மீது போடப்பட்டுள்ள வழக்குகளைத் திரும்பப் பெற வேண்டும்.

12) கன்னட நடிகர் ராஜ்குமாரை வீரப்பன் கடத்திய போது நடந்த பேச்சுவார்த்தைகளில், அதிரடிப்படையால் பாதிக்கப்பட்ட மக்களுக்கு 10 கோடி ரூபாய் இழப்பீடு வழங்க இரு மாநில அரசுகளும் ஒத்துக் கொண்டன. ஒவ்வொரு மாநில அரசும் இதற்கென 5 கோடி ரூபாய் ஒதுக்கின. இந்நிதி இதுவரையில் பயன்படுத்தப்படவில்லை. அதிரடிப்படையால் பாதிக்கபட்டுள்ள எஞ்சியுள்ள பலருக்கும் இறந்துப் போனவர்களின் வாரிசுகளுக்கும் இத்தொகை பிரித்தளிக்கப்பட வேண்டுமென இக்குழு கோருகிறது.

13) பாதிக்கப்பட்டவர்களுக்கு இழப்பீடு வழங்குவதில் தயக்கம் காட்டும் இந்த அரசுகள் தேசிய மனித உரிமை ஆணையத்தின் விதிமுறைகளுக்கு மாறாக பாதிக்கப்பட்டவர்களால் குற்றம்சாட்டப்பட்ட பல போலீஸ் அத்காரிகளுக்கு பல கோடி ரூபாய் வீரப்பரிசுகளும், பதவி உயர்வுகளும் வழங்கியுள்ளதை இக்குழு வன்மையாக கண்டிக்கிறது. குற்றம்சாட்டப்பட்ட அதிரடிப்படையினர் சட்டத்தின்முன் கொண்டுவரப்பட்டு விசாரிக்கப்பட வேண்டும். குற்றம் நிரூப்பிக்கப்படுகிறவர்கள் தண்டிக்கப்பட வேண்டும்.

14) வழக்கு விசாரணை வேகமாக நடத்தப்பட வேண்டும். தந்தையை இழந்து தாயின் அரவணைப்பும் இல்லாமல் படித்துக் கொண்டிருக்கும் இரு பெண்களை மனதில் கொண்டு முத்துலட்சுமியை உடனடியாக பிணையில் விடுவதற்கு போலீஸ் மறுப்பு தெரிவிக்க கூடாது என இக்குழு கோருகிறது. ஏற்கனவே தமிழக போலீஸ் தொடுத்துள்ள வழக்கில் கைது செய்யாமல், சம்மன் அளித்து அழைத்த போது ஆஜராகி வழக்கு விசாரணையில் முத்துலட்சுமி ஒத்துழைத்து உள்ளதைக் இக்குழு சுட்டிக்காட்டுகிறது.

மைசூரூ

23.04.2009.

தொடர்புக்கு: அ.மார்க்ஸ், 3/5, முதல் குறுக்குத் தெரு, சாஸ்திரி நகர், அடையார், சென்னை-600 020. செல்: 9444120582, 9894054640.

சிதம்பரத்தின் மீது செருப்பு வீச்சு : வீடியோகாட்சி

2009-04-08T00:35:00.006+05:30

டைம்ஸ் நவ் வெளியிட்டுள்ள அந்த நிகழ்வின் வீடியோ காட்சி:

டெல்லி: எதிர்ப்பைக் காட்ட தலைவர்கள் முகத்தை நோக்கி செருப்பை வீசுவது இப்போது வழக்கமாக விட்டது.

மத்திய உள்துறை அமைச்சர் ப.சிதம்பரம் மீது தைனிக் ஜாக்ரன் பத்திரிகையின் மூத்த சீக்கிய பத்திரிக்கையாளர் ஒருவர் இன்று ஷூ வீசி பரபரப்பை ஏற்படுத்தியுள்ளார்.

இந்திரா காந்தி கொல்லப்பட்ட போது டெல்லியில் சீக்கியர்களுக்கு எதிராக நடந்த கலவரத்தில் ஆயிரக்கணக்கான சீக்கியர்கள் படுகொலை செய்யப்பட்டனர். இந்த வழக்கில் காங்கிரஸ் மூத்த தலைவர் ஜெகதீஷ் டைட்லர் மீது வழக்குத் தொடரப்பட்டது.

இந்த வழக்கை விசாரித்து வந்த சிபிஐ சமீபத்தில் டைட்லரை இந்த வழக்கிலிருந்து விடுவித்தது. இதற்கு எதிராக நாடு முழுவதும் சீக்கியர்கள் போராட்டம் நடத்தி வருகின்றனர்.

இந் நிலையில் இன்று டெல்லியில் நிருபர்களை சந்தித்தார் ப.சிதம்பரம் . அப்போது பிரஸ்மீட்டில் பங்கேற்ற பிரபல இந்தி நாளிதழ் தைனிக் ஜார்கன் பத்திரிக்கையைச் சேர்ந்த நிருபர் ஜர்னைல் சிங் எழுந்து, சீக்கியர்களுக்கு எதிரான வன்முறை, டைட்லர் விடுவிப்பு குறித்து ஆவேசத்துடன் பேசினார்.

அவருக்கு பதிலளித்த சிதம்பரம், இது அரசியல் மேடையல்ல. இங்கே நாம் அரசியல் விவாதம் நடத்த முடியாது, கேள்வி மட்டும் கேளுங்கள் என்றார்.

ஆனாலும் டைட்லரை விடுவித்ததற்கு எதிர்ப்புத் தெரிவித்து ஆவேசமாக ஜர்னைல் சிங் பேசிக் கொண்டே போகவே, ‘போதும்…போதும் நிறுத்துங்கள்.. இது குறித்து சிபிஐயை எதிர்த்து சட்டரீதியாக அணுகலாம். அதுவரை பொறுமையாக இருப்போம்’ என்றார் சிதம்பரம்.

ஆனாலும் சிங் தொடந்து பேசவே, சிபிஐ ஒரு சுதந்திரமான அமைப்பு. அதை உள்துறையோ மத்திய அரசோ கட்டுப்படுத்தவில்லை என்றார் சிதம்பரம்.

இதைக் கேட்டு ஆத்திரமடைந்த அந்த நிருபர் தனது ஷூவை கழற்சி சிதம்பரம் மீது வீசினார். ஆனாலும் அந்த ஷூ சிதம்பரம் மீது படவில்லை.

இருப்பினும் நிதானமாக அமர்ந்திருந்த சிதம்பரம், ‘யாரும் பதற்றப்பட வேண்டாம், பிரஸ்மீட்டை தொடர்வோம்’ என்றார் வழக்கமான தனது புன்னகையுடன்.

மேலும் ‘ஜர்னைல் சிங் நமக்கெல்லாம் மிக நன்றாக தெரிந்த நிருபர்தான். அவரை நான் மன்னித்துவிட்டேன். அதை இத்தோடு விடலாம்’ என்றார்.

ஆனாலும் சிதம்பரத்தின் பாதுகாப்புப் படையினர் அந்த நிருபரை உடனடியாக அங்கிருந்து வெளியேற்றி இழுத்துச் சென்றனர். அப்போது அவர்களிடம், ‘ஜர்னைல் சிங்கை ‘ஜென்டிலாக’ நடத்துங்கள்… இப்படி இழுத்துச் செல்லாதீர்கள் என்ற சிதம்பரம்.. ஒரு தனி மனிதரால் இந்த பிரஸ் மீட் தடைபட வேண்டாம். நாம் நமது பிரஸ் மீட்டை தொடரலாம்’ என்றார்.

ஜர்னைல் சிங்கை சிதம்பரத்தின் பாதுகாப்பு அதிகாரிகள் அருகே உள்ள காவல் நிலையத்துக்குக் கொண்டு சென்றனர்.

பாக்தாதில் முன்னாள் அமெரிக்க அதிபர் மீது நிருபர் ஷூ வீசியது பரபரப்பானது. இப்போது அதே பாணியில் ப.சிதம்பரம் மீது ஷூ வீசப்பட்டுள்ளது.

ஜர்னைல் சிங் பல காலமாக டெல்லி காங்கிரஸ் அலுவலக செய்திகளை வழங்கி வருபவர் ஆவார். இவர் பஞ்சாபைச் சேர்ந்தவர் ஆவார்.

வெளியே இழுத்துச் செல்லப்பட்ட ஜர்னைல் சிங் கூறுகையில், ‘நான் செய்தது தவறில்லை. எனது செயலுக்காக மன்னிப்பு கேட்க மாட்டேன். எனது அனுகுமுறை தவறாக ‌இருந்திருக்கலாம். ஆனால் நான் எனது சமூகத்தின் கருத்தை வெளிப்படுத்தியுள்ளேன்’ என்றார்.

ஜர்னைல் சிங் பாதுகாப்புத்துறை தொடர்பான செய்திகளை எழுதும் நிருபராகவும் பணியாற்றியவர்.

நன்றி : என்வழி தளம் http://www.envazhi.com/?p=6179

இனி தீக்குளிப்பு வேண்டாம் செருப்படி கொடுங்கள்

2009-04-08T00:24:00.016+05:30

ஈழத்தமிழர்களுக்காக என்னால் ஒன்றும் செய்ய முடியவில்லை. நான் ஏதேனும்செய்ய வேண்டும் என்று கடலூரை சேர்ந்த ஆனந்தராசு கூறிதீக்குளித்துக்கொண்டார். என்னால் எதுவும் செய்ய முடியவில்லை என்பதற்காகதீக்குளித்து தற்கொலை கொண்டவர்கள் மொத்தமாக இன்றுவரை 17 பேர்கள். இப்படி செத்து மடிவதைவிட செருப்பால் அடித்து வாழ்வதே சிறந்ததாகும்.

தமிழகத்தில் ஈழத்தமிழருக்காக முத்துக்குமார் தீக்குளித்ததும் அதனை தொடர்ந்து பலர் தீக்குளித்துள்ளார்கள்,

அதே போல அமெரிக்காவின் முன்னாள் அதிபர் புஷ்சை தொடர்ந்து சீனப் பிரதமரை நோக்கி செருப்பு வீசப்பட்டது. பின்னர் இப்போது சிதம்பரத்துக்கு செருப்பு வீச்சு நடந்துள்ளது.

தமிழின விரோதிகளுக்கெல்லாம் இந்த செருப்படி விரைவில் விழும் என்று எதிர்பார்க்கலாம்.

டைம்ஸ் நவ் வெளியிட்டுள்ள அந்த நிகழ்வின் பார்க்க காட்சிப்பட இணைப்பு:

இன்று சிதம்பரத்தின் மீது வீசப்பட்டுள்ளது.

செருப்படி வாங்கிய ஜார்ஜ் புஷ்!

சீனப்பிரதமர் மீது செருப்பு வீச்சு

நீதி கிடைக்க மக்கள் என்ன செய்ய வேண்டும்? சனநாயகத் தூண்கள் வாய்திறக்குமா?

பித்தம் தலைக்கேறி உளரும் கருணாநிதி

2009-04-06T22:12:00.006+05:30

செய்தி : நன்றி தினமலர்:(06-04-2009 பக்கம்: 5)

ஈழவிடுதலைப்போரில் தமிழகம் உள்ளிட்ட பகுதியுடன் மொத்தமாக இதுவரை 16 பேர் தீக்குளித்து உயிர் துறந்து இருக்கிறார்கள். உலகநாடுகள் ஈழப்போரின் படுகொலையை கண்டுகொள்ளாமல் இருந்தபோது புலம் பெயர்ந்த தமிழர்கள் தனது ஓயாத போராட்டத்தின் விளைவாக ஈழப்படுகொலையை உலகின் பாரவைக்கு அல்லது உலகம் இந்த படுகொலையை வேடிக்கை பார்த்துக்கொண்டிருக்கிறது என்பதை உலகுக்கு உணர்த்தியவர்கள்.

அவர்களின் அயராத உழைப்பின் பின் தான் உலக நாடுகள் கொஞ்சம் திருப்பி பார்த்தது.

ஆனால் கருணாநிதியை பாருங்கள்

"எங்களுடைய குரலை மதித்து வெளிநாடுகளில் உள்ள அரசுகள், அய்.நா சபை உள்ளிட்டவை தூதர்கள் மூலமாக சொல்லிவருகிறார்கள்"

என பச்சை புளுகை சொல்லி ஏமாற்றும்

கருணாநிதிக்கு பித்தம் தலைக்கேறி உளரிக்கொட்டுகிறார் என்பதாகவே நாம் புரிந்துகொள்ள முடியும்.

ஈழத்திலிருந்து ஒரு குரல்

2009-03-25T09:00:00.007+05:30

வீசும் காற்றே தூது செல்லு.......................!
தமிழ் நாட்டிலெழுந்தொரு சேதி சொல்லு.........................!!
வீசும் காற்றே தூது செல்லு.......................!!!
தமிழ் நாட்டிலெழுந்தொரு சேதி சொல்லு.........................!!!!

ஈழத்தில் நாம்படும் வேதனைகள்..............................!
ஈழத்தில் நாம்படும் வேதனைகள்.................................!!

இதை எங்களின் சோதரர் காதில் சொல்லு.............................!!!

வீசும் காற்றே தூது செல்லு..........................................!
தமிழ் நாட்டிலெழுந்தொரு சேதி சொல்லு........................!!

எங்கு முகிலினம் பாட மறந்தது...........................!
எங்கள் புல்வெளி் ஆடை இழந்தது..........................!!
எங்கு முகிலினம் பாட மறந்தது...........................!
எங்கள் புல்வெளி் ஆடை இழந்தது..........................!!

தங்கைகளின் பெரும் மங்களம் போனது!..........................!
சாவு எமக்கொரு வாழ்வென ஆனது..............!!

வீசும் காற்றே தூது செல்லு!,.......................!
தமிழ் நாட்டிலெழுந்தொரு சேதி சொல்லு!!.........................!!
வீசும் காற்றே தூது செல்லு!,.......................!!!
தமிழ் நாட்டிலெழுந்தொரு சேதி சொல்லு!!.........................!!!!

உங்கள் கொடிமலர் இங்கு மடியுது .................!
ஊர்மனையாவிலும் சாகுரல் கேட்குது......................!!
உங்கள் கொடிமலர் இங்கு மடியுது .................!
ஊர்மனையாவிலும் சாகுரல் கேட்குது......................!!

இங்குள பேய்களும் செய்ய மறந்ததை......................!!!
இங்குள பேய்களும் செய்ய மறந்ததை......................!!!
உங்களின் இராணுவம் செய்து முடிக்குது...............!!!!

வீசும் காற்றே தூது செல்லு!,.......................!
தமிழ் நாட்டிலெழுந்தொரு சேதி சொல்லு!!.........................!!
வீசும் காற்றே தூது செல்லு!,.......................!!!
தமிழ் நாட்டிலெழுந்தொரு சேதி சொல்லு!!.........................!!!!

கத்திட கேட்டிடும் தூரமல்லோ.....................!
கடல் கைவந்து தாங்கிடும் நீளமல்லோ...........!!
கத்திட கேட்டிடும் தூரமல்லோ.....................!
கடல் கைவந்து தாங்கிடும் நீளமல்லோ...........!!

எத்தனை எத்தனை இங்கு நடந்திட.................!!!
எத்தனை எத்தனை இங்கு நடந்திட.................!!!
எங்களின் சோதரர் தூக்கல்லோ?..........................!!!!

வீசும் காற்றே தூது செல்லு!,.......................!
தமிழ் நாட்டிலெழுந்தொரு சேதி சொல்லு!!.........................!!
வீசும் காற்றே தூது செல்லு!,.......................!!!
தமிழ் நாட்டிலெழுந்தொரு சேதி சொல்லு!!.........................!!!!

வேங்கையை வேட்டைகள் ஆடுகிறார்.................!
புலி வீரரை காட்டினில் தேடுகிறார்.........................
வேங்கையை வேட்டைகள் ஆடுகிறார்.................
புலி வீரரை காட்டினில் தேடுகிறார்.........................

தாங்க முடியலை வேதனைகள் .......ள்ள்ள்........................!
தாங்க முடியலை வேதனைகள் ..........................................!
இதை தாயக பூமியில் காதில் சொல்லு...................!!

வீசும் காற்றே தூது செல்லு!,.......................!
தமிழ் நாட்டிலெழுந்தொரு சேதி சொல்லு!!.........................!!
வீசும் காற்றே தூது செல்லு!,.......................!!!
தமிழ் நாட்டிலெழுந்தொரு சேதி சொல்லு!!.........................!!!!

ஈழத்தில் நாம்படும் வேதனைகள்!
ஈழத்தில் நாம்படும் வேதனைகள்!!

இதை எங்களின் சோதரர் காதில் சொல்லு!!
வீசும் காற்றே தூது செல்லு!,.......................!
தமிழ் நாட்டிலெழுந்தொரு சேதி சொல்லு!!.........................!!

..........................

இந்த பாடல் வெளிவந்து பல ஆண்டுகள் ஆனது.

இருப்பினும் இன்னும் புதிதாக சூழல் மாறாமல் இன்றைக்கும் பொருத்தமான பாடல் இந்திய படை அப்போது தமீழீழம் சென்ற போது ஒலித்த பாடல் இப்போதும் அதே நிலை அதே குரல்
ஒரு வேதனையான புகழ் பெற்ற பாடல் இது.

இயக்குனர் சீமான் , கொளத்தூர் மணி, நாஞ்சில் சம்பத் கைதை கண்டித்து போராட்டம்

2009-03-22T16:17:00.008+05:30

புதுச்சேரி மாநில பெரியார் திராவிடர் கழகம் சார்பாக பெரியார் திராவிடர் கழக தலைவர் தோழர் கொளத்தூர் மணி, இயக்குனர் தோழர் சீமான், தோழர் நாஞ்சில் சம்பத் மூவர் மீதும் அடக்குமுறை சட்டமான தேசிய பாதுகாப்பு சட்டத்தின் கீழ் கைது செய்து சிறையில் அடைத்துள்ளதை கண்டீத்து வாய் கட்டி - கை விலங்குடன் கண்டன ஆர்பாட்டம் நடைபெற்றது. புதுச்சேரி மாநில பெரியார் திராவிடர் கழகத்தலைவர் லோகு அய்யப்பன் தலைமையில் நடைபெற்ற ஆர்பாட்டத்தில தந்தைபிரியன் வீராசாமி வீர.மோகன் இளங்கோ விஜயசங்கர் சுரேசு, இரவிச்சந்திரன் மற்றும் பொறுப்பாளர்களுடன் பெரியார் திராவிடர் கழக தேழர்களும் பிற தோழமை அமைப்பினரும் பெருமளவில் கலந்து கொண்டனர் ஆர்பாட்டத்தில் கலந்து கொண்ட அனைவரும் கைகளில் விலங்கிட்டும் வாயில் கருப்பு துணிகட்டியும் பங்கேற்றனர்.

புதுச்சேரியில் நாளை இலங்கை தமிழர் பாதுகாப்பு இயக்க பொதுக்கூட்டம் டாக்டர் ராமதாஸ்-வைகோ-திருமாவளவன் த.பாண்டியன் நெடுமாறன் பங்கேற்பு

2009-03-15T23:18:00.003+05:30

புதுவையில் நாளை (16-03-2009) இலங்கை தமிழர் பாது காப்பு இயக்க பொதுக்கூட்டம் நடக்கிறது. இந்த கூட்டத்தில் டாக்டர் ராமதாஸ், வைகோ, தொல்.திருமாவளவன் ஆகியோர் பங்கேற்கின்றனர்.

உலக நாடுகள் இலங்கையில் நடைபெறும் இனவெறி போரை நிறுத்த தலையிடவேண்டும் என்று இந்தியாவில் உள்ள வெளிநாட்டு தூதுவர்களை சந்தித்து மனு அளித்து வருகின்றோம். அதுமட்டுமில்லாமல் இலங்கை தமிழர் பாதுகாப்பு இயக்க தலைவர்கள் முன்னின்று தமிழகம் முழுவதும் மாபெரும் மக்கள்திரள் பேரணி என்கிற பெயரில் பொதுக்கூட்டங்கள் நடத்தி வருகிறார்கள்.

டாக்டர் ராமதாஸ்-வைகோ

இதன் தொடர்ச்சியாக புதுவையில் நாளை (திங்கட் கிழமை) மாலை 5-மணிக்கு பெரியார் திடல் சிங்காரவேலர் சிலையருகில் பொதுக்கூட்டம் நடைபெற உள்ளது. இப்பொதுக்கூட்டத்தில் தமிழக தலைவர்கள் இலங்கை தமிழர் பாதுகாப்பு இயக்கத்தின் ஒருங்கிணைப்பாளர் பழ.நெடுமாறன், பா.ம.க.வின் நிறுவன தலைவர் டாக்டர் ராமதாஸ், ம.தி.மு.க. பொதுச்செயலாளர் வைகோ, இந்திய கம்யூனிஸ்டு கட்சியின் தமிழ்மாநில செயலாளர் தா.பாண்டியன், விடுதலை சிறுத்தைகள் கட்சியின் தலைவர் தொல்.திருமாவளவன், தேசிய லீக் தலைவர் பஷீர் அகமது, தேசியவாத காங்கிரஸ் கட்சியின் தமிழக தலைவர் திண்டிவனம் ராமமூர்த்தி, மா.நடராசன் உள்ளிட்ட தலைவர்கள் கலந்துகொண்டு இலங்கையில் அழிந்துவரும் நமது தமிழினத்தை காப்பாற்ற உரிமை குரல் எழுப்ப உள்ளார்கள்.

மேலும் புதுச்சேரியில் இலங்கை தமிழர் பாதுகாப்பு இயக்கத்தில் அங்கம் வகிக்கும் கட்சி, அமைப்புகளின் தலைவர்கள் கலந்துகொள்கின்றனர். எனவே புதுச்சேரி, கடலூர், விழுப்புரம் மாவட்டத்தை சேர்ந்த தமிழின உணர்வாளர்கள், பொதுமக்கள் அனைவரும் சாதி, மதம் மற்றும் அரசியல் வேறுபாடுகளை கடந்து தமிழினமாய், தமிழினம் காக்கும் பொதுக்கூட்டத்திற்கு திரண்டு வந்து பொதுக்கூட்டத்தை வெற்றிபெற செய்ய வேண்டும் என விடுதலைச் சிறுத்தைகள் கட்சியின் மாநில அமைப்பாளர் பாவாணன் கேட்டுக்கொண்டுள்ளார்.

வரும் நாடாளுமன்ற தேர்தலில் சீமான் போட்டியிடுவார் - இயக்குநர் தங்கர்பச்சான்

2009-03-03T09:02:00.006+05:30

புதுச்சேரி காலாப்பட்டில் உள்ள மத்திய சிறையில் கடந்த பிப்ரவரி மாதம் 21-ம் தேதி திரைப்பட இயக்குநர் சீமான் அடைக்கப்பட்டுள்ளார். அவரைப் பார்ப்பதற்காகச் திரைப்பட இயக்குநர் தங்கர்பச்சான் 2.3.2009 திங்கள்கிழமை புதுச்சேரி காலாப்பட்டு மத்திய சிறைச் சாலைக்கு வந்தார்.
காலை 11 மணி முதல் இயக்குநர் சீமானைப் பார்க்க வேண்டும் என்று மனு கொடுத்தனர். ஆனால் அந்த மனுவை பெற்றுக் கொண்ட சிறைத்துறையினர் எந்தவித பதிலையும் கூறவில்லை.

இதனால் சுமார் ஒரு மணிநேரம் பொறுத்துப் பார்த்த தங்கர்பச்சான், புதுச்சேரி மாநில விடுதலைச் சிறுத்தைகள் கட்சி மாநில அமைப்பாளர் சு.பாவாணன், துணைப் பொதுச் செயலர் சோழ நம்பியார், ம.தி.மு.க. கபிரியேல், பெரியார் திராவிடர் கழகத் தலைவர் லோகு.ஐயப்பன், மக்கள் உரிமைக் கூட்டமைப்புச் செயலர் கோ.சுகுமாரன், உள்ளிட்ட 30-க்கும் மேற்பட்டோர் நண்பகல் 12 மணிக்கு சிறையின் வாயிலில் அமர்ந்து திடீர் மறியலில் ஈடுபட்டனர்.
இந்நிலையில் அங்கு வந்த காலாப்பட்டு போலீஸ் எஸ்.ஐ. கே.வரதராஜன் சிறைத் துறைக் கண்காணிப்பாளர் ஜெயகாந்தனை தொலைபேசி மூலம் தொடர்பு கொண்டு 'அனுமதி உண்டா இல்லையா என்று சொல்லாமல் ஏன் மெளனம் சாதிக்கிறீர்கள்' என்று கேட்டார். பின்னர் அவர் அனைவரையும் சிறைக்குள் அழைத்துச் சென்றார்.

பின்னர் இயக்குநர் தங்கர்பச்சன் உட்பட அனைவரும் சீமானை சந்தித்தனர்.
புதுச்சேரி காலாப்பட்டு மத்திய சிறையில் உள்ள சீமானைச் சந்தித்து விட்டு வந்த திரைப்பட இயக்குநரும், நடிகருமான தங்கர்பச்சான் பத்திரிகையாளர்களிடம் கூறியது:

தமிழர்களின் உரிமைகள், உணர்வுகளைக் காணாமல் போகச்செய்தவர்கள் அரசியல்வாதிகள். காவிரி நதிநீர் பங்கீட்டில் உச்சநீதிமன்ற தீர்ப்பையே ஏற்க மறுக்கின்றனர். இது தொடர்பாக 27 முறை பேசியும் முறையான தண்ணீர் நமக்கு இதுவரை கிடைக்கவில்லை. கச்சத்தீவைப் பறி கொடுத்ததால் தமிழக மீனவர்கள் சுட்டுத் தள்ளப்படுகின்றனர்.

தமிழனுக்காகவும், தமிழினத்திற்காகவும் அரசியல்வாதிகள் குரல் எழுப்பவில்லை. குரல் கொடுத்திருந்தால் மத்திய அரசு செவிமடுத்திருக்கும். தமிழன்தான் குரல் எழுப்புகிறான். ஈழத் தமிழர்களைப் பாதுகாக்க தமிழக தலைவர்கள் அனைவரும் ஒரு மணி நேரம் ஒன்று கூடி பேசியிருந்தால் போதும். மத்திய அரசு பணிந்திருக்கும். ஆனால், அதை யாரும் செய்யவில்லை.
தற்போது தமிழர்களுக்காகவும், தமிழினத்திற்காகவும் குரல் கொடுக்கும்காலம் வந்துவிட்டது.

மற்றவர்கள் போல் திரைப்படம் உண்டு தன் சம்பாத்தியம் உண்டு என்று இல்லாமல் சீமான் தமிழர்களுக்காக குரல் கொடுக்கிறார். சீமான் மீது இதுவரை 4 வழக்குகள் பதிவு செய்யப்பட்டுள்ளது.

வரும் நாயாளுமன்றத் தேர்தலில் சீமான் போட்டியிட உள்ளார். சீமானிடம் ஓட்டு வங்கி உள்ளதால் அவரை சிறையில் வைத்துவிட வேண்டும் என்று அரசியல்வாதிகள் எண்ணுகின்றனர். தமிழக இளாஞர்கள், மாணவர்கள் அவரை வெற்றிப் பெற செய்வார்கள். தமிழ் மக்கள் சீமானுக்கு ஆதரவாக செயல்படுவார்கள். அவரை நான் உட்பட பலரும் வரும் நாடாளுமன்ற தேர்தலில் போட்டியிட வேண்டுமென வலியுறுத்தியுள்ளோம்.
சிறையில் இருந்தபடி தமிழ் இனம், மொழிக்காக சீமான் குரல் கொடுத்து வருகிறார்.

விடுதலைச் சிறுத்தைகள் கட்சி மாநில அமைப்பாளர் சு.பாவாணன், துணைப் பொதுச்செயலர் சோழ நம்பியார், ம.தி.மு.க. கபிரியேல், பெரியார் திராவிடர் கழகத் தலைவர் லோகு.அய்யப்பன், மக்கள் உரிமைக் கூட்டமைப்புச் செயலர் கோ.சுகுமாரன் உள்ளிட்டோர் உடனிருந்தனர்.

தமிழருவி மணியனுக்கு பாராட்டு சுவரொட்டி ஒட்டிய இளைஞர் பட்டாளம்

2009-02-26T00:03:00.006+05:30

புதுச்சேரி பேரூந்து நிலையம் அருகில் இன்று காலை சென்றிருந்தபோது “தமிழ்ருவி மணியன்” காங்கிரசு கட்சியிலிருந்து தனது பொதுச்செயலர் பதவியிலிருந்து விலகியதற்கு பேரூந்துகளில் சுவரொட்டி ஒட்டிக் கொண்டிருந்தனர் சில இளைஞர்கள். அவர்களை பார்த்தால் அதிகம் படித்தவர்கள் போல் தெரியவில்லை. ஆனால் உணர்ச்சிப் பிழம்பாக தமிழீழத்தில் தமிழர்கள் கொல்லப்படுவது பற்றி தங்கள் ஆழ்ந்த கவலைகளை வெளிப்படுத்தினார்கள்.

இங்கே சுவரொட்டி ஒட்டினால் எந்த பயனும் இல்லை என்பதை நாங்கள் அறிவோம், இருந்தும் நாங்கள் ஒட்டிக்கொண்டிருக்கிறோம். அங்கே செத்து மடியும் தமிழ் சொந்தங்களை காப்பாற்ற நாங்கள் ஈழம் செல்லவும் தயாராக இருக்கிறோம், அதற்கு ஏதேனும் வழி சொல்லுங்கள் என்று ஒரு இளைஞர் கேட்டார். அது ஏதோ அறியாமையால் கேட்ட கேள்விபோல் எனக்கு தோன்றவில்லை. உண்மையில் வாய்பிருந்தால் செல்வார்கள் போலிருக்கிறது, அந்த அளவுக்கு அவர்களின் குரலில் அழுத்தம் இருந்தது, ஒரு வருத்தம் இருந்தது.

நீங்கள் எந்த கட்சியை சேர்தவர்கள் என்று கேட்டபோது “ இல்லை அண்ணா நாங்கள் எந்த கட்சியையும் சேராதவர்கள்” எங்கள் சுவரொட்டிக்கும் கீழே பாருங்கள் அது தெரியும் என்றார் ஒரு இளைஞர்." நெல்லித்தோப்பு உருளையன் பேட்டை இளைஞர்கள் புதுவை" என்று அந்த சுவரொட்டியில் இருந்தது. அதிகம் காசு பணம் வைத்துக்கொண்டு ஏதோ பொழுது போக்குக்காக அவர்கள் இதை செய்யவில்லை, அவர்களின் அடிமனதில் படிந்திருக்கும் சோகத்தின் வெளிப்பாடாக இடையிடையே அங்கே அமர்ந்து விளையாடிக் கொண்டே சுவரொட்டிகளை ஒட்டிக் கொண்டிருந்தார்கள்,

அவர்களுக்கு எமது நன்றியை நான் இங்கு பதிவு செய்கிறேன்.

மறக்காமல் அவர்களின் பெயரை கேட்டு வந்தேன், த.இளையராசா, செ.மணிகண்டன், இரா.செயக்குமார், ஏ.அருள், சூசை, சு. ஜான்சன், வே, ஜூலியோ, மு. எழில், கு. அருணாச்சலம், மு.இளையராசா, வினோத், சகாயம், உள்ளிட்டவர்கள் இதில் பங்கேற்றார்கள், உடன் அவர்களின் அலைபேசி எண்ணும் கொடுத்தார்கள்; முடிந்தால் நீங்களும் அவர்களை பாராடுங்கள்: எண் : 98944 08879, 94430 36606

புதுச்சேரியில் நான்காவது நாளாக பாரதியார் பல்கலைக்கூட மாணவர்கள் சாகும் வரை உண்ணாவிரதம்

2009-02-14T08:27:00.001+05:30

புதுச்சேரியில் நான்காவது நாளாக பாரதியார் பல்கலைக்கூட மாணவர்கள் சாகும் வரை உண்ணாவிரதம் இருந்து வருகின்றனர்.

புதுச்சேரி மாநிலம் அரியாங்குப்பத்தில் அமைந்துள்ள பாரதியார் பல்கலைக்கூடத்தில் பயிலும் மாணவர்களின் சாகும் வரையிலான உண்ணாவிரதப்போராட்டம் இன்று 4-வது நாளாக நடைபெறுகிறது. இரண்டாவது நாள் போராட்டத்தில் இயக்குனர் சீமான் கலந்து கொண்டு மாணவர்களுடன் உரையாடிய புகைப்படக்காட்சிகள். பெரியார் திராவிடர் கழக புதுச்சேரி மாநில தலைவர் லோகு.அய்யப்பன் மற்றும் தந்தைபிரியன், வீரமோகன், விஜயசங்கர், இளங்கோ, சுரேசு, சிவமுருகன், பெருமாள் உட்பட்ட தேழர்கள் உடன் இருந்தனர். பல்வேறு கல்லூரி மாணவர்கள், மாணவிகள் பெருமளவில் கலந்து கொண்டனர்.

திரைப்பட இயக்குனர் சீமான் மாணவர்களை வாழ்த்திப்பேசினார்.
ம.தி.மு.க வை சேர்ந்த திரு வந்தியத்தேவன்,
விடுதலைச் சிறுத்தைகள் இயக்கத்தின் துணைப் பொதுச்செயலர் திரு வணங்காமுடி,
சமஜ் வாடி கட்சி புதுவைத் தலைவர் தங்க கலைமாறன்,
விடுதலை சிறுத்தைகளின் மாநில அமைப்பாளர் திரு பாவாணன்,
ம.தி.மு.க செல்வராசு,
மக்கள் உரிமைக்கூட்டமைப்பை சேர்ந்த கோ.சுகுமாரன்,
தமிழர் தேசிய இயக்கத்தின் திரு இரா.அழகிரி, உள்ளிட்டோர் கலந்து கொண்டு வாழ்த்திப்பேசினர்.
செங்கல்பட்டு சட்டக்கல்லூரி மாணவர்கள்.
கடலூர் பெரியார் அரசினர் கலைக்கல்லூரி மாணவர் வாழ்த்தினர்கள்.
புதுச்சேரி அரசுவிரைவு பேருந்து கழகம் ஓட்டுனர்கள் நடத்துனர்கள் கலந்து கொண்டு வாழ்த்திப் பேசினர்.
புதுச்சேரி அரியாங்குப்பம் தந்தை பெரியார் அரசு மேநிலைப்பள்ளி மாணவர்கள் நேற்று வகுப்புகளை புறக்கணித்து உண்ணாவிரதம் இருந்த மாணவர்களுடன் சேர்ந்து உண்ணாவிரதம் இருந்தனர்.

அந்த மாணவர்களும் போராட்டம் வெற்றி பெற வாழ்த்து தெரிவித்தனர்.

புதுச்சேரியில் உள்ள பல்வேறு அமைப்புகள் அரசியல் கட்சிகள் ஆதரவு தெரிவித்து வருகின்றனர்.

புதுச்சேரியில் தொடர் உண்ணாநிலை போராட்டம் இருந்த சட்டக்கல்லூரி மாணவர்கள் மூன்றாவது நாளில் நிறைவு

2009-02-14T07:30:00.003+05:30

புதுச்சேரி சட்டக்கல்லூரி மாணவர்கள் உண்ணாவிரதப் போராட்டத்தை நிறைவு செய்து ராஜபக்சே உருவப் படத்தை எரியூட்டினர்.

புதுச்சேரி அரசு அம்பேத்கர் சட்டக்கல்லூரி மாணவர்கள் இலங்கைப் போரை தடுத்து நிறுத்தக் கோரி அண்ணா சிலை அருகில் உண்ணாவிரதப் போராட்டத்தில் ஈடுபட்டனர்.
இந்நிலையில் உண்ணாவிரதப் போராட்டத்தை நிறைவு செய்து இலங்கை அதிபர் ராஜபக்சேயின் உருவப்படத்தை எரியூட்டினர்.

இந்தப் போராட்டத்தை வாழ்த்தி பாமக அரியாங்குப்பம் தொகுதி எம்எல்ஏ ஆர்.கே.ஆர்.அனந்தராமன், விடுதலைச் சிறுத்தைகள் கட்சி மாநில அமைப்பாளர் சு.பாவாணன், விடுதலை வேங்கைகள் மங்கையர்ச்செல்வன், பெரியார் திராவிடர் கழகம் லோகு.அய்யப்பன் வாழ்த்திப் பேசினர்.

போராட்டத்துக்கு, சட்டக்கல்லூரி 4-ம் ஆண்டு மாணவர் சக்தி, முதலாம் ஆண்டு மாணவர் அன்பு, முற்போக்கு மாணவரணி செயலாளர் பாஸ்கர், மாணவர் கூட்டமைப்பு அமைப்பாளர் சதீஷ் ஆகியோர் தலைமையில் போராட்டம் நடைபெற்றது.

20-க்கும் மேற்பட்ட சட்டக்கல்லூரி மாணவர்கள் உண்ணாவிரதப் போராட்டத்தில் கலந்து கொண்டனர்.

துரோகமே உருவான காங்கிரசும் தமிழினமும்

2009-02-01T21:52:00.002+05:30

இலங்கையில் போரை நடத்துவது யார் என்ற கேள்வி நம்மில் பலருக்கு தெளிவாகி இருக்கும், வெள்ளைக்காரனுக்கு பிறந்த கள்ளக் குழந்தையான இந்திய தேசிய காங்கிரசு அரசுதான் அங்கே போரை நடத்தி வருகிறது என்பதை பல்வேறு செய்திகளிலிருந்து உறுதிப்படுத்தி கொள்ள முடிகிறது.

நாம் அறிந்து வகையில் திருட்டுக் கும்பலாக நாடு கடத்தப்பட்ட சிங்களர்களுக்கு இப்போது எப்படி இவ்வளவு வலிமை வந்தது என பார்க்கின்ற போது இப்போதுதான் அதன் முழு வெளிச்சம் உலகிற்கு வெளியே வரத் தொடங்கியுள்ளது, அவன பிடிப்பேன், இவன பிடிப்பேன் என கூறும் தமிழக உளவு பிரிவு கூட இதை தெரிந்து கொள்ளவில்லையா? தெரிந்தே தான் இந்த நாடகத்தை தமிழக அரசு நடத்திவருகிறதா? என்றெல்லாம் பார்க்கிற போது இந்த அரசுகள் மக்கள் விரோத அரசாக மக்களை ஏமாற்றுகிற அரசாக மோசடி அரசுகளாக இருப்பதை அனைத்து தமிழ் மக்களும் உணர்ந்து கொள்ளவேண்டும்.

இந்திய அரசு அவ்வப்போது மெளன காத்தாலும் அடிக்கடி இலங்கை அரசு தான் இந்தியா என்ன எங்களிடம் பேச வருகிறது என்பதை அறிவித்துக்கொண்டிருந்தது. ஆனால் இந்திய அரசு வாய்திரக்கவில்லை. சிவசங்கர் மேனர் இந்தியாவிலிருந்து கிளம்பிய உடன் இந்திய பத்திர்க்கைகள் போர் நிறுத்தம் கேட்டு சிவசங்கர் மேனர் செல்கிறார் என எழுதின ஆனால், இலங்கை அரசோ அது பற்றி அவர் பேசமாட்டார் என அறிவித்தது.

இந்திய அரசு மக்களுக்கு எந்த வித அறிவிப்பையும் கொடுக்காமல் இலங்கை செல்கிறது அல்லது பொய்யான பரப்புரைகளை தமிழக அரசை விட்டு பரப்பிவிட்டு பின்னர் அங்கு வேறு ஏதோ பேசிவிட்டு வருகிறார்கள். இந்திய காங்கிரசு அரசுக்கு தமிழ்மக்களின் வாக்கு தேவையில்லை என அது உறுதி செய்து கொள்கிறது. அல்லது தமிழக அரசியல் வாதிகளின் மோசடிப் போக்கை காங்கிரசு அரசு புரிந்து கொண்டுள்ளது.

இலங்கைக்கு வேறு எங்கிருந்து வேண்டுமானாலும் இராணுவ தளவாடங்களை அனுப்பி இருக்க முடியும் ஆனால் தஞ்சையிலிருந்து அனுப்பி வைப்பது தமிழர்களை கேலி செய்கிற ஏளனம் செய்கிற விசயமாகவெ இருக்கிறது.

இந்திய தேசிய காங்கிரசின் இந்த கயவாளித்தனத்திற்கு தமிழக பிற கட்சிகளின் கயவாளித்தனமான கொள்கைகளே காரணமாகும் என்பது உறுதி. இலங்கையில் தமிழினம் அழிந்தாலும் தன் நலம் பாதிக்கக்கூடாது என்ற எண்ணம் தான் இந்திய தேசிய காங்கிரசின் இந்த ஏளமான நடவடிக்கைக்கு காரணமாகும்.

தமிழர்கள் வரிப்பணத்தில் தமிழர்களை கொன்று குவிக்கும் இந்த அரசு ஒரு மக்கள் விரோத அரசு என்பதை நிரூபித்துக் கொண்டே இருக்கிறது. எப்படியும் தாம் அடுத்தமுறை ஆட்சிக்கு வரப்போவதில்லை என்பதை அறிந்து தான் இந்த கட்சி இப்படி நடந்து கொள்வதாக தெரிகிறது.

தமிழ் மக்களே சிந்தியுங்கள் !
இந்திய அரசுதான் தமிழினத்தின் முதல் எதிரி!
இந்திய காங்கிரசு கொலைவெறி அரசை தூக்கி எறிவோம்!!!
இந்திய மேலாதிக்கத்தை எதிப்போம்!!!!

புதுச்சேரியில் சிங்களர் நடத்தும் விடுதியில் தி.மு.க பாரளுமன்ற உறுப்பினர் குப்புசாமி

2009-01-31T11:27:00.004+05:30

புதுச்சேரியில் விடுதலை சிறுத்தைகள் தாக்குதல் நட்த்திய சிங்களர் நட்த்தும் விடுதியில் வட சென்னை நாடாளுமன்ற உறுப்பினர் குப்புசாமி தலைமையில் பதினொரு பாராளுமன்ற நிலைக்குழு உறுப்பினர்கள் தங்கி இருப்பதாகவும் தெரிய வந்துள்ளது. சிங்களர் நட்த்தும் விடுதியில் தி.மு.கவின் நாடாளுமன்ற உறுப்பினருக்கு என்ன வேலை என புதுவை மக்கள் கேள்வி எழுப்புகின்றனர்.

புதுச்சேரியில் தங்கி தமிழருக்கு எதிரான சதிவேலையா என பலரும் அச்சத்துடன் உள்ளனர். புதுவையில் தமிழர் ஒருவருக்கு சொந்தமான விடுதியை சிங்கள நிறுவனம் ஒன்று குத்தகை எடுத்து நட்த்திவருகிறது. இந்தியாவில் பல்வேறு இடங்களில் இந்த நிறுவனம் குத்தகை எடுத்து விடுதி நட்த்துவதாக தெரிகிறது.

புதுச்சேரியில் சிங்களர் நடத்திய விடுதி உடைப்பு

2009-01-31T11:01:00.001+05:30

சிங்களர் ஒருவர் புதுச்சேரியில் ஒரு உணவகத்தை குத்தகைக்கு எடுத்து நட்த்தி வருகிறார். அந்த இடம் ஏற்கனவே அசந்தா திரையரங்கமாக இருந்தது. நவீன வசதிகளை கொண்ட அந்த புதிய விடுதி சமீபத்தில் தான் கட்டப்பட்டது. அந்த விடுதியை நள்ளிரவு ஒருமணியளவில் விடுதலைச் சிறுத்தைகள் அமைப்பினர் கண்ணாடிகள் பலவற்றை அடித்து உடைத்தனர். இதில் இரவே ஒருவர் பிடிபட்டார், மேலும் எட்டுபேர் யார் என போலிசார் விசாரித்துவருகிறார்கள். இதை ஒட்டி புதுவையில் பரபரப்பு நிலவுகிறது.

தமிழக அரசு அறிவித்த 2 லட்ச ரூபாயை ஏற்கமாட்டோம் முத்துக்குமார் குடும்பத்தினர் அறிவிப்பு

2009-01-30T23:05:00.003+05:30

ஈழத்தில் அமைதி ஏற்பட வேண்டும் என்பதற்காக கோரிக்கையை முன்வைத்து வீரமரணம் அடைந்த முத்துக்குமாருக்கு தமிழக அரசு ரூ 2 லட்சம் வழங்க இருப்பதாக அறிவித்தது, அந்த தொகையை வாங்க முத்துக்குமார் குடும்பம் வாங்க மறுக்க இருப்பதாக செய்திகள் தெரிவிக்கின்றன.

ஆனால், மாணவர் கூட்டமைப்பை சேர்ந்த பலர் நிதியை வாங்க மறுப்பு தெரிவிப்பு அறிவிப்பு செய்ததால் அவர்கள் குடும்பத்தினருக்கு ரூ 20 லட்ச ரூபாய் நிதி வசூல் செய்து அளிக்க முடிவு செய்துள்ளனர்.

உலக நாடுகளில் உள்ள அனைத்து தமிழர்களிடமும், திரைப்படத் துறை உள்ளிட்ட துறையை சேர்ந்தவர்களிடம் இந்த நிதியை திரட்டி தர முடிவு செய்துள்ளதாக மாணவர்கள் கூட்டமைப்பு தெரிவித்துள்ளது.

புதுச்சேரியில் முத்துக்குமாருக்கு அஞ்சலி சுமார் 1000 பேர் அமைதி ஊர்வலம்

2009-01-30T22:44:00.011+05:30

புதுச்சேரியில் ஈழத்தமிழர்களுக்காக தன் இன்னுயிரை இழந்த முத்துக்குமாருக்கு அஞ்சலி நிகழ்ச்சியும் மெளன ஊர்வலமும் நடைபெற்றது.

ஊர்வலம் மாலை 5.30 மணியளவில் சிங்காரவேலர் சிலை அருகில் தொடங்கியது புதுச்சேரி பேரூந்து நிலையம், நெல்லித்தோப்பு, லெனின்வீதி, சாரம், காமராசர் சாலை, நேரு வீதி, மாதாக்கோயில் வீதி வழியாக பாரதி பூங்கா வழியாக புதுச்சேரி கடற்கரைச்சாலையில் உள்ள காந்தி சிலையை அடைந்தது. இந்த மெளன ஊர்வலத்தில் சுமார் 1000 பேர் கலந்து கொண்டனர்.

நிகழ்வின் இறுதியில் முத்துக்குமாருக்கு பிரான்சிலிருந்து வந்த வெளிநாட்டினர் உள்பட பலர் மலர் தூவி அஞ்சலி செலுத்தினர்.

ஊர்வலத்தின் போது முத்துக்குமார்எழுதிய இறுதி அறிக்கையை நகல் எடுத்து மக்கள் அனைவருக்கும் வழங்கப்பட்டது.

முத்துகுமரன் தற்கொலைக்கு தூண்டியதாக மத்திய அரசின் மீது வழக்கு தொடரமுடியுமா?

2009-01-30T09:10:00.005+05:30

ஈழத்தமிழர்களைக் காக்கவே தான் உயிர்விடுவதாக சென்னையில் தீக்குளித்த இளைஞர் முத்துக்குமரன் உருக்கமான வாக்குமூலம் வழங்கியுள்ளார்.

எந்த ஒரு நபரையும் தற்கொலைக்கு யாரொருவர் தூண்டினாலும் அது குற்றமே. இந்திய தண்டனைச் சட்டத்தின் 306 ஆவது பிரிவின் அடிப்-படையில், தற்கொலைக்குத் தூண்டுகிற குற்றம் புரிபவர் 10 வருட தண்டனை மற்றும் அபராதத்திற்கு ஆளாவார்.

மத்திய அரசு தான் இவரின் தற்கொலைக்கு காரணமாகும் ஏனெனில் இந்திய அரசு தான் இலங்கையில் போர் நடத்தி வருகிறது.

எனவே, இந்த தற்கொலைத் தூண்டுதலுக்கு காரணமான இந்திய அரசின் முதன்மை அமைச்சர் மன்மோகன் சிங், அரசின் இந்த அரசின் கட்சித்தலைவர் சோனியாகாந்தி, வெளியுறவுத்துறை அமைச்சர், உள்ளிட்ட பல்வேறு அதிகாரிகள் மீது இந்த வழக்கு தொடரப்பட வேண்டும்.

தீக்குளிக்கும் முன்பு முத்துக்குமார் அளித்த மரண வாக்குமூலம் - முழு விவரம்வியாழக்கிழமை, ஜனவரி 29,2009

சென்னை: தீக்குளிக்கப் போவதற்கு சில நிமிடங்களுக்கு முன்பு முத்துக்குமார் வினியோகித்த துண்டு அறிக்கை, கிட்டத்தட்ட அவரது மரண வாக்குமூலமாக அமைந்துள்ளது.
முத்துக்குமார் விநியோகித்த துண்டு அறிக்கையின் முழு விவரம்:

விதியே விதியே என்செய் நினைத்திட்டாய் என் தமிழ் சாதியை...அன்பார்ந்த உழைக்கும் தமிழ்மக்களே...
வணக்கம். வேலைக்குப் போகும் அவசரத்திலிருக்கும் உங்களை இப்படி சந்திக்க நேர்ந்ததற்கு நான் வருந்துகிறேன். ஆனால் வேறு வழியில்லை. என் பெயர் முத்துக்குமார். பத்திரிகையாளர் மற்றும் உதவி இயக்குநர். தற்சமயம் சென்னையில் உள்ள பத்திரிகை ஒன்றில் வேலை செய்து வருகிறேன்.

உங்களைப்போல் தான் நானும். தினமும் செய்தித்தாளையும், இணையத்தையும் பார்த்து பார்த்து, தினம் தினம் கொல்லப்பட்டு வரும் எம் சக தமிழர்களைக் கண்டு சாப்பிட முடியாமல், தூங்க முடியாமல், யோசிக்க முடியாமல் தவிக்கும் எத்தனையோ பேரில் ஒரு சாமானியன். வந்தாரை வாழ வைக்கும் செந்தமிழ் நாட்டில் சேட்டு என்றும், சேட்டனென்றும் வந்தவனெல்லாம் வாழ, சொந்த ரத்தம் ஈழத்தில் சாகிறது.

அதைத் தடுத்து நிறுத்துங்கள் என்று குரல் கொடுத்தால், ஆம் என்றோ இல்லை என்றோ எந்த பதிலும் சொல்லாமல் கள்ள மௌனம் சாதிக்கிறது இந்திய ஏகாதிபத்தியம். இந்தியாவின் போர் ஞாயமானதென்றால் அதை வெளிப்படையாகச் செய்ய வேண்டியதுதானே.. ஏன் திருட்டுத்தனமாக செய்ய வேண்டும்?

ராஜீவ்காந்தியைக் கொன்றார்கள் என்ற சொத்தை வாதத்தை வைத்துக்கொண்டு, சில தனிநபர்களின் பலிவாங்கல் சுயநல நோக்கங்களுக்காக ஒரு பெரும் மக்கள் சமூகத்தையே கொன்று குவிக்கத் துடிக்கிறது இந்திய அதிகார வர்க்கம். ராஜீவ் காந்தி கொலையில் விடுதலைப்புலிகள் மட்டும் குற்றம்சாட்டப்படவில்லை.

தமிழக மக்களையும் குற்றவாளிகள் என்று குற்றம்சாட்டியது ஜெயின் கமிஷன் அறிக்கை. அப்படியானால் நீங்களும் ராஜீவ்காந்தியைக் கொலை செய்த கொலைகாரர்கள்தானா?
ஜாலியன் வாலாபாக்கில் வெள்ளையன் கொன்றான் என்றார்களே, இவர்கள் முல்லைத் தீவிலும் வன்னியிலும் செய்வதென்ன? அங்கு கொல்லப்படும் குழந்தைகளைப் பாருங்கள். உங்கள் குழந்தைகள் நினைவு வரவில்லையா?

கற்பழிக்கப்படும் பெண்களைப் பாருங்கள். உங்களுக்கு அதுபோன்ற வயதில் ஒரு தங்கையோ, அக்காவோ இல்லையா? ராஜீவ் கொல்லப்பட்டபோது காங்கிரசின் முக்கிய தலைவர்கள் ஏன் அவருடன் இல்லை, கூட்டணிக் கட்சித் தலைவியான ஜெயலலிதா, தமிழ்நாட்டில் ராஜீவ் கலந்துகொள்ளும் ஆகப் பெரிய பொதுக்கூட்டத்தில் ஏன் பங்கெடுக்க போகவில்லை என்பதுபோன்ற கேள்விகள் கேட்கப்படாமலும், இவர்களால் பதில் சொல்லப்படாமலும் கிடக்கின்றன.

மக்களே யோசியுங்கள். இவர்கள்தான் உங்கள் தலைவர்களா? பணம், அடியாள் பலம் ஆகியவற்றைக் கொண்டு மிரட்டல் அரசியல் நடத்தி வரும் இவர்கள் நாளை நம்மீதே பாய மாட்டார்கள் என்பதற்கு என்ன நிச்சயம்? அப்படி பாய்ந்தால் யார் நம் பக்கம் இருக்கிறார்கள்?
கலைஞரா? நாடாளுமன்ற உறுப்பினர்கள் ராஜினாமா செய்வார்கள் என்று அப்பொழுதும் அவர் அறிவிப்பார். பிறகு, மத்திய அரசைப் புரிந்துகொள்வார்(?!).

பிறகு மறுபடி சரியான முடிவை எடுக்க வேண்டி சட்டமன்றத்தில் தீர்மானம் நிறைவேற்றுவார் - இந்த மாசம், இந்த வாரம், இதுவரைக்கும் என்ன எவனும் தொட்டதில்ல என்கிற வின்னர் பட வடிவேல் காமெடியைப் போல. காகிதம் எதையும் சாதிக்காது மக்களே!
இப்பொழுது, உலகத் தமிழினத் தலைவர் என்ற பட்டப்பெயரைச் சூடிக்கொள்ளவும், தமிழ்நாட்டில் இருக்கும் பணத்தையெல்லாம் தன் குடும்பத்திற்கே உரித்தாக்கவும் விரும்புகிற தேர்தல் காலத் தமிழர் கலைஞர் மக்களின் கோபத்தை எதிர்கொள்ள பயந்து மருத்துவமனையில் போய் ஒளிந்துகொண்டுள்ளார். தனது மந்திரிகளுக்கு அவசியப்பட்ட துறைகளுக்காக சண்டப்பிரசண்டம் செய்து சதிராடிய இந்த சூரப்புலி உண்மையில் தமிழுக்காகவோ, தமிழருக்காகவோ செய்ததென்ன?

ஒருமுறை அவரே சொன்னார், ''தேனெடுத்தவன் புறங்கையை நக்காமலா இருப்பா"னென்று. இவருடைய பம்மலாட்டத்தையெல்லாம் பார்த்தால் ரொம்பவே நக்கியிருப்பார் போலிருக்கிறேதே...

பட்டினிப் போராட்டத்தின் மூலம் களம் இறங்கியிருக்கும் சட்டக்கல்லூரி மாணவர்களே... உங்கள் போராட்டம் வெற்றிபெற சகதமிழனாக நின்று வாழ்த்துகிறேன்.
உங்களோடு களம் இறங்க முடியாமைக்கும் வருந்துகிறேன். ஈழத் தமிழர் பிரச்னை என்றில்லை, காவிரியில் தண்ணீர் விடச்சொல்லும் போராட்டமென்றாலும் சரி, தமிழ்நாட்டிற்காதவரான போராட்டம் எதுவாக இருந்தாலும் சரி, முதலில் களம் காண்பவர்கள் நீங்கள், வழக்கறிஞர்களும்தான். இந்த முறையும் நான்கு மாதங்களுக்கு முன்பாகவே களத்தில் இறங்கியவர்கள் இந்த இரண்டு தரப்பும்தான்.
உங்களுடைய இந்த உணர்வை மழுங்கடிக்கவே திட்டமிட்டு இந்திய உளவுத்துறை ஜாதிய உணர்வைத் தூண்டிவிட்டு, அம்பேத்கர் சட்டக்கல்லூரி அனர்த்தத்திற்கு வழிவகுத்திருக்கலாம் என்பது என் சந்தேகம்.

உலகம் முழுக்க மக்களுக்கான புரட்சிகரப் போராட்டங்களில் முன்கையெடுப்பவர்களாக இருந்தது மாணவர்கள் என்கிற ஜாதிதான். அதேபோல், தமிழ்நாட்டிலும் உங்களுக்கு முந்திய தலைமுறையொன்று இதுபோன்ற ஒரு சூழலில், இதுபோல் குடியரசு தினத்திற்கு முன்பு களம் கண்டுதான் காங்கிரஸ் உள்ளிட்ட தேசியக் கட்சிகளைத் தமிழ் மண்ணிலிருந்து விரட்டியடித்தது.
ஆக, வரலாற்று முக்கியத்துவம் வாய்ந்த ஒரு தருணம் உங்கள் கைகளுக்கு மறுபடியும் வந்து சேர்ந்திருக்கிறது. பொதுவாக உலக சரித்திரத்தில் இப்படியெல்லாம் நடப்பதில்லை. கடந்த முறை நடந்ததுபோல், உங்கள் போராட்டத்தின் பலன்களை சுயநலமிகள் திருடிக்கொள்ள விட்டுவிடாதீர்கள்.

போராட்டத்தின் பலன்களை அபகரித்து ஆட்சிக்கு வந்த தி.மு.க. முதலில் செய்த விசயம் மாணவர்கள் அரசியல் ஈடுபாடு கொள்ளக்கூடாது என சட்டம் போட்டதுதான். ஆட்சிக்கு வந்த அது, தமிழின உணர்வுகளை மழுங்கடித்து, ஒட்டுமொத்த தமிழினத்தையும் மகஜர் கொடுக்கும் ஜாதியாக மாற்றியது. அந்த மரபை அடித்து உடையுங்கள். மனு கொடுக்கச் சொல்பவன் எவனாக இருந்தாலும், அவனை நம்பாதீர்கள். நமக்குள்ளிருக்கும் ஜாதி, மதம் போன்ற வேறுபாடுகளை எரித்துக்கொள்ள இதுதான் தருணம்.

உண்ணாவிரதத்தையெல்லாம் தூக்கியெறிந்துவிட்டு களம் காணுங்கள். உண்மையில், இலங்கையில் இந்திய ராணுவ நடவடிக்கை என்பது தமிழர்களுக்கெதிரானது மட்டுமல்ல. ஒட்டுமொத்த இந்தியர்களுக்குமே எதிரானது. சிங்களச் சிப்பாய்களிடம் கற்றுக்கொள்கிற பாலியல் நுணுக்கங்களைத்தானே அவர்கள் அசாமில் அப்பாவிப் பெண்களிடம் பரிசோதித்துப் பார்த்தார்கள்!

விடுதலைப்புலிகளை ஒடுக்குவதற்கான சிங்கள வன்முறை நுணுக்கங்களைக் கற்றுக்கொண்டு வடகிழக்கு மாநிலப் போராளிகளிடம் பயன்படுத்திக் கூர் பார்த்தார்கள்! போதாதற்கு, ஹைட்டியில் சமாதானப் பணிக்காக அனுப்பப்பட்ட ஐ.நா.வின் ராணுவத்திலிருந்து இந்திய மற்றும் இலங்கை ராணுவம் அவரவர்களுடைய பாலியல் நடவடிக்கைகளுக்காக அடித்துத் துரத்தப்பட்டிருப்பதிலிருந்து என்ன தெரிகிறது - இந்தக் கூட்டணி கொள்கைக் கூட்டணியல்ல, பாலியல் கூட்டணி என்றல்லவா!

ஆக இந்திய - இலங்கை இராணுவக் கூட்டு என்பது இந்தியர்களின் அடிப்படை மனித உரிமைகளுக்கும் கூட எதிரானதாக இருப்பதால், அகில இந்திய அளவில் மாணவர்கள், ஜனநாயக அமைப்புகளையும் உங்கள் பின்னால் திரட்டுங்கள்.

இதையெல்லாம் மக்களே செய்ய முடியும். ஆனால், அவர்கள் சரியான தலைமை இல்லாமல் இருக்கிறார்கள். உங்கள் மத்தியிலிருந்து தலைவர்களை உருவாக்குகள். உங்கள் போராட்டத்தை சட்டக்கல்லூரி மாணவர்கல் என்ற இடத்திலிருந்து அனைத்து மாணவர்கள் என்று மாற்றுங்கள். உங்களிடமிருக்கும் வேகமும், மக்களிடமிருக்கும் கோபமும் இணைந்து தமிழக வரலாற்றை அடியோடு மாற்றட்டும். ஆன்பலம், பணபலம், அதிகார வெற்றியை உடைத்து எறியுங்கள். உங்களால் மட்டுமே இது முடியும்.

'நாங்கள் தமிழ் மாணவர்கள், தமிழ்நாட்டின் உயிரானவர்கள், இங்கு தமிழினம் அமைதிகொண்டிருந்தால் ஏடுகள் தூக்கி படிப்போம். எங்கள் தமிழர்க்கின்னல் விளைந்தால் எரிமலையாகி வெடிப்போம்' என்ற காசி அனந்தனின் பாடலை ஓர் அறிவாயுதமாக ஏந்துங்கள்.. என் உடலை காவல்துறை அடக்கம் செய்துவிட முயலும். விடாதீர்கள்.
என் பிணத்தைக் கைப்பற்றி, அதை புதைக்காமல் ஒரு துருப்புச் சீட்டாக வைத்திருந்து போராட்டத்தைக் கூர்மைப்படுத்துங்கள். எனக்கு சிகிச்சையோ, போஸ்ட்மார்டமோ செய்யப்போகும் தமிழ்நாடு மருத்துவக் கல்லூரி மாணவர்களே.. உங்கள் கையால் அறுபட நான் புண்ணியம் செய்திருக்க வேண்டும்.

காரணம், அகில இந்திய அளவில், மருத்துவக் கல்வியில் இட ஒதுக்கீட்டுக்கு எதிராக உயர்சாதி மாணவர்கள் போராடிக்கொண்டிருக்க, தன்னந்தனியாக நின்று, மருத்துவக் கல்வியில் இடஒதுக்கீட்டுக்கு ஆதரவாகப் போராடியர்களல்லவா நீங்கள்? எனக்கு செய்வதெல்லாம் இருக்கட்டும். நம் சகோதரர்களான ஈழத்தமிழர்களுக்கு உங்கள் பங்குக்கு என்ன செய்யப் போகிறீர்கள்?

தமிழீழம் என்பது தமிழழத்தின் தேவை மட்டுமே அல்ல, அது தமிழகத்தின் தேவையும் கூட காரணம், இராமேஸ்வரம் மீனவர்கள், உலகில் ஆடு, மாடுகளைப் பாதுகாப்பதற்குக் கூட சட்டமும், அமைப்புகளும் இருக்கின்றன. இராமேஸ்வரம் தமிழனும், ஈழத்தமிழனும் மாட்டைவிட, ஆட்டைவிடக் கேவலமானவர்கள்? எல்லை தாண்டி போகும் மீனவர்கள், புலிகள் என்ற சந்தேகத்தின் பேரில் தாக்கப்பட்டு வருவதாக இந்திய மீடியா திட்டமிட்டு பிரச்சாரம் செய்து வருகிறது. இவர்களெல்லாம் செய்தித்தாளே படிப்பதில்லையா?
சென்னையின் கடற்கரைகளில் அடிக்கடி தைவான் நாட்டை சேர்ந்த மீனவர்கள் வழிதெரியாமல் வந்த்வர்கள் என்று கைது செய்யப்படுகிறார்கள். பல ஆயிரக்கணக்கான கிலோமீட்டர்கள் தூரத்திலிருக்கும் தைவான் மீனவன் வழிதவற முடியுமென்றா, வெறும் பன்னிரெண்டு மைல் தூரத்திற்குள் இராமேஸ்வரம் தமிழன் வழிதவறுவது நம்புவது மாதிரியில்லையாமா?

தமிழ்நாட்டில் வாழ்ந்து வரும் வெளிமாநிலங்களைச் சேர்ந்த சகோதர்களே...
உங்கள் சொந்த மாநிலத்தில் கூட இல்லாத நிம்மதியோடும், பாதுகாப்போடும் வாழக்கூடிய மாநிலம் தமிழ்நாடு தான் என்பது உங்களுக்கு அனுபவத்தால் தெரிந்திருக்கும். நாங்கள் இன்று பெரும் இக்கட்டை எதிர்நோக்கியிருக்கிறோம்.

ஈழத்திலிருந்துக்கும் எங்கள் சகோதரர்கள் இந்தியர் என்னும் நம் பெயரைப் பயன்படுத்திதான் நம் அரசால் கொலை செய்யப்படுகிறார்கள். இந்தப் போராட்டத்தில் நாங்கள் தனித்துவிடப்படுவதை இந்திய அரசு விரும்புகிறது. அப்படி ஆக்கக்கூடாதென நாங்கள் விரும்புகிறோம். ஆகவே, போராடிக்கொண்டிருக்கும் எங்கள் சகோதரர்களுக்கு உங்கள் ஆதரவும் உள்ளதென மத்திய அரசுக்குத் தெரியப்படுத்துங்கள்.

அரசுகளில் அங்கம் வகிக்கக்கூடிய உங்கள் தேசிய இனங்களைச் சேர்ந்தவர்களை எம் கரத்தை பலப்படுத்துவதோடு, எதிர்காலத்தில், ஒரு நவநிர்மாண் சேனாவோ, ஸ்ரீராம் சேனாவோ தமிழ்நாட்டில் உருவகவிருக்கும் ஆபத்தைத் தவிர்க்கும் என்பது என் கருத்து.தமிழ்நாடு காவல்துறையிலிருக்கும் இளைஞர்களே...

உங்கள் மீது எனக்கு இருக்கும் மதிப்பு கொஞ்சம் நஞ்சமல்ல, காரணம், தமிழுக்காக மற்றவர்கள் என்ன செய்தார்களோ, அலுவலர்களை ஐயா என அழைப்பது போன்ற நடைமுறை ரீதியில் தமிழை வாழ வைத்துக்கொண்டிருப்பவர்கள் நீங்கள்தான்.
மக்களுக்காகப் பாடுபடவேண்டும், சமூக விரோதிகளை ஒழுத்துக்கட்ட வேண்டும் என்பதுபோன்ற உன்னத நோக்கங்களுக்காகத்தான் நீங்கள் காவல்துறையில் இணைந்திருப்பீர்கள் என்று நம்புகிறேன். ஆனால், அதை செய்ய விடுகிறதா ஆளும் வர்க்கம்? உங்களை சிறுசிறு தவறுகள் செய்ய விடுவதன் மூலம் தன்னுடைய பெருந்தவறுகளை மறைத்துக்கொள்ளும் அதிகார வர்க்கம், உங்களை, எந்த மக்களுக்காகப் பாடுபட நீங்கள் விரும்பினீர்களோ, எந்த மக்களுக்காக உயிரையும் கொடுக்கலாம் என்று தீர்மானித்தீர்களோ, அந்த மக்களுக்கெதிராகவே, பயிற்றுவிக்கப்பட்ட அடியாள்களாக மாற்றுகிறது.
டெல்லி திகார் ஜெயிலைப் பாதுகாப்பது தமிழக போலீஸ்தான். இந்தியாவில் பழமையான காவல்துறையான தமிழக காவல்துறை சிறப்பாக செயல்பட்டு வரும் காவல்துறைகளில் ஒன்று. ஆனால் அந்த மதிப்பை உங்களுக்குக் கொடுக்கிறதா இந்திய அரசாங்கம்! மத்திய அமைச்சர் ப.சிதம்பரம் தமிழகம் வந்து திரும்பிப் போகையில், சென்னை விமான நிலையத்தில், அவருக்கான பாதுகாப்பை வழங்க அனுமதிக்க மறுத்திருக்கிறார்கள் மத்திய காவல் அதிகாரிகள்.

ஏனென்று கேட்டதற்கு, ராஜீவ் காந்தியை நீங்கள் பாதுகாத்த லட்சணம் தான் தெரியுமே என்று கிண்டல் செய்திருக்கிறார்கள். ராஜீவ்காந்தியைத் தமிழக காவல்துறையால் காப்பாற்ற முடியவில்லை என்பது எவ்வளவு உண்மையோ, அதே அளவுக்கு உண்மை, ராஜீவோடு இறந்தவர்களில் பலர் அப்பாவி போலீஸ்காரர்கள் என்பது. உங்கள் அர்ப்பணிப்புணர்வு கேள்விக்காப்பாற்பட்டது. ஆனால் மேற்படி வெண்ணெய் வெட்டி வீரரர்கள் - அதுதான், இந்திய உளவுத்துறை - ராஜீவின் உயிருக்கு ஆபத்து இருக்கிறது என்ற தகவலை அறிந்தபோதும் மெத்தனமாக இருந்தது என்பது பின்னர் அம்பலமானதல்லவா... இதுவரை காலமும் நீங்கள் அப்பாவி மக்களுக்கெதிராக இருந்தாலும் தமிழகத்தின் பெருமைகளில் ஒன்றாகத்தான் இருக்கிறீர்கள்.

வரலாற்று முக்கியத்துவம் வாய்ந்த இந்த தருணத்தில், நீங்கள் மக்கள் பக்கம் இருந்தால் மட்டுமே மக்களிடம் இழந்திருக்கிற பெருமையை மீட்டெடுக்க முடியும். ஒருமுறை சக தமிழர்களுக்காக அர்ப்பணித்துப்பாருங்கள். மக்கள் உங்களை தங்கத்தட்டில் வைத்து தாங்குவார்கள். தமிழனின் நன்றி உணர்ச்சி அளவிடற்கரியது. தன்னுடைய சொந்தக்காசை வைத்து அணை கட்டிக்கொடுத்தான் என்பதற்காகவே அவனுக்கு கோயில் கட்டி. தன் பிள்ளைகளுக்கு அவன் பெயரை வத்துக் கொண்டாடிக்கொண்டிருக்கிறான் முல்லையாற்றின் மதுரை மாவட்டத்தமிழன்.

நீங்கள் செய்ய வேண்டியதெல்லாம், கொந்தளிக்கப் போகும் தமிழகத்தில், மத்திய அரசு அதிகரிகளுக்கு ஒத்துழைக்க மறுப்பது, ரா, சி.பி.ஐ போன்ற அமைப்புகளைச் சேர்ந்தவர்களை உள்ளூர் மக்களுக்கு அடையாளம் காட்டுவதும்தான். இதை மட்டுமாவது செய்யுங்கள். மற்றதை மக்கள் பார்த்துக்கொள்வார்கள்.

களத்தில் நிற்கும் தமிழீழ மக்களே, விடுதைலைப்புலிகளே...
அனைத்துக்கண்களும் இப்போது முல்லைத்தீவை நோக்கி. தாய்த் தமிழகம் உணர்வுபூர்வமாக உங்கள் பக்கம்தான் நிற்கிறது. வேறு ஏதாவது செய்ய வேண்டும் எனவும் விரும்புகிறது. ஆனால் என்ன செய்வது உங்களுக்கு அமைந்தது போன்ற உன்னத தலைவன் எங்களுக்கில்லையே... ஆனால், நம்பிக்கையை மட்டும் கைவிடாதீர்கள். இதுபோன்ற கையறுகாலங்கள்தான்.

தமிழகத்திலிருந்து அப்படி ஒருவர் இந்தக் காலத்தில் உருவாகலாம் அதுவரை, புலிகளின் கரங்களை பலப்படுத்துங்கள். 1965ல் நடந்த இந்தி எதிர்ப்புப் போரை சில சுயநலமிகளின் கையில் ஒப்படைத்ததால்தான் தமிழக வரலாறு கற்காலத்திற்கு இழுபட்டுள்ளது. அந்தத் தவறை நீங்கள் செய்து விடாதீர்கள்.

அன்பிற்குரிய சர்வதேச சமூகமே, நம்பிக்கைக்குரிய ஒபாமாவே,
உங்கள் மீது எங்களுக்கு இன்னும் நம்பிக்கை இருக்கிறது. ஆனால், இறையான்மை கொண்ட ஒரு குடியரசு தம் குடிமகனை இன ஒதுக்கல் மூலமாக கொடுமைப்படுத்தாது என்பதற்கு எந்த உத்தரவாதமும் கிடையாது. வசதிக்காக அமெரிக்காவின் கடந்த காலத்தையே எடுத்துக்காட்டாக சொல்லலாம்.

உலகப்புகழ் பெற்ற குத்துச்சண்டை மாவீரன் முகமதலி சொன்னானே, என் சருமத்திலிருக்கும் கொஞ்ச வெண்மையும் கற்பழிப்பின் மூலமாகவே வந்திருக்குமென்று... நீங்கள் அமைதியாக இருக்கும் வரை இந்தியா வாயே திறக்காது.

ஒட்டுமொத்த தமிழர்களும் அழிக்கப்பட்ட பிறகு வேண்டுமானால் அது நடக்கும். அதுவரை, இந்தியாவின் வாயைப் பார்த்துக்கொண்டிருக்கப் போகிறீர்களா?

வன்னியில், விடுதலைப்புலிகளூக்கு எதிரான போர்தான் நடக்கிறது என்கிறார்கள். புலிகள் மக்களைக் கேடயமாகப் பயன்படுத்துகிறார்காள் என்கிறார்கள். அப்படியானால் அரசு சொன்ன பகுதிக்கு வந்த மக்களை ஏன் கொலை செய்தார்கள்? இது ஒன்று போதுமே, தமிழ்மக்கள் விடுதலைப்புலிகளைச் சார்ந்து நின்றாலும் சரி, இலங்கை அரசைச் சார்ந்து நின்றாலும் சரி, தமிழர்கள் என்ற காரணத்திற்காகவே அவர்கள் கொல்லப்படுகிறார்கள் என்பதற்கு. இது இனப்படுகொலை இல்லையா?

இந்தியா, பாகிஸ்தான், சீனா ஆயுதம் கொடுத்தும், ஜப்பான் பணம் கொடுத்தும், கூடுதலாக, இந்தியா நாட்டாமை செய்தும் தமிழர்களைக் கொல்கின்றனரென்றால். நீங்கள் உங்கள் மெளனத்தின் மூலமாகவும், பாராமுகத்தின் மூலமாகவும் அதே கொலையைத்தான் செய்துகொண்டிருக்கிறீர்கள் என்பதை ஏன் உணரவில்லை?

ஆயுதம் தாங்கி போராடுவதால் மட்டுமே யாரும் தீவிரவாதியாகிட மாட்டார்கள். அறத்திற்கே அன்பு சார்பென்ப அறியார். மறத்திற்கும் அஃதே துணை என்று பாடியுள்ளான் எங்கள் திருவள்ளூவர்.

புலிகள் ஆயுதங்களைக் கீழே போட வேண்டும் என்கிறார் ஜெயலலிதா - என்னவோ பிரச்சினையே புலிகள் ஆயுதம் எஅடுத்ததால்தான் வந்தது என்பதைப் போல.. உணமையில், புலிகள் தமிழீழ இன அழிப்பிலிருந்து உருவாகி வந்தவர்களே தவிர, காரணகர்த்தாக்கள் அல்லர்(they are not the reason: just an outcome)

இந்திய அரசு இந்தப் பிரச்சினையில் ஈடுபட்டிருப்பது வெளிப்படையாகாத வரை, இலங்கைப் பிரச்சினை உள்நாட்டுப் பிரச்சினை. அதில் தலையிட முடியாது என்றது.
சீனா, பாகிஸ்தான் அமெரிக்கா போன்ற நாடுகள் இலங்கையில் ஆதிக்கம் பெறுவதைத் தடுப்பதற்காக செய்வதாகச் சொன்னது. நாடாளுமன்றத்தில் தாக்குதல் நடத்திய, மும்பை தொடர்வெடிகுண்டுகள், பிறகு அண்மையில் நடந்த தாக்குதல் எனப் பலவாறாக இந்திய மக்களைக்கொண்று குவித்த பாகிஸ்தானோடு இணைந்து கொண்டு தமிழர்களைக் கொண்று குவிக்கிறது.

அப்படியானால், பாகிஸ்தானின் இந்திய மீதான பயங்கரவாதமென்பது இந்தியா-பாகிஸ்தான் இருதரப்பு அதிகார வர்க்கங்களும் தங்கள் மக்களைச் சுரண்ட பரஸ்பர புரிதலுடன் உருவாக்கிக் கொண்ட ஒன்று என்ற எம் சந்தேகம் ஒருபக்கம் இருக்க, இப்போது, விடுதலைப்புலிகள் தீவிரவாதிகள் அதனால்தான் சண்டை என்கிறது. ராஜீவ் காந்தியைக் கொன்றார்கள் என்கிறது.
ராஜீவ்காந்தி ஒரு கவுன்சிலரோ, மாவட்டச் செயலாளரோ அல்ல. அவ்ரை ஏற்கனவே ஒருமுறை கொலை செய்யும் முயற்சி இலங்கையில் நடைபெற்றிருந்த போதும் அந்தக் கொலைகாரன் விசாரிக்கப்படவில்லை. ராஜீவ்காந்தியைக் கொல்ல முயன்ற அந்த சிங்கள வீரன் ஆகியோரையும் குற்றம் சாட்டப்பட்டவர்களாக இணைத்துக்கொண்டு மறுபடியும் விசாரிக்கப்பட வேண்டும் என்பது என் கோரிக்கைகளில் ஒன்று.

ராஜீவ் மீது புலிகளுக்கு வருத்தம் இருந்திருக்கலாமே தவிர, கோபம் இருந்திருக்க வாய்ப்பில்லை. காரணம், ராஜீவ் இந்திராவின் புதல்வர். இந்திரா, தமிழீழத்தின் சிறுதெய்வங்களில் எம்.ஜி.ஆருக்குப் பக்கத்திலிருப்பவர்.

இந்தியா சொல்லும் காரணங்கள் அடிக்கடி மாறுவதிலிருந்தே இந்தியா நியாயத்திற்குப் புறம்பாகத்தான் இந்தப்போரில் ஈடுபட்டிருப்பது அம்பலமாகி இருக்கிறது. இப்படிப்பட்ட ஒரு சூழலில் நீங்கள் ஏன் நேரடியாகத் தலையிடக்கூடாது?

புலிகள் போர்நிறுத்தத்தைப் பயன்படுத்தி ஆயுதம் குவிக்கிறார்கள் என்றது இலங்கை. சந்திரிகாவோ, ரணிலோ, மகிந்தாவோ கடந்த காலங்களில் ஒரு கடவுளாக அல்ல, மனிதர்களாகக்கூட நடந்துகொண்டதில்லை. இவர்கள் ஒரு நிர்பந்தத்தின் பெயரில் போர் நிறுத்தத்திற்கு ஒப்புக்கொண்டு விட்டார்கள் என்பதால் மட்டுமே போராளிகள் ஆயுதங்களை ஒப்படைத்துவிட வேண்டும். புனரமைப்புப் பணிகளில் ஈடுபடக்கூடாது என்று எதிர்பார்ப்பது என்னவகை நியாயம்?

தாங்கள் நேர்மையாக நடந்துகொள்வோம் என்ற நம்பிக்கையை உண்டாக்குவது மூலமாக மட்டுமே போராளிகளை-ஆயுதத்தைக் கீழே வைக்கச்செய்ய முடியும். கடந்த கால அரசுகள் எவையும் அப்படி செயல்படவில்லை. உதாரணம் ரணில்- கருணா.
ஆனால், புலிகள் போர்நிறுத்தத்தைப் பயன்படுத்திக்கொண்டு செய்தது ஆயுதம் வாங்கியது மட்டுமல்ல, அது காலாகாலமாக நடப்பதுதானே- ஓர் அரசு நிர்வாகத்தையே உருவாக்கியுருக்கிறார்கள். சர்வதேசத்தின் கண்களில் இது தீவிரவாதமா? அப்பாவித்தமிழர்களைக் காப்பதற்காகத்தான் போரிடுவதாக பசப்புகிறது இந்தியா.
ஆயுத தளவாடங்களும், உளவு விமானங்களும்தான் இலங்கை போகின்றனவே தவிர, இந்தியாவால் அனுப்பப்பட்ட ஒரு பாராசெட்டமால் மாத்திரையைக் காட்டச் சொல்லுங்கள் பார்க்கலாம். இந்த லட்சணத்தில், தமிழீழ மக்களுக்கான வசதிகளை இலங்கை அரசு செய்யுமாம். அதற்கு இந்தியா உதவுமாம்... வேலிக்கு ஓணான் சாட்சி!
இப்போது சர்வதேச செஞ்சுலுவைச் சங்கத்தின் ஆம்புலன்ஸ்களைத் தாக்கினார்களே, அவர்களும் விடுதலைப்புலிகளா? ப்ரான்சின் 17 மனித உரிமையாளர்களைக் கொலை செய்தார்களே, அவர்களும் விடுதலைப்புலிகளா? சீனாவின் டாங்கிகள், இந்தியாவின் உளவு விமானங்கள், பாகிஸ்தானின் ஆர்டிலரிகள் மட்டுமல்ல... இப்போது எம்மக்களைக் கொலைசெய்து வருவது சர்வதேச சமூகத்தின் மெளனமும்தான் என்பதை எப்போது உணர்வீர்கள்-நியாயத்தின்பால் பெருவிருப்பு கொண்ட ஒரு மக்கள் சமூகம் பூமியிலிருந்து முற்றாகத் துடைத்தழிக்கப்பட்ட பிறகா?

அபாரிஜின்கள், மாயா, இன்கா வரிசையில் நாங்களும் சேர்க்கப்படுவது உங்கள் நோக்கமென்றால், எங்கள் பழங்கதைகள் ஒன்றின்படி ஒவ்வொருநாளும் ஏதேனும் ஒரு வீட்டிலிருந்து ஒருவர் வந்து உங்கள் முன்னால் தற்கொலை செய்து கொள்கிறோம்... எங்கள் சகோதரிகளையும், குழந்தைகளையும் விட்டுவிட்டுச் சொல்லுங்கள். தாங்க முடியவில்லை.
அவர்களெல்லாம் மனமார சிரிப்பதை ஒருநாள் பார்ப்போம் என்ற நம்பிக்கையில்தான் நாங்கள் போராடிக் கொண்டிருப்பதே. ஒரு பேச்சுக்கு ஒத்துக்கொள்வதென்றாலும் கூட, விடுதலைப்புலிகள் தண்டிக்கப்பட வேண்டியவர்கள் என்றாலும் அப்படி ஒரு தண்டனையை வழங்கும் யோக்கியதை இந்தியாவுக்கோ, இலங்கைக்கோ கிடையாது.

காலம் கடந்து வழங்கப்படும் நீதி அநீதியைவிடக் கொடுமையானது.

1. இந்தியா உடனடியாக தமிழீழத்தின் பகுதிகளிலிருந்து தன் துருப்புகளைத் திரும்பப் பெற்றுக்கொள்வதோடு, மேற்கொண்டு செயற்கைக்கோள் உதவிகள், ராடார் போன்ற உதவிகளைச் செய்யக்கூடாதென்று சர்வதேச சமூகத்தால் கண்டிக்கப்பட வேண்டும். இலங்கையோடு இந்தியா அரசு நடந்தும் முக்கியத்துவமற்ற பேச்சுப்பரிமாற்றங்கள்கூட சர்வதேச சமூகம் மூலமாகவே நடக்க வேண்டும். தமிழக மக்களிடமும், உலகெங்கும் பரந்து வாழும் தமிழீழத்தாரிடமும் இந்தியா பகிரங்க மன்னிப்பு கோர வேண்டும்.

2. ஐநா பொதுச்செயலாளரான பான் கி மூன், தொடர்ந்து தன் தாயகமான சீனாவிற்கு ஆதரவான நிலைப்பாட்டிலிருந்து, ஒருதலைப்பட்சமாக செயல்பட்டு வருவதால், ஈழம் தொடர்பான முடிவெடுக்கும் அதிகாரம் அவருக்கு வழங்கப்படக்கூடாது.

3. இலங்கை அரசு எந்தெந்த நாடுகளிடமெல்லாம் கோரப்பட்டு புலிகள்மீது தடை விதிக்கப்பட்டதோ அந்தந்த நாடுகளில் புலிகள் மீதான தடை நீக்கப்பட்டு, தடை செய்யப்பட்ட அமைப்பின் உறுப்பினர் என்ற குற்றத்திற்காக சிறையிலிருக்கும் அதன் உறுப்பினர்கள் எதுவித நிபந்தனையுமற்று உடனடியாக விடுதலை செய்யப்பட வேண்டும்.

4. புலிகளின் உறுப்பினர்கள் மீதான பாஸ்போர்ட் தொடர்பான குற்றங்கள் மன்னிக்கப்பட்டு, அவர்கள் விடுதலை செய்யப்பட வேண்டும்.

5. புலிகளோடு தொடர்புடையது என்னும் குற்றச்சாட்டின் பேரில் தடை செய்யப்பட தொழில் நிறுவனங்களின் உரிமம் மீண்டும் அளிக்கப்படுவதோடு, தக்க நட்ட ஈடும் வழங்கப்பட வேண்டும்.

6. ராஜீவ்காந்தி கொலை வழக்கு இண்டர்போலால் விசாரிக்கப்பட்டு, உண்மையான குற்றவாளிகள் இனம்காணப்பட வேண்டும்.

7. பிரணாப் முகர்ஜி, கோத்தபாய ராஜபக்க்ஷே, சந்திரிகா, உதயணகார, கேகலிய ரம்புக்வெல, பசில்ராஜப்க்ஷ மகிந்த, பொன்சேகா போன்றோர் நார்கோ அனாலிசிஸ் சோதனைக்குப்பட வேண்டும்.

8.அமைக்கப்படபோகிற தமிழீழத்தை அங்கீகரிக்கிற உரிமையை மட்டுகே சர்வதேசம் மேற்கொள்ளலாமே தவிர, அது யாரின் தலைமையில் அமையவேண்டும என்பதை தமிழீன மக்கள் தான் முடிவுசெய்வார்கள்

9. புலிகள் கை பலவீனமான நேரத்தில், மலையக மக்கள் மீது நடந்த வந்தாக்குதல், எதிர்காலத்தில் அப்பகுதிகளில் மீண்டும் ஒரு பாரிய இன அழிவு ஏற்படுத்தப்படுமோ என்ற அச்சத்தை ஏற்படுத்தியிருப்பதால், மலையக மக்கள் தமிழீழத்தோடு இணைய விரும்புகிறார்களா என்பதை வாக்கெடுப்பு மூலம் அறிந்து அதன்படி செயல்பட வேண்டும் இந்த விசயத்தில் மலையக மக்களின் முடிவே இறுதியானது.

10. சென்னையில், குடிபோதையில் அப்பாவித் தமிழர்கள் மீது துப்பாக்கிப் பிரயோகம் செய்து, நீதிமன்றத்தால் தண்டிக்கப்பட்ட டக்ளஸ் தேவானந்தாவின் தண்டணைக்காலம் பூர்த்தியாகும் காலத்திற்குள் இலங்கைக்குத் தப்பிச்சென்று விட்டதால், அவர் கைது செய்யப்பட்டு, தமிழக போலிசார் வசம் ஒப்படைக்கப்பட வேண்டும்.

11. பத்திரிகையாளரான லசந்தவின் கொலைக்குக் காரணமான அனைவரும் தண்டிக்கப்பட வேண்டும்.

12. தமிழ்நாட்டிற்கு தஞ்சம் புகுந்திருக்கும் சிங்கள பத்திரிகையாளர்களுக்கு தகுந்த பாதுகாப்பு வழங்கப்பட வேண்டும்.

13.தமிழ்நாட்டிற்கு அகதிகளோடு அகதியாக வந்த சிங்களத்தம்பதியர் மீதான பாஸ்போர்ட் குற்றச்சாட்டு நீக்கப்பட்டு, அவர்களும் அகதிகளாக அங்கீகரிக்கப்பட வேண்டும்.

14. சுட்டுக் கொலை செய்யப்பட்ட தமிழக மீனவர்களின் குடும்பங்களுக்கான வாழ்வாதரங்கள் உறுதி செய்யப்பட வேண்டும்.

என்றும் அன்புடன்,
அநீதிகளுக்கெதிரான உங்கள் சகோதரன்,
கு.முத்துக்குமார்,
கொளத்தூர், சென்னை-99.

மக்களுக்கான ராணுவம்-கூலிகள், மக்களே ராணுவம்- புலிகள்- சந்தனக்காடு -சந்தனக்காடு இயக்குநர் வ.கௌதமன் பேச்சு

2009-01-24T15:41:00.003+05:30

ஈழத்தமிழர்கள் படுகொலையைக் கண்டித்தும்,இந்திய அரசு இலங்கைக்கு இராணுவ உதவிகள் செய்வதை நிறுத்தக்கோரியும் செங்கற்பட்டு சட்டக்கல்லூரி மாணவர்கள்

மூன்றாவது நாளாக இன்றும்(24.01.2009) சாகும்வரை உண்ணாவிரதத்தில் ஈடுபட்டுள்ளனர்.செங்கற்பட்டு மருத்துவக்கல்லூரிக்கு எதிரில் அமைக்கப்பட்டுள்ள பந்தலில் உண்ணாவிரதம் மேற்கொண்டுள்ளனர்.பதினான்கு மாணவர்களில் நான்கு பேரின் நிலை கவலைக்கிடமாக உள்ளது.இந்த மாணவர்கள் தண்ணீர்கூட அருந்தாமல் இருப்பதால் இவர்கள் உடல்நிலை மிகவும் மோசமடைந்துள்ளது.செங்கற்பட்டு மருத்துவமனையில் இவர்கள் சேர்க்கப்பட்டுள்ளனர்.

மாணவர்களின் உண்ணாநிலையை முடித்துக்கொண்டு வேறு வகையில் போராடும்படி திரைப்பட நடிகர் சத்தியராசு.சந்தனக்காடு இயக்குரநர் வ.கௌதமன்.இயக்குநர் ஆர்.கே.செல்வமணி கேட்டுக்கொண்டனர்.இவர்களின் கோரிக்கையை ஏற்காமல் இந்திய அரசு ஆயுதம் கொடுப்பதை நிறுத்தி இலங்கையில் போரை முடிவுக்குக் கொண்டுவரும்வரை போராட்டம் நடக்கும் என மாணவர்கள் தெரிவித்துள்ளனர்.இவர்களைத் தொடர்ந்து சென்னை மருத்துவக்கல்லூரி,கோவை சட்டக்கல்லூரி மாணவர்களும் உண்ணாவிரதம் இன்று மேற்கொண்டுள்ளனர்.

செங்கற்பட்டு சட்டக்கல்லூரி மாணவர்களின் உண்ணாவிரத மேடைக்கு வந்த சந்தனக்காடு இயக்குரநர் வ.கௌதமன் ஈழப்பிரச்சனை பற்றியும் இந்திய அரசு செய்துவரும் வஞ்சனைகளைப் பற்றியும் எடுத்துரைத்தார்.செஞ்சோலை என்ற அமைப்பு ஈழத்தில் உள்ளது.இதில் போரில் பாதிப்புற்ற குடும்பத்தைச் சேரந்த,பெற்றோரை இழந்த அனாதைக் குழந்தைகள் இருந்தனர்.இவர்கள்மேல் குண்டு வீச,அந்த பிஞ்சு மழலைகள் இருந்த இடத்தை அடையாளம் காட்டியது இந்திய அரசாங்கத்தின் ரேடார் கருவிகள் ஆகும்.பிஞ்சுக்குழந்தைகளைக் கொல்ல இந்தியா உதவினாலும் தமிழர்கள் இன்றுவரை இந்தியா என் தாய்நாடு இந்தியர் யாவரும் என் உடன் பிறந்தவர்கள் என்கின்றனர்.

அடுக்கடுக்காக உதவிகளை இந்தியஅரசு இலங்கைக்குச் செய்தாலும் இந்தியப் பிரதமர் இதய அறுவை சிகிச்சைக்கு அனுமதிக்கப்பட்டதும் பூரணகுணமடைய தமிழர்கள்தான் பிரார்த்தனை செய்கின்றனர்.வாழ்க்கைக்குப் போராடும் ஈழத்தமிழர்கள் கூட இந்திய பிரதமரின் வால்வுக்கு போராடிக்கொண்டிருக்கும் நிலைக்கு வேண்டிக்கொண்டுள்ளனர்.

இரக்கம் கொண்ட இந்த இனத்தை அழிக்க இந்திய அரசு இராணுவ உதவிகள் செய்யக்கூடாது என்றார்.இரண்டு இலட்சத்துப் பத்தாயிரம் தமிழ் உயிர்களை இலங்கை இராணுவம் இதுவரை கொன்றுள்ளது.அந்த இராணுவத்துக்கு இந்திய அரசு துணைபோவது தமிழர்களுக்கு மிகுந்த வருத்தம் அளிக்கிறது.பாகிஸ்தானில் ஒரு சிங் தூக்குத் தண்டனைக்கு நின்ற பொழுது இந்திய நாடே துடித்தது.

ஈழத்தில் தமிழர்கள் மழையிலும் கொத்துக்குண்டுக்கு இடையிலும் காடுகளில் வாழ வேண்டியுள்ளது.காடுகளில் பாம்புக்குப் பலியாவதும் மருந்தின்றி சாவதும் அதனை உலக நாடுகள் வேடிக்கை பார்ப்பதும் கண்டனத்துக்குரியது.உலகமே எதிர்த்தாலும் புலிகள் தமிழீழம் அமைப்பது உறுதி.ஏனென்றால் கொரில்லாப் போரில் ஈடுபட்ட எந்த போராளிகளும் இதுவரை தோற்றதில்லை.மக்களுக்கான இராணுவம் கூலிகள்.மக்களே இராணுவம் புலிகள்.தமிழீழம் நாளை மலர்ந்தே தீரும் என்று சந்தனக்காடு இயக்குநர் வ.கௌதமன் பேசினார்.நிகழ்ச்சிக்கு வந்திருந்த சத்தியராஜ்.ஆர்.கே.செல்வமணி ஆகியோர் மாணவர்களின் உடல்நிலை கண்டு வருத்தம் தெரிவித்தனர்.அவர்களும் மாணவர்களுடன் அமர்ந்திருந்தனர்.

தமிழகம் என்ன அழுத்தம் கொடுத்தாலும் இந்திய எருமைத்தோலில் ஏறப்போவதில்லை

2009-01-23T09:01:00.002+05:30

என்ன தான் தமிழகமக்கள் அல்லது அரசு கேட்டுக் கொண்டாலும் இந்திய அரசின் எருமைத்தோலில் ஏறவே இல்லை என்பதுதான் கடந்தகாலம் நமக்கு சொல்லும் உண்மை.

சிவசங்கர் மேனன் இலங்கை சென்றபோது போர் நிறுத்தம் பற்றி பேசுவார் என இந்திய பத்திரிக்கைகள் எழுதின, ஆனால் இலங்கை அரசு சொன்னது அவர் போர் நிறுத்தம் குறித்து பேசப்போவதில்லை என்று எனவே, இந்திய வெளியுறவுத்துறை உண்மையில் இந்தியாவில் இல்லை அது இலங்கையில் உள்ளது என்பதைத்தான் நம்மால் புரிந்து கொள்ள முடிகிறது.

சிவசங்கர் மேனன் என்ன போசப்போகிறார் என அவர் அறிவிக்கவில்லை, இந்திய அரசு அறிவிக்கவில்லை மாறாக இலங்கை அரசு அறிவிக்கிறது.

அன்பு தமிழர்களே நமது இனம் அழிக்கப்படாமல் இருக்க வேண்டுமாயின் நாம் இந்திய அரசை எதிர்த்து தான் முதலில் போராடவேண்டியிருகிறது. இந்தியா இன்னும் பார்ப்பனிய தேசமாகவே இருக்கிறது. பார்ப்பன அதிகாரிகள் எப்போதும் தமிழ் விரோதிகளாகவே என்று இருக்கிறார்கள்.

தமிழக அரசியல் வாதிகளிடம் அரசியல் இலபத்திற்காக இங்கே கீழே உள்ள படத்தைப் பாருங்கள் அந்த படத்தில் உள்ளது போல நடந்து கொள்வதால் தான் இந்திய அரசு இப்படி எருமைபோல் நடந்து கொள்கிறது.

தமிழர்களே ஒன்று சேருங்கள், அம்பலப்பட்டு இருக்கும் இந்திய அரசை ”காங்கிரசு தமிழ் விரோதிகளை” புரிந்துகொள்வோம், பார்ப்பனிய இந்திய அரசை புரிந்து கொள்வோம். காங்கிரசு அரசை தூக்கி எறிவோம். வரும் தேர்தல் அவரகளுக்கு பாடம் புகட்டுவதாக இருக்க வேண்டும்.

...................................................................................

தமிழகம் என்ன அழுத்தம் கொடுத்தாலும் இந்திய அரசின் நிலை மாறவே மாறாது: சிறிலங்கா

நன்றி புதினம்

[வியாழக்கிழமை, 22 சனவரி 2009, 10:14 பி.ப ஈழம்] [ப.தயாளினி]

இலங்கை தமிழர் படுகொலை தொடர்பாக தமிழகம் என்ன அழுத்தம் கொடுத்தாலும் இந்திய அரசாங்கத்தின் நிலை மாறவே மாறாது என்று சிறிலங்காவின் அமைச்சர் லக்ஸ்மன் அபேயவர்த்தன தெரிவித்துள்ளார்.

கொழும்பில் ஊடகவியலாளர்களிடம் அவர் கூறியதாவது:

வடக்கில் படையினரால் விடுவிக்கப்பட்ட பிரதேசங்களில் விடுதலைக் கிராமங்கள் அமைக்கப்படவுள்ளன.

இதன் முதற் கட்டமாக இராமநாதன் சுதந்திரபுரம், அருணாசலம் வெற்றிபுரம், கதிர்காமர் எழுச்சிநகர் போன்ற பெயர்களில் மூன்று விடுதலைக் கிராமங்கள் உருவாக்கப்படவுள்ளன. தமிழகம் இந்திய மத்திய அரசாங்கத்துக்கு என்ன அழுத்தம் கொடுத்தாலும் சிறிலங்கா மீதான நிலைப்பாட்டில் இந்திய மத்திய அரசில் மாற்றம் எதுவும் இல்லை. இந்திய அரசாங்கம் சிறிலங்காவுக்கு சார்பாகவே உள்ளது.

வடக்கில் போர் நடைபெறும் பிரதேசங்களுக்கான அரசாங்கத்தின் உணவுப் பொருள் விநியோகம் குறித்து இந்தியா திருப்தி அடைந்துள்ளது என்றார் அவர்.

புதுச்சேரியில்-ஈழம் அறிய வேண்டிய உண்மைகள் நூல் வெளியீடு

2008-12-08T23:56:00.004+05:30

ஈழம் அறிய வேண்டிய உண்மைகள் நூல் வெளியீடு புதுச்சேரியில் நாளை 09-12-2008 புதுவைத் தமிழ்ச்சங்கத்தில் நடைபெற உள்ளது.

இக்கூட்டத்திற்கு ஆனந்தக்குமார் தலைமையேற்று நடத்துகிறார். இக்கூட்டத்தில் வே. ஆனைமுத்து அவர்கள் நூலை வெளியிட்டு சிறப்புரையாற்றுகிறார். தமிழ்ப் படைப்பாளிகள் பேரியக்கத்தின் பேராசிரியர் த. பழமலை அவர்களும் கலந்து கொள்கிறார்.

மற்றும் மீனவர் விடுதலை வேங்கைகள் இரா. மங்கையர்செல்வம், மதிமு.க தூ.சடகோபன், தமிழர் தேசிய இயக்கத்தின் இரா. அழகிரி பகுஜன் சமாஜ் கட்சியின் தங்க. கலைமாறன், மக்கள் உரிமைக்கூட்டமைப்பு கோ. சுகுமாரன், செந்தமிழர் இயக்கத்தின் ந.மு. தமிழ்மணி, இராஷ்டிரிய ஜனதா தளம் தி. சஞ்சீவி, அம்பேத்கர் தொண்டர் படை சி.மூர்த்தி, புரட்சிப்பாவலர் இலக்கிய பாசறை இராம.சேகர், அகில இந்திய பார்வர்டு பிளாக கட்சியின் மாநிலத்தலைவர் உ.முத்து ஆகியோர் உரையாற்றுகிறாகள்.
விடுதலைச் சிறுத்தைகளின் மாநில அமைப்பாளர் சு. பாவாணன் நூலை பெறுகிறார்.

பல்வேறு இயக்கங்களை சேர்ந்தவர்கள் இதழை பெற்றுக் கொள்கிறார்கள்.

அ. சிவக்குமார் நன்றி செல்கிறார்.

செயலலிதாவை போல் ஒரு மனநோயாளி யாருமில்லை

2008-11-30T00:10:00.000+05:30

அடுத்தவர் துன்பத்தில் மகிழ்ச்சி காணும் ஒருவர் மனநோயாளியாகத்தான் இருக்கவேண்டும். எவ்வளவு பெரிய மனநோயாளித்தனம் ஆட்சி வெறியில் இருந்த போது வெறியில் கொலை வெறி தாக்குதல் நடத்தி அதன் விளைவுகளால் சந்தோசம் அடையும் இரக்கமற்ற, மனித தன்மையற்ற கொடூரம் செயலலிதாவிடம் காணப்படுகிறது பாருங்கள்.

படியுங்கள் கருணாநிதி அறிக்கை:

“தம்பி முரசொலி மாறனின் உடல்; கோபாலபுரம் வீட்டில் வைக்கப்பட்டிருந்த போது; இறுதி அஞ்சலி செலுத்த வந்த அனைவருக்கும் தெரியுமே; அடுத்த தெருவில் ஜெயலலிதா வீட்டார் பட்டாசு கொளுத்தி; அது பகல் முழுதும், இரவு முழுதும் வெடித்த சப்தத்தை அவர்கள் எல்லாம் கேட்டார்களே; அது போலத் தான்; இப்போது மழை வெள்ளப் பாதிப்பால் மக்கள், அந்த மக்களின் துயர் துடைத்திட நாம் துடித்துத் தொண்டாற்றும் போது; ஜெயலலிதா மட்டும், அன்று மாறனின் மரணத்தை பட்டாசு வெடித்துக் கொண்டாடியது போல, இப்போதும் வெள்ளத் துயர் துடைப்புப் பணியில் ஈடுபட்டுள்ள இந்த அரசை, நம் உள்ளம் பதறிட வார்த்தைகளைப் பட்டாசாக வெடித்து "மக்களுக்கு நிவாரண உதவியே அரசு செய்யவில்லை'' என்று "டான்சி புகழ்'' ஜெயலலிதா, மகாமகப் புளுகு புளுகுகிறார் எ‌ன்று முதலமை‌ச்ச‌ர் கருணா‌நி‌தி கூ‌றியு‌ள்ளா‌ர்.”

முழுமையான தகவலுக்கு மகாமகப் புளுகு புளுகுகிறார் ஜெயலலிதா: கருணாநிதி : நன்றி வெப்துனியா.

ஈழத்தமிழனின் அழிவில்தான் அரசியல் செய்ய வேண்டுமா:திருமாவளவன் ஜெயலிதாவுக்கு பகிரங்க கடிதம்!

2008-11-22T19:05:00.004+05:30

ஈழத்தமிழர் பிரச்சினை தொடர்பாக திருமாவளவன், அ.தி.மு.க. பொதுச்செயலாளர் அம்மையார் ஜெயலலிதா அவர்கட்கு எழுதிய பகிரங்க கடிதம். அவர் எழுதியுள்ள கடிதத்தினை தமிழகத்திலிருந்து வரும் குமுதம் வார இதழ் வெளியிட்டுள்ள கடிதம் பின் வருமாறு:

அ.தி.மு.க. பொதுச்செயலாளர் அம்மையார் அவர்களுக்கு வணக்கம். எளிதில் சந்திக்கவியலாத தலைவர் நீங்கள். கூட்டணியில் இருந்தபோதே இயலவில்லை. இப்போது எப்படி சந்திக்க முடியும்? ஆகவேதான் இந்த மடல்.

மற்ற கட்சித் தலைவர்களிலிருந்து நீங்கள் முற்றிலும் மாறுபட்ட தலைவராக இருக்கிறீர்கள். சொந்தக் கட்சி அலுவலகத்திற்குச் செல்வதையே, பரபரப்பாக்கும் ஒரே பகட்டுத் தலைவர் நீங்கள்தான்.

எதிலும் மாறுபட்ட சிந்தனை! மாறுபட்ட அணுகுமுறை! ஈழத்தமிழர் சிக்கலிலும்கூட அப்படித்தான்! தமிழ்நாட்டுத் தலைவர்கள் அனைவருமே ஈழத்தமிழர்களைக் காப்பாற்ற பாதுகாப்புக் கோரும்போது, நீங்கள் மட்டும் உங்களுக்குப் பாதுகாப்பு கேட்டுக் குரல் எழுப்புகிறீர்கள். எல்லோருமே இந்திய அரசையும் சிங்கள அரசையும் எதிர்த்துப் போர்க்குரல் எழுப்பும்போது, நீங்கள் மட்டும் தி.மு.க. அரசை எதிர்த்துப் போராட்டங்களை நடத்துகிறீர்கள்! இருபத்தைந்து ஆண்டுகளாக மின்சாரமே இல்லாமல் இருட்டில் உழலும் ஈழத்தமிழர்களுக்காக, இங்கே எல்லோரும் வெளிச்சம் கேட்டு வெகுண்டெழும்போது, நீங்கள் மட்டும், இங்கே நிலவும் சில மணி நேர மின்வெட்டுக்காக கொதித்து எழுகிறீர்கள்! அரசியல் முரண்பாடுகளையெல்லாம் மறந்து, இனமான உணர்வுடன் இணைந்து மற்ற தலைவர்களெல்லாம் மழையிலே நனைந்து மனிதச் சங்கிலியாய் கைகோர்த்து நிற்கும்போது, நீங்கள் மட்டும் தேர்தல் கூட்டணிக்காக யாரோடு கைகோர்க்கலாமென்று துடியாய்த் துடிக்கிறீர்கள்!

புலிகளை அழிக்கிறோம் என்ற பெயரில், ஈழத்தமிழினத்தையே அழித்தொழிக்கும் இந்திய - சிங்கள அரசுகளின் கூட்டணியை உடைக்க, ஒட்டுமொத்த தலைவர்களும் ஒன்றுபட்டு முயற்சிக்கும்போது, நீங்கள் மட்டும் தி.மு.க. கூட்டணியை உடைக்கவே படாதபாடு படுகிறீர்கள். சிங்கள இனவெறியர்களால் பட்டினி கிடந்து சாகும் ஈழத்தமிழர்களுக்காக, இங்குள்ள தலைவர்களும், தொண்டர்களும், பொதுமக்களும் தம்மால் இயன்ற நிதியைத் தாயுள்ளத்தோடு அள்ளிக் கொடுக்கும்போது, நீங்கள் மட்டும் இரக்கமே இல்லாமல் இறுக்கமாயிருக்கிறீர்கள்! கடுமையான விமர்சனங்களால் கூட்டணி உறவே முறிந்துபோன நிலையிலும், பா.ம.க.வும், இந்திய அரசோடு ஏற்பட்ட முரண்பாடுகளால் கூட்டணியிலிருந்து வெளியேறிய இடதுசாரிகளும்கூட, ஈழத்தமிழரைப் பாதுகாக்கும் ஒரே நோக்கத்தில், முதல்வரின் தலைமையில் நடந்த அனைத்துக் கட்சிக் கூட்டத்தில் பங்கேற்று தமது கருத்துக்களை அழுத்தமாக வைத்து வலுவாகக் குரலெழுப்பினர். ஆனால், நீங்களோ அந்தக் கூட்டத்திற்கு உங்கள் கட்சியிலிருந்து யாரையுமே அனுப்பாமல் புறக்கணித்துவிட்டீர்கள்.

ஒரு பீகாரியை மும்பையிலே கொன்று விட்டார்கள் என்பதற்காக, பீகார் மாநில கட்சித் தலைவர்கள் அனைவருமே எதிர் எதிர் துருவங்களிலிருந்த நிலைமாறி, ஒன்றுபட்டு நிற்கும்போது, நீங்கள் மட்டும் ஈழத்தமிழினத்தையே அழிக்கும் இனப்படுகொலையைக் கண்டும்கூட, தி.மு.க.வுடனான முரண்பாட்டையே முன்னிறுத்தி, தமிழின ஒற்றுமையைச் சிதைப்பதிலேயே குறியாக இருக்கிறீர்கள்! விடுதலைப்புலிகளால் தங்களின் உயிருக்கு ஆபத்து என்று அடிக்கடி சொல்லுகிறீர்கள்! `கருப்புப் பூனை' பாதுகாப்புக்காகவே விடுதலைப் புலிகளை எதிர்க்கிறீர்கள்!

இருந்தாலும், விடுதலைப்புலிகளைச் சாக்குவைத்து அரசியல் ஆதாயம் பெற முயற்சிக்கிறீர்கள். விடுதலைப்புலிகளை தி.மு.க. ஆதரிப்பதாகப் பழி சுமத்தி, காங்கிரஸுக்கும் தி.மு.க.வுக்கும் சிக்கலுண்டாக்கப் பார்க்கிறீர்கள்! `திருமாவளவனைக் கைது செய்' என்று வற்புறுத்தி, விடுதலைச் சிறுத்தைகளுக்கும் தி.மு.க.வுக்கும் இடைவெளி உண்டாக்கவும் பார்க்கிறீர்கள்! ஈழத் தமிழன் பூண்டோடு அழிந்தாலும், சிங்களவனை எதிர்ப்பதைக் காட்டிலும் தி.மு.க.வை எதிர்ப்பதுதான் உங்கள் அரசியல் என்பதை நிலைநாட்டி வருகிறீர்கள்! விடுதலைப் புலிகளை எம்.ஜி.ஆர். ஆதரித்தார்! பொருளுதவிகளைச் செய்தார்!

நீங்களும் ஆதரித்தீர்கள்! இது நாடறிந்த உண்மை! ஆனால், உங்கள் மனசாட்சியைத் தொட்டுச் சொல்லுங்கள்! அன்றைய நாளிலிருந்து இன்றைய நாள்வரை எப்போதாவது தி.மு.க. விடுதலைப் புலி களை ஆதரித்ததுண்டா? தொடக்கத்திலிருந்து `டெலோ' இயக்கத்தையும், பெரியவர் அமிர்தலிங்கம் போன்றவர்களையும் தானே தி.மு.க. ஆதரித்து வந்தது! அன்றும் இன்றும் தி.மு.க. விடுதலைப்புலிகளைக் கடுமையாக விமர்சிக்கிறது என்பதுதானே உண்மை! ஆனாலும் விடுதலைப்புலிகளைக் காரணம் காட்டி, சந்திரசேகர் பிரதமராக இருந்தபோது தி.மு.க. அரசு கலைக்கப்பட்டது. அதையே இப்போதும் செய்யவேண்டுமென்பதுதானே உங்கள் ஆசை!

உங்கள் ஆசை நிறைவேற, ஈழத்தமிழனின் அழிவில்தான் அரசியல் செய்ய வேண்டுமா? தமிழர்களின் தயவால், தலைவராக வலம் வரும் நீங்கள், தமிழர்களின் வாக்குகளால் ஆட்சியதிகாரத்தைச் சுவைத்த நீங்கள், தமிழர்களைக்கொண்டே மீண்டும் ஆட்சியதிகாரத்தைக் கைப்பற்றத் துடிக்கும் நீங்கள், அதே தமிழர்களின் உணர்வுகளைக் கொச்சைப்படுத்தி, இளிச்சவாயர்களாக்கி, தமிழினத்துக்கெதிராகவே செயல்படும் போக்கு நியாயம்தானா? இது தமிழினத்துக்கு எதிரான துரோகமென்று ஒரு நொடிப் பொழுதாவது உங்கள் நெஞ்சு உறுத்தவில்லையா? திடீரென்றா புலிகள் ஆயுதமெடுத்தார்கள்! காலம் காலமாய் சிங்களவன் செய்துவரும் கொடுமைகளுக்கு ஒரு வரம்பு உண்டா? உலகமே அறிந்திருக்கும் இந்தக் கொடூரம் உங்களுக்குத் தெரியாதா? எந்த அடிப்படையில் சிங்களவனை ஆதரிக்கும் வகையில் உங்களால் செயல்பட முடிகிறது? `செஞ்சோலை' என்னும் பள்ளியில் குண்டு போட்டு சின்னஞ்சிறு பிஞ்சுகளைக் கொன்றழித்த கொடுமையைக் கண்ட பிறகுமா, நீங்கள் சிங்களவனின் போக்கை ஆதரிக்கிறீர்கள்?

இங்கே தலைவர்கள் எல்லாம் தாயுள்ளத்தோடு பதறும்போது, நீங்கள் மட்டும் எப்படி இப்படி?

நீங்கள் இதிலும் மாறுபட்டவர்தான்! ஆனால், மாறாதவர்!

தோழமை கலந்த வேதனையுடன்...

நன்றி - குமுதம் வார இதழ்

நன்றி தமிழ் செய்தி

ஏய் இராஜபக்சே போரை நிறுத்தடா !!

2008-11-18T21:49:00.002+05:30

ஏய் இராஜபட்சே நாயே போரை நிறுத்தடா !!
எம் தாய் தமிழ் சொந்தங்களை சுட்டுக்கொன்று குவிக்கிறாயே ! மானிதாபிமானமற்ற கொடுங்கோலா !!
உடனே போரை நிறுத்து.!

இராணுவ ரீதியாக இனப்பிரச்சனைய தீர்க்க முடியாது என்று புரிந்து கொள்ள உனக்கு இன்னும் எத்தனை காலம் பிடிக்கும் என்று தெரியவில்லை.

நீ பூநகரியை பிடித்துவிட்டாய் !!
மாங்குளத்தையும் பிடித்துவிட்டாயாம்.

நாளை நீ கிளிநொச்சியையும் பிடிக்கலாம்.

அறிவுகெட்ட இராஜபக்சே நீ ஒன்றை புரிந்து கொள்.

ஜாலியன் வாலாபாக் படுகொலையில் தன் தந்தையை இழந்த சிறுவன பல ஆண்டுகளுக்கு பின் இங்கிலாந்து தேசம் சென்று தன் தந்தையை கொன்ற கொலை வெறியன் ஜெனரல் டயரை சுட்டு கொன்றதாய் வரலாறு சொல்கிறது. இந்த வரலாற்றிலிருந்து எதையும் பிரிந்து புரிந்து கொள்ளாத ஒரு அடிமுட்டாளாக நடந்து கொள்கிறாய் நீ.

இந்த வரலாற்றிலிருந்து நீ ஒன்றை புரிந்து கொள். இன்று துப்பாக்கி முனையில் செய்கிற உன் முறையிலான அமைதிப்போரின் இறுதி வெற்றி உனக்கல்ல. இன்று இல்லாவிட்டாலும், எதிர்காலத்தில் ஜாலியன் வாலாபாக் படுகொலையில் பாதிக்கப்பட்ட சிறுவன் போல் எத்தனையோ எனது தாய்மார்கள், குழந்தைகள், சிறுவர்களின் இதயம் எரிந்து கொண்டிருக்கிறது. இதயத்தில் எரிகிற நெறுப்பு ஒரு நாள் மீண்டும் வெடித்து சிதறும் என்பதை மட்டும் மறந்து விடாதே!

உன் துப்பாக்கி முனையிலான அமைதியின் விளைவாக நீயும் ஒருகாலத்தில் ஜெனரல் டயரின் நிலைக்கு உள்ளாவாய் என்பதை மட்டும் மறந்துவிடாதே!.

புதுச்சேரியில் தமிழீழ ஆதரவு குரல்கள்- சுவரொட்டிகள் மற்றும் நிகழ்வுகள்

2008-11-14T23:17:00.001+05:30

1. புதுச்சேரியில் ஈழத்தமிழர்களுக்கு ஆதரவான குரல் எப்போதும் ஓங்கி ஒலிக்கும் கடந்த நவம்பர் 1, 2008 அன்று முருங்கப்பாக்கத்தில் தொடங்கிய இந்த ஆதரவுக் குரல் ஓங்கி ஒலிக்கத்தொடங்கியுள்ளது.

நாளை சனிக்கிழமை 15-11-2008 மாலை ஈவிரக்கமற்ற இனப்படுகொலையை கண்டித்து இலங்கை அரசை இந்திய அரசு வலியுறுத்தி போர் நிறுத்தம் செய்யவேண்டும் என்ற கோரிக்கையை முன்வைத்து தெருமுனைக்கூட்டம் நடத்தப்படவுள்ளது. புதுச்சேரி பேருந்து நிலையம் அருகில், சின்னக்கடை, நேரு வீதி, ஆனந்த இன் உணவகம் அருகில், முத்தியால் பேட்டை மணிகூண்டு, லாசுப்பேட்டை, பாக்குமுடையான் பேட்டை, சாரம், பெரியார் சிலை, பழையப் பேருந்து நிலையம் ஆகிய இடங்களில் தெருமுனைக் கூட்டம் நடை பெற உள்ளது.

இக்கூட்டத்தில் தமீழீழ ஆதரவாளர்கள் அரசியல் கட்சிகள், இயக்கங்கள் கலந்து கொண்டு தமது கண்டனத்தை பதிவு செய்ய உள்ளன.

2. விடுதலைச் சிறுத்தைகளின் சுவரொட்டி இன்று பரவலாய் புதுச்சேரி முழுவதும் காணப்பட்டது.

சிங்கள இனவெறியால்

எரிகிறது ஈழத்தமிழ்த்தேசம்!

தாய்த் தமிழர்களே!

என்ன செய்வதாய் உத்தேசம்?

3. ஈழத்தமிழர்களுக்கு ஆதரவாக குரல் கொடுத்த வைகோ கண்ணப்பன் ஆகியோர் கைது செய்யப்பட்டதை கண்டித்தும், இலங்கை அரசை வலியுறுத்தி தமிழீழத்தில் போர் நிறுத்தம் செய்ய இந்தியா நிர்பந்திக்க வேண்டும் என்ற கோரிக்கையை முன் வைத்தும் இன்று புதுச்சேரி பழைய திருவள்ளுவர் பேருந்து நிலையம் அருகில் இன்று உண்ணா விரதப் போராட்டம் நடந்தது இப்போராட்டத்தை மறுமலர்ச்சி திராவிடர் முன்னேற்றக்கழகம் நடத்தியது. இப்போராட்டத்தில் 100 க்கும் மேற்பட்டோர் கலந்து கொண்டனர்.

புதுச்சேரியில் இலங்கைப் பிரச்சனை ஒட்டி விடிய விடிய ஆர்பாட்டம் 400க்கும் மேற்பட்டோர் கைது

2008-11-03T21:48:00.007+05:30

புதுச்சேரியில் சிங்கள இனவெறி அரசின் தமிழினப் படுகொலையை கண்டித்து முருங்கப்பாக்கத்தில் பல்வேறு அரசியல் கட்சிகள் தமிழ் அமைப்புகள் சார்பாக பட்டினிப்போர் நடைபெற்றது,

இந்த போராட்டத்தில் விடுதலை சிறுத்தைகள் அமைப்பு செயலாளர் பாவாணன், பெரியார் திராவிடர் கழகம் லோகு அய்யப்பன், தமிழர் தேசிய இயக்கத்தை சேர்ந்த அழகிரி, விடுதலை வேங்கைகள் மங்கையர் செல்வம், ராஷ்டிய ஜனதா தளம் சஞ்சிவி, , செந்தமிழர் இயக்க அமைப்பாளர் ந.மு.தமிழ்மணி, பகுஜன் சமாஜ் கட்சி தங்க. கலைமாறன் மற்றும் பலர் கலந்து கொண்டனர்.

இந்த நிகழ்வில் ”சோனியாகாந்திக்கும் இராசீவ் கொலையில் தொடர்பு உள்ளது” என்று சுப்பிரமணியசாமி எழுதியதை எந்த காங்கிரசுக்காரர்களும் எதிர்க்கவில்லை எங்களைப் போன்றவர்களை எதிர்க்கிறீர்கள் என தமிழர் தேசிய இயக்கத்தை சேர்ந்த இரா.அழகிரி பேசினார், மேலும் உள்ளூர் பிரச்சனை தொடர்பாக இளைஞர் காங்கிரசு பிரமுகர் ”பாண்டியனை” கண்டித்து அழகிரி பேசியதை தொடர்ந்து பாண்டியனுக்கும் உண்ணாவிரத போராட்டக்குழுவினருக்கும் மோதல் ஏற்பட்டது.

இதை ஒட்டி தமிழ் உணவாளர்களுக்கு தொலைபேசியில் தெரிவித்ததில் 150 க்கும் மேற்பட்டோர் அங்கு ஒன்று கூடினர். எனக்கும் அழைப்பு வந்ததின் பேரில் நானும் களத்தில் நேரில் கலந்து கொள்ள வேண்டியிருந்தது.

பாண்டியனை கண்டித்து பேசியதற்கான மன்னிப்பு கோரவேண்டும் என தரக்குறைவாக பேசி பாண்டியன் மற்றும் அவருடன் வந்த சிலர் கேட்டனர். அதை தொடர்ந்து பிரச்சனை வளர்ந்தது. இதனைத்தொடர்ந்து காங்கிரசார் உண்ணாவிரதத்தை தொடர்ந்து நடத்தக்கூடாது என்றும் இவ்வாறு பேசியவர்களை கைது செய்யவேண்டும் கூறி சாலை மறியல் செய்தனர். இதில் புதுச்சேரி காங்கிரசு தலைவர் சுப்ரமணியன் உள்பட 50 க்கும் மேற்பட்டோர் கலந்து கொண்டனர்.

ஆனால், சோனியாகாந்தி மற்றும் இராசீவ் கொலை தொடர்பாக கொச்சைப்படுத்தி பேசியதாலேயே பிரச்சனை செய்ததாக இளைஞர் காங்கிரசு பாண்டியன் பத்திரிகை தொலைகாட்சிகளில் பேட்டி கொடுத்துள்ளார்.

ஆனால் உண்மையில் நடந்தது அதுவல்ல. பிரச்சனையை திசைதிருப்பி மத்திய அமைச்சர் நாராயணசாமி மற்றும் புதுச்சேரி உள்துறை அமைச்சர் வல்சராசுக்கு இந்த பட்டினிப்போராட்டம் நடத்திய கட்சிகள் மீது ஏற்கனவே இருந்த முன் விரோதத்தை பயன்படுத்திக் கொண்டு பிணையில் வர இயலாத (case under Section 153 (trying to provoke with the intent of causing riot)) 186, 294, 506/2, 34 IPC, Section 14 (Pondicherry act) ஆகிய பிரிவின் கீழ் தந்தை புதுச்சேரி பெரியார் திராவிடர்க் கழக தலைவர் லோகு. அய்யப்பன், தமிழர் தேசிய இயக்கத்தின் திரு, இரா. அழகிரி, மறுமலர்ச்சி திராவிடர் முன்னேற்றகழகத்தை சேர்ந்த மூவர் மீது காவல் துறை வழக்கு பதிவு செய்தது.

இந்த வழக்கு ஒரு பொய்வழக்காகும், ஏனெனில் ஏற்கனவே துறைமுக விரிவாக்கத்திட்டதின் போது இவர்கள் மிகப்பெரிய போராட்டம் நடத்தி இந்த விரிவாக்கத்தை தடுத்தனர், இதனால் உள்துறை அமைச்சர் வல்சராசுக்கு வரவேண்டிய பல கோடி தொகை வர இயலாமல் போனது எனவே இதை ஒரு சந்தர்ப்பமாக பயன்படுத்தி போராட்டக்காரர்களின் மீது பொய் வழக்குப் போட்டு பழிவாங்கத்துடிக்கிறது காங்கிரசு அரசு.

கைது செய்யப்பட்ட மற்றவர்களை இரவு 8.00 மணியளவில் விடுதலை செய்வதாக காவல் துறை அறிவித்தது. ஆனால் பொய் வழக்கு போடப்பட்ட 3 பேர்களை விடுதலை செய்யாவிட்டால் தாங்களும் வெளியேற மாட்டோம் என 100 க்கும் மேற்பட்டோர் கோரிமேடு தன்வந்திரி நகர் காவல் நிலையத்தில் முழக்கமிட்டனர், ஆனால் காவல் துறை படியவில்லை, மேலிடத்து உத்தரவு படி செய்வதாக காவல் துறை சொன்னது.

இரவு நேரம் 12 மணியளவில் கைது செய்யப்பட்டு பட்டினிப் போராட்டம் நடத்தாமல் போனதற்கு காரணமானவர்களை கைது செய்யவேண்டும் என சாலை மறியல் போராட்டம் நடத்தி அதில் கைது செய்யப்பட்டு விடுதலையான 200 க்கும் மேற்பட்டோர் கோரிமேடு காவல் நிலைய வாயிலை முற்றுகையிட்டு போராட்டம் நடத்தினர், இவர்களை காவல் துறை உள்ளே அனுமதிக்கவில்லை, உள்ளே இருப்பவர்கள் 100க்கும் மேற்பட்டவர்கள் காவல் நிலையத்தின் உள்ளேயும் காவல் நிலையத்தின் வெளியேயும் 300 முழக்கமிட்டு ஆர்ப்பாட்டம் செய்தனர், பெரியார் விடுதலைக்கழகம் மற்றும் விடுதலைச் சிறுத்தைகள் கட்சி வெளியிலிருந்தும் இப்போராட்டத்தை நடத்தினார். நள்ளிரவு ஒன்று முப்பது மணிவரை இந்த ஆர்பாட்டம் நடந்தது.

இரவு 12 மணி அளவில் கோரி மேடு பகுதியில் சாலை மறியல் போராட்டம் நடந்தது. இரவு வெகுநேரமானதால் தொந்தரவு செய்ய வேண்டாம் என முடிவு செய்து 10 நிமிடங்களில் இந்த சாலை மறியல் விலக்கிக் கொள்ளப்பட்டது.

இதை தொடர்ந்து 10 க்கும் மேற்பட்ட முறை காவல் துறை அழைத்து பேச்சுவார்த்தை நடத்த்னர். இப்பேச்சு வார்த்தையில் விடுதலை சிறுத்தைகள் பாவாணன், பகுசன் சமாஜ்வாடி தங்க கலைமாறன் பெரியார் திராவிடர்க்கழகத்தின் ம.இளங்கோ, வீர.மோகன், மீனவர் விடுதலை வேங்கைகள் மங்கையர் செல்வம், செந்தமிழர் இயக்கத்தின் அமைப்பாளர் ந.மு. தமிழ்மணி உள்ளிட்ட சிலர் காவல் துறையுடன் அடிக்கடி பேச்சுவார்த்தை நடத்தினர்.

மாவட்ட ஆட்சியர் மற்றும் உயர் காவல் துறை அதிகாரிகள் பலர் வந்து வழக்கை திரும்ப பெற்றுக்கொள்ளலாம் என முடிவு செய்தும் காவல் கண்காணிப்பாளர் ”சிவதாசன்” மட்டும் காங்கிரசார் பிரச்சனை செய்வார்கள் என்று கூறி பொய்வழக்கை உறுதி செய்தார்கள்.

இதனால் ஆத்திரமடைந்தவர்கள் காவல் நிலையத்தில் இடையிடையே காவல் துறையை எதிர்த்து முழக்கமிட்டனர். வழக்குப் போடுவதாக இருந்தால் விடுதலைப்புலிகளை ஆதரித்து பேசியதால் கைது என்று வழக்குப் போடுங்கள் என்று காவல் துறையினரை கேட்டும் காவல் துறை அந்த பிரிவில் வழக்கு போடவில்லை, இந்த பொய் வழக்கை கண்டித்து தங்களையும் கைது செய்யுங்கள், இல்லையெனில் வெளியேறமாட்டோம் என்று மீண்டும் மீண்டும் முழக்கமிட்டனர், பின்னர் இறுதியாக மறுநாள் போராட்டம் நடத்த வேண்டி வரலாம் என்பதால் வெளியே இருந்து பணியாற்ற சிலக்குழுக்கள் பிரித்து அனுப்பபட்டது. மறுநாள் மறியல் போராட்டம் உள்ளிட்டவைகளை செய்வதற்காக சிலர் அந்த குழுவிலிருந்து சிலர் வெளியேறினர் இதனால் விடுதலை செய்யப்பட்ட 77 பேர்களுடன் 3 பேர்களுடன் மொத்தமாக 80 பேர் இரவு இரண்டு முப்பது மணியளவில் கைது செய்யப்பட்டனர்.

அதிகாலை 3 மணியளவில் கைது செய்தவர்களை ஏற்றி செல்ல வாகனம் வந்தது ஆனால் அதிகாலை 5 மணி வரை காவல் நிலையத்திலேயே வைத்திருந்து பின்னர் புதுவையில் காலப்பட்டு சிறைச்சாலைக்கு அழைத்து செல்லப்பட்டனர்.

இந்த நிகழ்ச்சியை கண்டித்து புதுவையின் பல்வேறு இடங்களில் சனிக்கிழமை மாலை 10 க்கும் மேற்பட்ட இடங்களில் சாலை மறியல் போராட்டம் நடைபெற்றது. இதில் ஏராளமானோர் கலந்து கொண்டனர். 150க்கும் மேற்பட்டோர் கைது செய்யப்பட்டனர்.

இந்த நிகழ்வுக்குப்பின் அடுத்த கட்டமாக 02-11-2008 ஞாயிறு மதியம் 12.30 மணியளவில் விடுதலை சிறுத்தைகள் மற்றும் பல்வேறு தமிழ் அமைப்புகள் கலந்து கொண்டு மீண்டும் சாலை மறியல் போராட்டம் நடத்தினர். 30 நிமிடங்கள் நீடித்த இந்த சாலை மறியலின் பின் இரண்டு பேருந்துகளில் 100க்கும் அதிகமானவர்களை கைது செய்து பின்னர் விடுதலை செய்துள்ளது.

இந்த வழக்கில் திங்கள் மாலை 6 மணியளவில் 77 பேர்மட்டும் பிணையில் விடுதலை செய்யப்பட்டனர்.

பெரியார் திராவிடர் கழகத் தலைவர் லோகு. அய்யப்பன், தமிழர் தேசிய இயக்கத்தின் இரா. அழகிரி மறுமலர்ச்சி திராவிடர்க்கழகத்தின் சந்திர சேகர் ஆகியோருக்கு இது வரை பிணை வழங்கப்படவில்லை.

இந்து பத்திரிக்கை செய்தி -
தினத்தந்தி செய்தி
ஒருபார்வைக்காக இணைத்துள்ளேன்.

புகைப்படம்: இரா.சுகுமாரன்
செய்திகள் அனைத்தும் : நேரடி தொகுப்பு

புதுதில்லி அனுபவம் : உழைத்து வாழ வயது ஒரு தடையல்ல!

2008-10-16T14:12:00.003+05:30

புதுதில்லியில் ஒரு புதிய அனுபவம், புதுதில்லியில் புதுச்சேரி விருந்தினர் இல்லத்திலிருந்து காலை எட்டு மணியளவில் தானியங்கி (AUTO) வருகைக்காக நானும் எங்கள் அலுவலக நண்பர் வெங்கடேசும் சாலையோரம் நின்றிருந்தோம். அப்பொழுது ஒரு முதியவர் தானியங்கியுடன் எங்கள் முன் வந்தார்.

"புதுதில்லி இந்தியா கேட்"

நாங்கள் செல்லும் இடத்திற்கு எவ்வளவு ரூபாய் என்று கேட்ட போது மீட்டர் போட்டுக் கொள்ளலாம் என்று கூறி பயணத்தை தொடர்ந்தார். அவரை பார்த்த போது கசங்கிய, கிழிந்த உடை அணிந்திருந்ததை பார்த்தோம். அவரை விசாரித்தபோது அவர் பெயர் பிரித்தம் சிங் என்பதும் அவருக்கு வயது 71 என்பதையும் தெரிவித்தார். அவர் இருக்கைக்கு அருகில் ஒரு கைத்தடியும் இருந்தது. இந்த கைத்தடியோடு தான் அவர் எங்கும் பயணிக்கிறார்.

இவர் இந்திய விடுதலைக்கு முன் பாகிஸ்தானில் பிறந்து, இந்திய பாகிஸ்தான் பிரிவினையின் போதே புதுதில்லியில் குடிஅமர்ந்தவர் என தெரிவித்தார். தலையில் உள்ள தலைப்பாகையை பார்க்கும் போதும் பேசியதிலிருந்தும் அவர் சீக்கியர் என அறிந்து கொண்டோம். சீக்கியர் இப்படித்தான் இந்த வயதிலும் கடுமையான உழைப்பவர்களாக இருக்கிறார்கள் என நண்பர் வெங்கடேஷ் சொன்னார்.

Hide all

வெங்கடேசுடன் முதியவர் பிரித்திம் சிங்

இந்த முதிய வயதிலும் இந்த வேலை செய்கிறீர்களே என்று கேட்டபோது ஆம், "உழைத்தால் தான் வாழ முடியும், சாகிறவரை உழைப்பேன்" என சாதாரணமாக குறிப்பிட்டார். அவர் குடும்பத்தில் அவர் மகன்கள் இருந்த போதும் இவர் தன் மனைவியுடன் தனியாக வசித்துவருகிறார். அவர் குடும்பத்தின் மற்ற உறுப்பினர்கள் இவர் மீது அக்கரை செலுத்தவில்லை என்பது அவரிடம் நடத்திய உரையாடலிலிருந்து நாங்கள் அறிந்து கொண்டோம். தில்லி அரசு முதியவருக்காக வழங்கப்படும் ஓய்வூதியமாக ரூபாய் 1000/- பெறுவதாகவும் அது அவருக்கு போதுமானதாக இல்லை என்று குறிப்பிட்டார்.

காலை 8 மணியிலிருந்து எட்டுமணிநேரம் மட்டுமே வேலை செய்வதாகவும் அவர் குறிப்பிட்டார். பயணத்திற்கு மீட்டர் போட்டு மட்டுமே கட்டணம் வசூல் செய்கிறார். வழக்கமாக ரூபாய் 70/-, 80/- கொடுத்து பயணம் செய்த எங்களுக்கு அவர் வண்டியில் வந்த போது எங்களுக்கு 42/- ரூபாய் மட்டுமே வந்தது, அந்த தொகையை மட்டுமே அந்த பெரியவர் கேட்டார், இருப்பினும் நண்பர் வெங்கடேசு அவரின் கதையை கேட்டு 50/- கொடுத்து சில்லரை வேண்டாம் என தெரிவித்தார், நானும் 50/- ரூபாய் கூடுதலாக கொடுத்தேன், சிறிய தயக்கத்தோடு தான் கூடுதல் பணத்தை வாங்கிக்கொண்டார்.

முதியவருடன் நான்

இவரின் முதுமை, அவரது செயல் எங்களை அதிகம் சிந்திக்க வைத்தது.
உழைத்து வாழ வயது ஒரு தடையல்ல என்பதை எங்களுக்கு உணர்த்தினாலும் இளைய சமூகம் முதியவர்கள் மீது அக்கரை செலுத்த வேண்டும் என்பதை மற்றவர்களுக்கு வலியுறுத்தவேண்டும் என உறுதி எடுத்துக் கொண்டோம்.

அவருடைய நேர்மையான அணுகுமுறையும், தளராத எண்ணங்களும் எங்களை மிகவும் நெகிழ செய்தது.

வைத்திலிங்கம் தலைமையிலான புதுச்சேரி அரசுக்கு ஆயுள் குறைவு

2008-09-05T23:34:00.001+05:30

புதுச்சேரியில் புதிய அமைச்சரவை பொறுப்பேற்றுள்ளது. எனினும் இந்த அரசுக்கு பெரும்பான்மையான மக்கள் ஆதரவு இல்லை என்பதே இன்று உள்ள நிலையாகும்.

கடந்த சில தேர்தல்களில் காங்கிரசு அரசு தோற்றுவருவதால் வரும் பாராளுமன்றத் தேர்தலில் காங்கிரசு அரசு தோல்வியை சந்திக்கும் என்ற நிலை ஏற்படும் என்று எதிர்பார்க்கலாம்.

அ.இ.அ.தி.மு.க வின் மாநில அமைப்பாளர் அன்பழகன் சென்ற ஆட்சியில் கிடைத்த நன்மைகள் இந்த ஆட்சியில் கிடைக்கப்போவதில்லை என்று புதிதாக பெறுப்பேற்றுள்ள வைத்திலிங்கம் அரசு பற்றி கருத்து தெரிவித்துள்ளார். ரெங்கசாமி, வைத்தியலிங்கம் தலைமையிலான ஒரே காங்கிரசு அரசு என்றாலும் வைத்திலிங்கம் அரசு மீது பலர் அதிருப்தி தெரிவிக்கின்றனர்.

கூட்டணியில் உள்ள தி.மு.க முன்னாள் முதல்வர் ந. ரெங்கசாமிக்கே தனது ஆதரவை தெரிவித்திருந்தது. ஆனால், வைத்திலிங்கம் அரசுக்கு தனது ஆதரவை முழுமனதோடு தெரிவிக்க வில்லை என்றே தெரிகிறது. மத்திய அரசில் அங்கம் வகிப்பதாலும் தி.மு.க தலைமைக்கு கட்டுப்பட்டே அவர்கள் அமைதியாக இருப்பதாகவும் தெரிகிறது.

அதேபோல ரெங்கசாமி வன்னியர் இனத்தை சார்ந்தவர் என்பதால் பா.ம.க கட்சியும் ரெங்கசாமிக்கு எதிராக வைத்திலிங்கம் அரசுக்கு மனப் பூர்வமான ஆதரவை வழங்கவில்லை , மத்தியில் கூட்டணி ஆட்சியில் அங்கம் வகிப்பதால் அக்கட்சியும் வேறு வழி இல்லாமல் வைத்தியலிங்கம் அரசுக்கு ஆதரவு வழங்கியுள்ளது என்றே தெரிகிறது.

அதேபோல சிபிஅய் கட்சியும் வைத்தியலிங்கம் அரசுக்கு ஆதரவு வழங்கவில்லை. இக்கட்சி மறைமுகமாக முன்னாள் முதல்வர் ரெங்கசாமிக்கே தனது ஆதரவை அளித்து வந்தது. ஆனால், தற்போது அமைந்துள்ள புதிய அரசு பற்றியும் ஒரு அதிருப்தியை அக்கட்சி வெளியிட்டுள்ளது.

மொத்தம் 30 சட்ட மன்ற உறுப்பினர்களை கொண்ட புதுச்சேரி சட்டப் பேரவையில் மொத்தமாக 10 உறுப்பினர்கள் மட்டுமே காங்கிரசு கட்சியில் உள்ளனர். இந்நிலையில் கூட்டணி கட்சியின் ஆதரவுடன் ஆட்சி அமைதுள்ள காங்கிரசு கட்சி எதிர்கட்சிகளை கடுமையாக சாடியுள்ளது.

கூட்டணி கட்சியின் ஆதரவு சம்பிரயப்பூர்வமானதே தவிர மனப்பூர்வ மானதாக காங்கிரசின் வைத்திலிங்கம் அரசுக்கு இல்லை என்பதால் "காங்கிரசு கட்சியின் மத்திய அமைச்சரும் புதுச்சேரி மாநிலங்கள் அவை உறுப்பினரான நாரயணசாமி" எதிர்கட்சிகளை எதிரி கட்சிகளாக நினைக்க வேண்டும் என்று கூறியுள்ளார்.

புதுச்சேரி காங்கிரசு கட்சி தலைவர் எ.வி. சுப்ரமணியன் எதிர்கட்சிகள் இனிமேல் காட்டு தர்பார் நடத்த முடியாது என்று கூறியுள்ளார். இனிமேல் என்று சொல்வதன் காரணம் ஏற்கனவே தமிழக முதல்வர் கருணாநிதியின் ஆதரவு மற்றும் பாட்டாளி மக்கள் கட்சியின் இராமதாசுவின் ஆதரவு ரெங்கசாமிக்கு இருந்ததால் புதிய ஆட்சி மாற்றத்திற்கு போதிய ஆதரவு இல்லாமல் இருந்ததால் ஆட்சி அமைத்துவிட்டோம் என்ற தைரியத்தில் "எதிர்கட்சிகள் இனிமேல் காட்டு தர்பார் நடத்த முடியாது" என்று கூறியுள்ளார்.

காங்கிரசு கட்சியின் உறுப்பினர்களின் ஆதரவை இழந்த முன்னாள் முதல்வர் ரெங்கசாமி உண்மையில் முழுமையான ஆதரவை இழந்தவர் இல்லை. எதிர்கட்சிகளின் ஆதரவு எப்போதும் போல இப்போது உள்ளதை அறிந்து கொள்ள முடிகிறது.

ஆனால் ரெங்கசாமி ஆட்சியை இழந்ததற்கான காரணம் அவரைத்தவிர வேறு யாரையும் சொல்வதற்கில்லை. எல்லா விசயங்களிலும் அளவு கடந்த பொருமை இவரின் ஆட்சிக்கு எதிராக இருந்துள்ளது.

செய்தி ஆதாரங்கள் நன்றி: தினமலர்

பிளாகர் தளம் தமிழில் வந்துவிட்டது

2008-08-20T15:40:00.011+05:30

தமிழில் பிளாகர்ஸ் தளம் வந்துவிட்டது. இன்று காலை நான் கூகுல் தளம் பார்த்தபோது Google.co.in offered in: Hindi Bengali Telugu Marathi Tamil என தெரிந்தது, ஏற்கனவே இந்தி, பெங்காலி, தெலுங்கு, மராத்தி, தமிழ் ஆகிய 5 மொழிகளை மட்டுமே கூகுல் இந்தியாவில் இந்திய மொழிகள் வழங்கப்பட்டிருந்தது.

ஆனால் இன்று மாலை நான் பார்த்தபோது Google.co.in offered in: Hindi Bengali Telugu Marathi Tamil Gujarati Kannada Malayalam Punjabi என இருந்தது, கூடுதலாக குஜராத்தி, கன்னடம், மலையாளம் பஞ்சாபி ஆகிய நான்கு மொழிகளில் புதிதாக சேவை வழங்கப்பட்டிருந்தது.

பிளாகர்ஸ் ட்ராப்டில் தமிழுக்கான வசதி புதிதாக கொடுக்கப்பட்டுள்ளது, தேவையானோர்கள் இந்த தளத்திற்கு செல்ல http://draft.blogger.com/ முகவரிக்கு சென்று உள்ளே செல்ல வேண்டும். . பின்னர் மொழி பகுதியில் தமிழ்மொழியை தேர்வு செய்தால் உங்கள் பிளாக் தளத்தின் கட்டுப்பாட்டு பகுதி முற்றிலும் தமிழாக மாறிவிடும்.

தமிழ் மொழி தேர்வு செய்தால் அதன்பின் வரும் பின்னூட்டங்களின் மின்னஞ்சல்கள் வரும்போது மின்னஞ்சலின் தலைப்பில் எழுத்துறுக்கள் சரியாக வரவில்லை, வரைவு பிளாகர் என்பது சோதனை அடிப்படையில் இப்போது வெளியிடப்பட்டுள்ளதால் முழுமையான சரிசெய்யப்பட்ட அளவில் இது பிளாகர் தளத்தில் வெளியிடப்படும் என்று கருதலாம்.

முயற்சியுங்கள், தமிழை பயன்படுத்துங்கள் தமிழராகிய நீங்கள் தமிழை பயன்படுத்தாமல் ஆங்கிலம் பயன்படுத்தினால் யார் தமிழை பயன்படுத்துவது?

அதனால் இப்போதே தமிழுக்கு மாறுங்கள்,

அமெரிக்க மோகன் சிங்கின் வெற்றி - பண நாயகத்திற்கு கிடைத்த வெற்றி

2008-07-23T22:13:00.003+05:30

அமெரிக்க மோகன் சிங் பாராளுமன்றத்தில் நம்பிக்கை வாக்கு கோரி அதில் வெற்றியும் பெற்றுவிட்டார். இது இந்திய பணநாயகம் எவ்வளவு பலமானது என்பதை நமக்கு வலியுறுத்தி உணர்த்தியுள்ளது.

வெற்றி பெறுவதற்கு காங்கிரசு அரசு கொட்டிக்கொடுத்த கத்தை கத்தையாகப்பணம் வாக்குமாறி போடுதல், வாக்களிக்க வராமால் இருத்தல், பாராளுமன்றத்திற்கே வராமல் இருத்தல் ஆகியவற்றுக்கு கொடுக்கப்பட்டுள்ளது. இந்த பணமெல்லாம் எங்கிருந்து வந்தது? இவையேல்லாம் மக்கள் வரிப்பணத்தில் திருடியவை தான்.............. இவ்வாறு கொடுக்கப்பட்ட பணத்தை இந்திய பாராளுமன்றத்தில் சபாநாயகரிடம் கொடுக்கப்பட்டள்ளது. இவர் நடவடிக்கை எடுக்கப்போராராம், ............................... இவரே பதவிவிட்டு விலகத்தயாரில்ல! அவுங்க மேல இவரு நடவடிக்கை எடுக்கப்போராராம்?.................. நீங்க நம்பித்தான் ஆகனும்...........................

இதுக்கு பேருதான் இந்திய பணநாயகத்தின் வெற்றி.

ஆட்சியே போனாலும் பரவாயில்லை, ஆனால் அமெரிக்க எசமானுக்கு சேவை புரிவதில் மட்டும் அமெரிக்க மோகன் சிங் தயங்கியதில்லை. இந்த மோகன்சிங்குக்கு இந்தியாவைவிட அமெரிக்கதான் தேவை. அப்படி என்ன ஆட்சியை விட அமெரிக்க ஒப்பந்தம் தான் முக்கியமா? என்றால் ஆம், எசமான் சொல்வதை ஏவல் சிங் செய்து தான் ஆகவேண்டும்.

இவருக்குத் தெரியும் அடுத்த தேர்தலில் வெற்றி பெறப்போவதில்லை என்று அதனால் தான் இவ்வளவு அவசரம் காட்டினார். ஆட்சி போனாலும் பரவாயில்லை அணு ஒப்பந்தந்தத்தை நிறைவேற்று என அமெரிக்க மோகன் சிங்கிற்கு எசமான் அமெரிக்கா உத்தரவை ஏற்று இந்த நாடகம் முடிந்துள்ளது.

இந்தியாவிற்கு உடனடியாக ஒரு அடிமை சாசனம் எழுத அதரவாக 275 நாடாளுமன்ற உறுப்பினர்கள் வாக்களித்திருந்தனர். எதிராக 256 பேர் எதிர்த்து வாக்களித்திருந்தனர்.

புதுச்சேரி வலைப்பதிவர் சிறகம் நடத்தும் இணையத்தில் தமிழ் வளர்ச்சியும் பயன்பாடும் கருத்தரங்கம் - சுவரொட்டி

2008-06-14T23:30:00.006+05:30

புதுச்சேரி வலைப்பதிவர் சிறகம் நடத்தும் இணையத்தில் தமிழ் வளர்ச்சியும் அதன் பயன்பாடும் கருத்தரங்கம் இன்று மாலை 5.30 மணியளவில் தொடங்க இருக்கிறது.

நிகழ்ச்சி இடம் புதுச்சேரி பேருந்து நிலையதிலிருந்து சுமார் அரை கிலோமீட்டர் தொலைவில் உள்ளது, புதுச்சேரி அண்ணாசிலை அருகில் உள்ள கம்பன் கலை அரங்கம் அருகில் ரூபாய் 2.50 கொடுத்து டெம்போவில் வந்து இரங்கலாம், அருகில் உள்ள பெட்ரோல் வங்கியை ஒட்டிய வழியாக நடந்தால் சுமார் 120 அடி நடந்தால் கிழக்கு நோக்கி செல்லும் வீதி கந்தப்பா வீதி இடதுபுறமாக இரண்டாவது கட்டிடம் "ஓட்டல் லீ ஹெரிட்டேஜ்" அனைவரும் வருக.

(சுவரொட்டியில் திருவள்ளுவர் படம் சரியாக இல்லை, எனவே திருவள்ளுவர் படம் "போட்டோ சாப் வேலைப்பாடு")