தேவதாசி முறையை ஆதரித்து

தேவதாசி முறையை ஆதரித்து ஒரு பதிவு வெளிவந்துள்ளது ஆனால், அந்த பதிவுக்கு நான் அளித்த பதிலை அவரால் வெளியிட முடியாது என நான் கருதுகிறேன். அதனால் அந்த தகவலை நாம் இங்கு பதிவு செய்ய வேண்டும் என்பதால் அதனை பதிவு செய்யக் கடமைப்பட்டுள்ளேன்.

அந்த பதிவில் எழுதப்பட்டுள்ள வாசகம் பின்வருமாறு:

////இதெல்லாம் தெரியாத இராமசாமி நாயக்கன் 'உங்காத்து பெண்களை ஏன் தேவதாசி ஆக்கக்கூடாது?' என்ற குதர்க்கமான கேள்வி கேட்டு வழிவழிவந்த அந்த புனிதமான இறைவன் சேவையை நிறுத்திவிட்டார்.

அதன் விளைவு? சுத்தமில்லாத பெண்களுடன் செல்ல வேண்டிய நிலைக்கு ஆளாகி வேண்டாத வியாதிகளான கொனேரிய, சிலிபஸ் மற்றும் உயிர்கொல்லி நோயான எஸ்ட்ஸுக்கும் எல்லா சாதியினரும் பலியாக வேண்டி இருக்கிறது. பொதுவில் பார்த்து வந்த நிர்வாண நடனங்களை இப்பொழுது சிடி போட்டு மறைவாக பார்க்கும் இழிநிலைக்கு தள்ளப்பட்டு விட்டோம்.////

முழுமையாகப் படிக்க இங்கே இணைக்கப்பட்டுள்ள இந்த தளத்தை தேவதாசியை ஒழித்ததால் எய்ட்ஸ் அதிகரித்தது படிக்கவும்.

தேவதாசி முறை மிகவும் புனிதமானது என்றும் அதனை தந்தைப் பெரியார் குதற்கம் பேசி நிறுத்திவிட்டதாக அந்த நண்பர் வருத்தப்படுகிறார். சுத்தமானவர்கள் அந்த தொழிலை தொடர்வதில் நமக்கு ஏதும் மறுப்பில்லை. இங்கே இதுபற்றிய முந்தய சம்பவம் ஒன்றை கீழே தருகிறேன்.

தேவதாசியை அகற்றும் தன்மையில் சென்னை மாகாணச் சட்ட மேலவையில் 02-02-1929 ஆம் ஆண்டு தேவதாசி ஒழிப்பு மசோதாவை முத்துலட்சுமி அம்மையார் கொண்டு வந்தார் இதனை பல பழமை வாதிகள் எதிர்த்தனர் காங்கிரசு சுயராச்சிய கட்சியின் சத்திய மூர்த்தி அய்யர் இதனை மிக கடுமையாக எதிர்த்தார்.

தேவதாசி முறை நம்மால் உருவாக்கப் பட்டதல்ல அது நீண்ட காலத்துக்கு முன்னர் நம் முன்னோர்களால் உருவாக்கப் பட்டது இன்றைய சமூகத்துக்கும் அது தேவைப்படுகிறது இவர்கள் கோவில்களில் தொண்டு செய்வதற்காக சாஸ்திரப்படி அமர்த்தப்பட்டவர்கள் தேவதாசி முறையை அகற்றிவிட்டால் அது கடவுளுக்கு எதிரான செயல் எனவே இந்த மசோதா முறைகேடானது என உரக்கப் பேசினார்.

பெண்ணுலகை இழிவு படுத்தும் இந்த கருத்தை எதிர்த்து முத்துலட்சுமி ரெட்டி சட்ட மன்ற மேலவையில் பின்வருமாறு பேசினார்.
" எங்கள் சமூகத்தைச் சார்ந்த பெண்கள் கடவுள்களுக்குத் தேவதாசிகளாகத் தொண்டு செய்வதை நீண்டகாலமாக செய்து விட்டோம். அப்படிப்பட்ட புனிதமானதும் கடவுளுக்கு உரியதுமான தொண்டினை இனிமேல் சத்தியமூர்த்தி அய்யர் அவர்களின் வகுப்பைச் சார்ந்த பெண்கள் செய்யட்டும்" என்று பளீரென்று பேசினார்.'

அதன் பின் இனிமேல் அந்த தொழிலைப் பார்ப்பனர்கள் தொடர்ந்தால் நாங்கள் ஆட்சேபிக்க வில்லை என்று சொன்னவுடன் தான் அவர்களுக்கு புரிந்தது ஆனால், இங்கு பலருக்கு அது புரியவில்லை.

அதனால், நானும் தான் கேட்கிறேன். தேவதாசித் தொழில் செய்வதற்கு  எத்தனைப் பார்ப்பனத்திகள் தயார் என்று?.

பந்த் - கேள்வியும் பதிலும்

மக்கள் ஆட்சி தான் இங்கு நடக்கிறது, உலகின் மிகப் பெரிய சனநாயக நாடு என்று சொல்லப்படும் இந்த நாட்டில் மக்கள் பிரதிநிதிகள் சட்ட ரீதியாக இயற்றிய சட்டத்தை ஒரு நீதி மன்றம் தடை செய்கிறது.

இது இந்திய நிலைமை நிறுவனமாகிக் கிடக்கிறது என்பதையே இது காட்டுகிறது. இந்த நிறுவனமயம் என்பது ஒரு அபாயமான நிகழ்வாகும்.

நிறுவனமாக்கப்பட்ட நிலையில் இது மக்கள் ஆட்சி என்றும் மக்கள் தான் தீர்மான சக்தி என்பது போல பேசப்படுவது ஒரு மிகப்பெரிய பொய்யுரையாகும்.

இது சனநாயகம் மக்கள் சனநாயகம் இல்லை. இது போலி சனநாயகம் என்பதை நமக்கு மீண்டும் மீண்டும் நமக்கு நினைவுபடுத்துகிறது இந்த நிகழ்வுகள்.

மக்களே புரிந்து கொள்ளுங்கள்!

மக்கள் பிரதிநிதிகளுக்கும் மக்களுக்கும் அதிகாரம் இல்லாத இந்த சனநாயகம் உலகின் மிகப்பெரிய போலி சனநாயகம் என்பதை புரிந்து கொள்ளுங்கள்!.

************

நண்பர் சிந்தாநதி அவர்கள் பதிவில் நான் அளித்த பதிலும் அவரது கேள்வியும் இதில் கொடுத்துள்ளேன்.

சிந்தாநதி அவர்களின் கேள்வி சிவப்பு நிறத்திலும் எனது பதில் தடித்த எழுத்திலும் உள்ளது.

இது குறித்து நண்பர்களின் கருத்தை பதிவு செய்ய வேண்டுகிறேன்.

1.இந்த மாதிரி பந்த் களை ஊக்குவிப்பது குறித்து எனக்கு உடன்பாடில்லை.//

உங்களுக்கு உடன்பாடா இல்லையா என்று கேட்டபின் வேலை நிறுத்தம் அறிவிக்க முடியாது.

பெரும்பான்மை மக்கள் மீது அக்கரை இல்லாதவர்களுக்கு உடன்பாடு இல்லாமல் இருப்பதில் ஆச்சரியம் இல்லை.

//நீதிமன்ற தீர்ப்புக்கு எதிராக மக்களால் தேர்ந்தெடுக்கப் பட்ட அரசு இப்படி போராட்டம் பந்த் என்று செல்வது மிகப்பெரிய மூடத்தனம். //

அரசின் கொள்கைகளுக்கு எதிராக ஒரு நீதி மன்றம் தீர்ப்பு வழங்கினால் அரசு என்ன செய்ய இயலும்.

மாநில அரசுகள் இட ஒதுக்கீடு தொடர்பான புள்ளிவிவரங்களை வைத்துள்ளன. 1991 ஆம் ஆண்டு நீதிமன்றம் அளித்துள்ள தீர்ப்பின் படி எல்லா மாநில அரசுகளும் மக்கள் தொகை கணக்கெடுப்பு பிற்படுத்தப் பட்டோர் பற்றியை விவரம் சேகரிக்க வேண்டும் என்று நீதிமன்றம் தெரிவித்திருந்தது. அதன் அடிப்படையில் தான் இட ஒதுக்கீடு வழங்க வேண்டும் என்ற அடிப்படையில் மாநில அரசுகள் புள்ளிவிவரங்களை சேகரித்து வைத்துள்ளன.

ஆனால், சரியான விவரம் இல்லை என்று கூறி தடை அறிவித்திருப்பது தான் உணமையான முட்டாள் தனம். இல்லை இல்லை. பார்ப்பனியத்தனம்.

பாராளுமன்றத்தின் இரு அவைகளில் ஒப்புதல் பெறப்பட்ட ஒரு சட்ட வடிவை இரு நீதிபதிகள் தடை செய்கிறார்கள் என்றால் அரசு அதற்கு கண்டனம் தெரிவிக்கிறது. எனவே அது சரி!..

அதற்கு உங்களைப்போன்றோரின் உடன்பாடு தேவையில்லை.
மக்களாட்சி என்று சொல்லப்படும் இந்த நாட்டில் மக்கள் பிரதிநிதிகள் எடுக்கும் முடிவுகளை மாற்றும் இந்த தீர்ப்புதான் பெரும்பான்மை மக்களுக்கு உடன்பாடில்லாதது.


உங்களைப் போன்றோர் இப்படி எழுதுவதும் தான் பலருக்கு உடன்பாடில்லாதது.


//இப்படி ரோட்டுக்கு வந்து போராட்டம் செய்வது அதனினும் மூடத்தனம்.//

இப்படி அமைதியாக போராட்டம் நடத்த்க்கூடாது தான்.
காலம் காலமாக இப்படி பெரும்பான்மை மக்களுக்கு எதிராக தீர்ப்பு வழங்குபவர்களுக்கு எதிராக அமைதிப் போராட்டத்தை நானும் கண்டிக்கிறேன்.

இந்த போராட்டத்தால் அவர்கள் திருந்தபோவதில்லை. அவர்கள் திருந்துகிற மாதிரியான போராட்டம் நடத்தப் படவேண்டும்.
கூறுவது: இரா. சுகுமாரன் Saturday, 31 March 2007

2. அதுக்காக ஒரு அரசாங்கமே அடைப்பு நடத்தலாமோ?
அப்ப அரசியல் கட்சிகளும் தங்கத் தலைவ/வி கள் கைதுகளுக்கு பந்தும் மறியலும் நடத்துவதை ஆதரிக்கலாமா? ஒட்டு மொத்தமாக பந்த்/அடைப்பு தவிர்க்கப் பட வேண்டும் கவன ஈர்ப்பு/ சிந்திக்க வைக்க மக்களுக்கு அடையூறு தராத புதிய வழியை கண்டு பிடிக்க வேண்டும்...
இல்லா விட்டால் அவர்கள் பஸ்ஸை கொளுத்து என்று யாராவது கொளுத்துவதில் வந்து முடியும்...
கூறுவது: ☆ சிந்தாநதி Saturday, 31 March 2007

3. //உங்களுக்கு உடன்பாடா இல்லையா என்று கேட்டபின் வேலை நிறுத்தம் அறிவிக்க முடியாது.
பெரும்பான்மை மக்கள் மீது அக்கரை இல்லாதவர்களுக்கு உடன்பாடு இல்லாமல் இருப்பதில் ஆச்சரியம் இல்லை.//
நிச்சயமாக முடியாது. அது என் கருத்து அவ்வளவுதான். மறுப்புக் கருத்து கூற உங்களுக்கு உரிமை உண்டு.
ஆனால் பெரும்பான்மை மக்கள் என்று கூறி பிஜேபித்தனமான பதில் உங்களிடமிருந்து வந்திருப்பதுதான் எனக்கு ஆச்சரியமளிக்கிறது.
கூறுவது: ☆ சிந்தாநதி Saturday, 31 March 2007

4. நீதிபதிகள் தங்கள் சொந்தக் கருத்தை தீர்ப்பாக வழங்க முடியாது. அவர்கள் நீதிமன்ற விவாதங்களின் வழியில்தான் தீர்ப்பு வழங்க முடியும்.
//பாராளுமன்றத்தின் இரு அவைகளில் ஒப்புதல் பெறப்பட்ட ஒரு சட்ட வடிவை இரு நீதிபதிகள் தடை செய்கிறார்கள் //

அப்படி ஒரு முட்டாள் தனத்தை எந்த நீதிபதியும் செய்யமுடியாது. இதில் இந்திய அரசியல் சட்டப்படி அனுமதிக்கப்பட்டு பிறரால் தொடுக்கப் பட்ட வழக்கின் விசாரணையில்தான் இந்த தீர்ப்பே தவிர அவர்களின் சொந்த விருப்பப்படி கொடுத்த தீர்ப்பு அல்ல.
கூறுவது: ☆ சிந்தாநதி Saturday, 31 March 2007

5. //அதுக்காக ஒரு அரசாங்கமே அடைப்பு நடத்தலாமோ?//
அரசு தன் கொள்கைகளுக்கு எதிராக உள்ள செயலை கண்டித்து பெரும்பான்மை மக்கள் நலனுக்கு ஆதரவாக பந்து நடதுவதில் தவறில்லை.

//அப்ப அரசியல் கட்சிகளும் தங்கத் தலைவ/வி கள் கைதுகளுக்கு பந்தும் மறியலும் நடத்துவதை ஆதரிக்கலாமா? ஒட்டு மொத்தமாக பந்த்/அடைப்பு தவிர்க்கப் பட வேண்டும் கவன ஈர்ப்பு/ சிந்திக்க வைக்க மக்களுக்கு அடையூறு தராத புதிய வழியை கண்டு பிடிக்க வேண்டும்...
இல்லா விட்டால் அவர்கள் பஸ்ஸை கொளுத்து என்று யாராவது கொளுத்துவதில் வந்து முடியும்...//

தங்கத்தலைவி கொள்ளை அடித்ததற்கான தீர்ப்பில் செயலலிதான் போன்றத் தனிநபரை காப்பாற்றுவதற்காக இப்படி போராட்டம் நடத்தினால் தவறு. இது செயலலிதா போன்றோரின் தனிப்பட்ட பிரச்சனை இல்லை இது. மக்களின் பிரச்சனையாக இருப்பதால் இப்படி போராட்டம் நடத்துவது சரியான நடவடிக்கைதான்.

பந்த் என்ற பெயரில் பேருந்தை கொளுத்துவது தவறு. அப்படி ஏதும் இந்த போராட்டத்தில் நடக்கப் போவதில்லை. செயல்லிதா கட்சியினர் வேண்டுமானால் அப்படி எதாவது செய்துவிட்டு சிலநாட்கள் வேலையற்றத்தனமாக அறிக்கை விட்டுக் கொண்டிருக்க்லாம்
தர்மபுரி போருந்து எரிப்பு என்பது தங்கத்தலைவியிடம் நல்ல பெயர் வாங்க இப்படி அப்பாவி மாணவிகளை எரித்தார்கள் இத்தகைய போராட்டம் கண்டிக்கத்தக்கது தான்.


போராட்டம் என்றால் எல்லாம் ஒன்று தான் என்று பார்க்கும் உங்கள் பார்வை தவறானது.

கூறுவது: இரா. சுகுமாரன் Saturday, 31 March 2007


6. மன்னிக்கவும் நண்பர் சுகுமாரன்
ஜெயல்லிதா விவகாரத்தில் பஸ்கொளுத்தப் பட்டதில் மாணவிகளை உயிரோடு எரிந்தார்கள். ஆனால் அதற்கு முன்பும் பின்பும் பஸ்கள் எரிக்கப் பட்டுள்ளன. உயிர்ப்பலி இல்லை என்பதற்காகவே அவை சரியென்று சொல்ல முடியுமா?

மேலும் இது மாணவர்கள் தொடர்புடைய விஷயம். இதில் வன்முறை நிகழாது என்று எந்த உத்தரவாதமும் இல்லை. அரசு போராட்டம் அறிவித்து பரத்த பாதுகாப்பையும் உறுதி செய்து வெற்றிகரமாக நடத்திக் காட்டலாம். அதன் பலன் என்ன?

வருங்கால தலைமுறைக்கு இப்படி ஒரு முட்டாள்தனமான போராட்டங்களை வழிகாட்டியாக விட்டுச் செல்லாமல் இருப்பது சிறந்தது.
மற்றபடி இட ஒதுக்கீடு சட்டமாகி அது நடைமுறைப் படுத்தப்பட வேண்டும் என்பதில் எனக்கும் தீவிர விருப்பம் உண்டு.
கூறுவது: ☆ சிந்தாநதி Saturday, 31 March 2007


7. +11111111111111111111111111111111111111111111111111111111111111111111111111111111111111111111111111111111111 ;-)
கூறுவது: பெனாத்தல் சுரேஷ் Saturday, 31 March 2007

8. //நீதிபதிகள் தங்கள் சொந்தக் கருத்தை தீர்ப்பாக வழங்க முடியாது. அவர்கள் நீதிமன்ற விவாதங்களின் வழியில்தான் தீர்ப்பு வழங்க முடியும். //

அய்யா,
சமீபத்தில் சென்னை மாநகராட்சித் தேர்தல் தொடர்பான தீர்ப்பு ஒன்று வந்தது.
ஒருவர் சொன்னார் மறு தேர்தல் நடத்தத் தேவையில்லை என்று சொன்னார்.


மற்றொருவர் மறு தேர்தல் நடத்தப் படவேண்டும் என்று சொன்னார்.

அப்படியானால் இரு நீதிபதிகளில் யார் தீர்ப்பு சரியானது?.

இட ஒதுக்கீடு தொடர்பாக 9 நீதிபதிகள் அடங்கியத்தீர்ப்பு உயர்கல்வியில் இடஒதுக்கீடு வழங்குவது சரி என்று தீர்ப்பளித்தார்கள்.

ஆனால்,
இரண்டு நீதிபதிகள் அதனை தடை செய்தார்கள்
அப்படியானால் எது சரி?

உச்ச நீதிமன்ற தலைமை நீதிபதி நீதிமன்றத் தீர்ப்புகளில் ஊழல்கள் இருப்பது உண்மைதான் என்று தெரிவித்துள்ளார். எனவே,
தீர்ப்புகள் நியாயமாக வழங்கப்படுவதில்லை என்பதே நீதிமன்றத்தலைமை நீதிபதியின் கூற்று என்பதை மறக்க வேண்டாம்.

சமீபத்தில் வழக்குறைஞர் பா. வே. பக்தவச்சலம் தொலைக்காட்சி பேட்டி ஒன்றில் குறிப்பிட்டார். நீதியைத் தேடி தயவு செய்து நீதிமன்றத்திற்கு வாராதீர்கள் என்று சொன்னார். இது எதைக்குறிக்கிறது?.
நீதிமன்றங்கள் அநீதிமன்றங்கள் அநீதி மன்றங்களாக உள்ளன என்பதைத்தான் மேலே உள்ள தகவல்கள் நமக்குச் சொல்லும் தகவல்களாகும்.
நீதிமன்றத் தீர்ப்புகளே பல நேரங்களில் கோளாரான தீர்ப்புகளை வழங்கியுள்ளன. என்பதற்கு பல உதாரணங்கள் உண்டு.

////பாராளுமன்றத்தின் இரு அவைகளில் ஒப்புதல் பெறப்பட்ட ஒரு சட்ட வடிவை இரு நீதிபதிகள் தடை செய்கிறார்கள். // //

//அப்படி ஒரு முட்டாள் தனத்தை எந்த நீதிபதியும் செய்யமுடியாது. இதில் இந்திய அரசியல் சட்டப்படி அனுமதிக்கப்பட்டு பிறரால் தொடுக்கப் பட்ட வழக்கின் விசாரணையில்தான் இந்த தீர்ப்பே தவிர அவர்களின் சொந்த விருப்பப்படி கொடுத்த தீர்ப்பு அல்ல.//

எந்த நீதிபதி என்ன நினனக்கிறோ அது தான் தீர்ப்பாக் பெரும்பாலும் இருக்கிறது.

அப்படி இல்லை எனில் கீழ் நீதிமன்ற வழங்கிய அதே வழக்கில் மேல் நீதிமன்ற மற்று மொரு தீர்ப்பு வழங்க வேண்டியதில்லையே!

மேலே சொனத்தீர்ப்பு தொடுக்கப் பட்ட வழக்கில் வழங்கப் பட்ட கோளாரான தீர்ப்பு. எந்த தீர்ப்பு சரி! என்பதை அறிந்துகொள்ளுங்கள்.
கூறுவது: இரா. சுகுமாரன் Saturday, 31 March 2007

9. நீதித்துறையிலும் ஊழல் இருப்பதை ஏற்கத்தான் வேண்டியிருக்கிறது. ஆனாலும் இம்மாதிரி வழக்குகளில் லஞ்சம் என்று கூற முடியுமா?

இரு நீதிபதிகளும் வெவ்வேறாக தீர்ப்பளித்தது என்பதும் ஆச்சரியப்பட ஒன்றும் இல்லை. சில நுட்பமான சட்டவிதிகளில் உள்ள வழக்கமான ஓட்டைகள் குறித்த வியாக்கினங்களை இரு நீதிபதிகளும் வேறுவேறாக அறிந்து வைத்திருந்தது கூட காரணமாகியிருக்கலாம்.
கீழ்நீதிமன்றங்களில் ஏற்படும் இதுபோன்ற தவறுகளை சீர் செய்ய வேண்டியே அப்பீல் போன்றவை...


அதேசமயம் இப்படி போராட்டம் நடத்துவதால் அவர்கள் தங்கள் தீர்ப்பை திருத்திவிடப் போகிறார்களா?

கூறுவது: ☆ சிந்தாநதி Saturday, 31 March 2007

10. //நீதித்துறையிலும் ஊழல் இருப்பதை ஏற்கத்தான் வேண்டியிருக்கிறது. ஆனாலும் இம்மாதிரி வழக்குகளில் லஞ்சம் என்று கூற முடியுமா?//

இந்த் மாதிரித் தீர்ப்புகளில் பார்பனியம் தான் மேலோங்கியுள்ளது.
இதில் ஏதும் நுட்பம் இல்லை.

உயிரோடு இருப்பவனை கொண்றதாக கூறி தண்டனை பெற்றப் பின் நீதிமன்றத்தில் கொலையானவர் நேரில் வந்ததெல்லாம் வரலாறு.
இதில் என்ன நுட்பம் உள்ளது. ஒழுங்காக விசாரிக்க வில்லை என்பதைத் தவிர!.


காசு கொடுப்பவனுக்கு ஆதரவாக எவனையாவது பிடித்துப் போட்டு குற்றவளியாக தீர்ப்பு எழுத வேண்டியது தான்.
அது போகட்டும்!

இந்த நீதி மன்ற ஒழுக்க கேடானது என்பதை நிரூபிக்கவே இலஞ்சம் கொடுத்து இந்திய குடியரசு தலைவரையே கைது செய்ய நீதிமன்றத்தில் ஆணை பெற்றேன் என்றார் ஒரு வட இந்தியர்.

இந்தகையத் தீர்ப்பில் என்ன சட்ட நுணுக்கம் உள்ளது என்று சொல்ல முடியுமா? .

இந்த் தீர்ப்பு வழங்கப்பட்டது முழுக்க முழுக்க இலஞ்சம் தான்.
அய்யா நீதிமன்றமே பிராடு அதற்கு சட்டம் நுணுக்கம் என்று சொல்லி வக்காலாத்து வாங்க வேண்டாம்.

அதெல்லாம் ஒரு பொடலங்காயும் இல்ல...................!

திருட்டுத்தனம் அயோக்கியத்தனம் இப்போது நீதிமன்றத்திலும் நிறைந்து கிடக்கிறது.

கூறுவது: இரா. சுகுமாரன் Saturday, 31 March 2007


11. //திருட்டுத்தனம் அயோக்கியத்தனம் இப்போது நீதிமன்றத்திலும் நிறைந்து கிடக்கிறது.//

நீதிபதியாக நியமனம் பெற அரசியல்வாதிகளின் சிபாரிசு இன்று தேவைப்படுகிறது. நடுநிலையான வழக்கறிஞர்களுக்கு பதிலாக கட்சிகளில் முக்கியத்துவம் பெற்றிருந்தவர்களுக்கே நீதிபதி பதவி கிடைக்கிறது. இவையெல்லாம் நீங்கள் கூறும் குறைபாடுகளுக்கு காரணம் தான்.
கூறுவது: ☆ சிந்தாநதி Saturday, 31 March 2007

12. //அதேசமயம் இப்படி போராட்டம் நடத்துவதால் அவர்கள் தங்கள் தீர்ப்பை திருத்திவிடப் போகிறார்களா?//

இராசாசி குலக்கல்வி திட்டத்தை கொண்டு வந்த போது பெரியார் சொன்னார், ஒரு டின்னுல மண்ணெண்ணையும், தீப்பெட்டியும் தாயாராக வைத்துக் கொள்ளுங்கள் நான் என்றைக்கு சொல்கிறேனே அன்றைக்கு அக்கிரகாரத்தை போட்டு கொளுத்துங்கள் என்று பெரியார் சொன்னாராம்.

அப்படி ஏதேனும் செய்தால் தான் திருந்துவார்களோ தெரியவில்லை.
கூறுவது: இரா. சுகுமாரன் Saturday, 31 March 2007

13. இரா.சுகுமாரன் ஐயா,
ந(க்க)ல்லா 'அடிச்சு' ஆடுறிங்க !
பாராட்டுக்கள் !
கூறுவது: கோவி.கண்ணன் Saturday, 31 March 2007

14. நன்றி கோவிக்கண்ணன் அய்யா!
கூறுவது: இரா. சுகுமாரன் Saturday, 31 March 2007

15. சிந்தாநதி பதில் ஏதும் அளிக்கமையால்
வேலை நிறுத்தம் சரியானதே என்று சொல்லி
இறுதி தீர்ப்பு வழங்குகிறேன்
அனைவருக்கும் நன்றி
இரா. சுகுமாரன்
கூறுவது: இரா. சுகுமாரன் Saturday, 31 March 2007



16. ஐயா வேலை நிறுத்தம் சரியானது என்ற முடிவு எனக்கு இன்னும் ஏற்புடையதாக தோன்றவே இல்லை. ஆனால் தீர்ப்பு பற்றி நீங்கள் கூறிய சில விஷயங்கள் சிந்திக்க வைப்பதாக இருந்தன.

ஆனாலும் இத்தனை முக்கியத்துவம் வாய்ந்த ஒரு தீர்ப்பை வெறும் சொந்தவிருப்பு அடிப்படையிலோ, பிறரின் நிர்ப்பந்தத்தினாலோ, சார்பு நிலையிலோ வழங்க முடியும் என்று நினைக்க சற்று தயக்கமாகவே உள்ளது. அந்த தீர்ப்பு நகல்கள் சில நாட்களில் வெளியாகி சட்ட நிபுணர்களால் பொது அரங்குகளில் விவாதிக்கப் பட வாய்ப்பு உள்ளது. அப்போதுதான் இதுபற்றி சரியாக சொல்லமுடியும்.
கூறுவது: ☆ சிந்தாநதி Saturday, 31 March 2007

17. வியாபாரத்தை சட்டப்படியான மோசடி, அங்கீகரிக்கப் பட்ட திருட்டு என்று சொன்னார் ஒரு அறிஞர்.

******
அலகாபாத் நீதிமன்றம் காவல் துறை பற்றி ஒரு தீர்ப்பு ஒன்றை வழங்கி இருந்தது.

" சட்ட ரீதியாக ஒன்று திரட்டப் பட்ட மிகப் பெரிய சட்ட விரோத, சமூக விரோத ரவுடிக் கும்பல் போலிசு தான் என்று ஒரு தீர்ப்பை வழங்கி இருந்தது".

அதை எதிர்த்து அந்த மாநில அரசு காவல் துறையினர் மனரீதியாக பாதிக்கின்ற தீர்ப்பு இது, எனவே இந்த தீர்ப்பை மறு பரிசீலனை செய்யுங்கள் என்று மேல் முறையீடு செய்தது.
ஆனால், நீதிமன்றமோ இந்த தீர்ப்பு சரியானது தான், நன்றாக ஆய்வு செய்த பின்பே இந்த தீர்ப்பு வழங்கப்பட்டுள்ளது என்று கூறி மாநில அரசின் மேல் முறையீட்டு மனுவை தள்ளுபடி செய்துவிட்டது.

ஆனால், இந்த நீதிமன்ற அயோக்கியத்தனத்தைப் பற்றி கருத்துக் கூறவேண்டுமானால் நீதிமன்ற அவமதிப்பு அப்படி இப்படி என்று சொல்லி வெள்ளைக்காரன் காலத்து சட்டத்தை வைத்து ஏமாற்றி வருகிறார்கள் இவர்கள்.

போலீசு மீது தீர்ப்பு வழங்க இந்த நீதி மன்றத்திற்கு வாய்ப்பு இருந்தது. அதனால் இப்படி ஒரு தீர்ப்பை வழங்கியுள்ளது.

ஆனால், பெரும்பான்மை மக்களுக்கு நீதிமன்றங்கள் பற்றி கருத்துக்கூற வாய்ப்பில்லை, எனவேதான் அவர்களை இப்படி அமைதியான முறையில் வேலைநிறுத்தம் (பந்த்) என்ற முறையில் தமது எதிர்ப்பை தெரிவிக்கிறார்கள். அரசுக்கும் கூட இது தான் நிலையாக உள்ளது. அரசு கூட நீதிமன்றத்தை எதிர்த்து கருத்துக் கூறமுடிவதில்லை.

நன்றாக சிந்தித்துப் பார்த்தீர்களானால் தான் இது புரியும்.
புரிந்தும் புரியாதது போல் நடித்தால் அதற்கு நான் பொருப்பேற்க முடியாது.


//ஆனாலும் இத்தனை முக்கியத்துவம் வாய்ந்த ஒரு தீர்ப்பை வெறும் சொந்தவிருப்பு அடிப்படையிலோ, பிறரின் நிர்ப்பந்தத்தினாலோ, சார்பு நிலையிலோ வழங்க முடியும் என்று நினைக்க சற்று தயக்கமாகவே உள்ளது. அந்த தீர்ப்பு நகல்கள் சில நாட்களில் வெளியாகி சட்ட நிபுணர்களால் பொது அரங்குகளில் விவாதிக்கப் பட வாய்ப்பு உள்ளது. அப்போதுதான் இதுபற்றி சரியாக சொல்லமுடியும்."//


கைப்புண்ணுக்கு கண்ணாடி எதற்கு,
எல்லாம் வெட்ட வெளிச்சம் பின் எதற்கு அறிஞர்கள் அப்படி இப்படி என்று விளக்கம் சொல்ல வேண்டும்.

நதி நிந்தினால் தான் அது நதி.
இல்லையானல் அது வரட்சி நிலம்.
சிந்தியுங்கள்
பந்த் என்பது முட்டாள் தனமல்ல.
அரசுக்கும் கூட வேறு வழியில்லாமல் தான் இத்தகைய போராட்டத்தை கையில் எடுத்துள்ளது.

கூறுவது: இரா. சுகுமாரன் Saturday, 31 March 2007

18. சுகுமாரன் ஐயா,
தங்கள் பின்னூட்டங்களை தொகுத்து தனிப்பதிவாக இடுங்கள்
கூறுவது: கோவி.கண்ணன் Saturday, 31 March 2007
இப்பதிவு திரு கோவிக்கண்ணன் அவர்கள் விருப்பத்திற்கினங்கவே இங்கு பதிவாகியுள்ளது.
நண்பர் கோவிக்கண்ணன் அவர்களுக்கு நன்றி

தமிழக மீனவர்கள் படுகொலை: கண்டனப் பொதுக்கூட்டம்

புதுச்சேரியில் வரும் 08-03-2007 அன்று மாலை 5.00 மணியளவில் சுதேசி பஞ்சாலை எதிரில் நடைபெறுகிறது.

தோழர் தியாகு சிறப்புரையாற்றுகிறார்.
தோழர் லோகு அய்யப்பன் தலைமை வகிக்கிறார்.

------------------------------------

ஈழத்தமிழர்களையும் தமிழக மீனவர்களையும் கொன்று குவிக்க சிங்கள இனவெறி அரசுக்கு இராணுவ உதவியா?

இலங்கைக் கடற்படை இந்தியக் கடற்பரப்புக்குள் மீன்பிடித் தொழில் செய்து வரும் தமிழக மீனவர்களைச் சுட்டுப் படுகொலை செய்வது காலம் காலமாக நடந்து வருகிறது, தமிழகத்திலுள்ள பல்வேறு கட்சிகள் இதனைக் கண்டித்தும் தமிழக மீனவர்களின் மீதான இத்தாக்குதல் நின்றபாடில்லை. அண்மையில் கடந்த 15 நாட்களுக்கு முன் மீண்டும் சிங்கள இனவெறிக் கடற்படை தமிழக மீனவர்களைச் சுட்டுக் கொன்றுள்ளது. இதைத் தடுத்து நிறுத்த வேண்டிய மத்திய அரசு, கைகட்டி வேடிக்கைப் பார்க்கிறது.

14.02.2007: நாகப்பட்டிணம் அருகே நடுக்கடலில் மீன் பிடித்துக் கொண்டிருந்த தமிழக மீனவர்கள் மீது சிங்கள கடற்படை துப்பாக்கிச்சூடு நடத்தியுள்ளது, மீனவர்கள் பிடித்து வைத்திருந்த மீன்களைப் பறிமுதல் செய்துள்ளது, துப்பாக்கிச் சூட்டில் மீனவர்களின் படகுகள் சேதமடைந்து பல லட்ச ரூபாய் இழப்பு ஏற்பட்டுள்ளது.

16.02.2007: புதுக்கோட்டை அருகே அய்யம்பட்டினம் என்ற கிராமத்தைச் சேர்ந்த மீனவர்கள் இரண்டு படகுகளில் மீன்பிடிக்கச் சென்றுள்ளனர். அவர்களைச் சுற்றி வளைத்த சிங்கள கடற்படை மீனவர்களை கடுமையாகத் தாக்கியதோடு அவர்களின் வலைகள், படகுகளைச் சேதப்படுத்தியுள்ளனர். அவர்கள் பிடித்து வைத்திருந்த மீன்களையும் கொள்ளை அடித்துச் சென்றுள்ளனர்.

24.02.2007: இராமநாதபுரத்தைச் சேர்ந்த மீனவர்கள் நான்கு பேர் மீன் பிடித்துக் கொண்டிருந்த போது சிங்களக் கடற்படைச் சுட்டதில் அருள்தாசு என்பவர் பலத்த காயமடைந்துள்ளார், புதுக்கோட்டை மாவட்டம் கோட்டைப்பட்டினத்திற்கு அருகே மீன்பிடித்துக் கொண்டிருந்த போது இந்த தாக்குதல் நடந்துள்ளது. மேலும், அப்பகுதியில் மீன்பிடி தொழிலில் ஈடுபட்ட 10-க்கும் மேற்பட்ட படகுகளைச் சுட்டுத் துரத்தியுள்ளனர்.

26.02.2007: நாகை மாவட்டம் அக்கரைப்பேட்டையைச் சேர்ந்த மீனவர்கள் ஆறு பேர் நள்ளிரவு 2.00 மணியளவில் மீன்பிடித் தொழிலில் ஈடுபட்டிருந்த போது சிங்களக் கடற்படைச் சுற்றி வளைத்துச் சுட்டுள்ளனர். இதில் மீனவர்கள் கலியபெருமாள், அஜீசுகுமார் ஆகியோர் படுகாயமடைந்தனர். நாகை மருத்துவமனையில் சேர்க்கப்பட்ட கலியபெருமாள் சிகிச்சைப் பலன் அளிக்காமல் இறந்துபோனார்.


இவை தமிழக மீனவர்கள் மீது நடத்தப்பட்ட தாக்குதலுக்குச் சில சான்றுகள். இதுதவிர, அன்றாடம் மீனவர்கள் சிங்களக் கடற்படையின் தாக்குதலைச் சந்தித்து வருகின்றனர். கடலையே நம்பி வாழும் மீனவர்கள் உயிர் அச்சத்துடன் மீன்பிடித் தொழிலில் ஈடுபட்டு வருகின்றனர். இதுபற்றி இந்திய அரசும், தமிழக அரசும் கண்டும் காணாமல் இருப்பது கண்டனத்திற்குரியது.

காவிரி நதிநீர்ச் சிக்கல், முல்லைப் பெரியாறு அணைச் சிக்கல், பாலாறு அணைக்கட்டும் விவகாரம் என அண்டை மாநிலங்களால் தமிழகத்திற்கு இழைக்கப்படும் அநீதிக்கு மத்திய
அரசு துணைபுரிந்து வருகிறது. இதைத் தொடர்ந்து ஈழத் தமிழர்களைப் பாதுகாப்பதிலும். தமிழக மீனவர்களைக் காப்பதிலும் இந்திய அரசு தன் கடமையைச் செய்யத் தவறிவிட்டது.

பாகிஸ்தான் எல்லையில் ஒரு சிறு சலசலப்பு ஏற்பட்டால் கூட உடனடியாக நடவடிக்கையில் இறங்கி திரும்பித் துப்பாக்கிச் சூடு நடத்துகிறது இந்திய இராணுவம். ஆனால், அண்டை நாடான இலங்கைக் கடற்படை அத்துமீறி இந்தியக் கடலுக்குள் நுழைந்து தமிழக மீனவர்களைச் சுட்டுக் கொன்றும் இந்திய கடற்படை அமைதியாக இருப்பது ஏன்? தமிழர்களின் நலன் மீது இந்திய அரசுக்கு உள்ள அக்கறை இவ்வளவுதானா? இலங்கையில் ஈழத் தமிழர்கள் மீது தொடர் தாக்குதல் நடத்தி தமிழினத்தையே பூண்டோடு அழிக்கத் திட்டமிட்டுச் செயல்பட்டு வருகிறது.


தமிழகத்தின் தொப்புள் கொடி உறவான ஈழத் தமிழர்களைக் காப்பதற்குப் பதிலாக, இலங்கைக்கு இராணுவ உதவிகள் வழங்கியுள்ளது இந்திய அரசு. அண்மையில்கூட இலங்கைக்குக் கடலோர காவல்படைக்குத் தேவையான கப்பல்களை வழங்கியுள்ளதாக செய்திகள் வெளிவந்துள்ளன.

ஈழத்தமிழர்களைக் கொன்று குவிக்க சிங்கள இராணுவத்திற்கு உதவி. தமிழக மீனவர்களைக் கொல்ல சிங்கள கடற்படைக்கு உதவி. இந்திய அரசின் மனதநேயம் இதுதானா?

ஈழத் தமிழர்கள் - தமிழகத் தமிழர்கள் உரிமைகளைக் காக்கவும், தமிழர்களின் குரல் தில்லி செங்கோட்டைச் சுவர்களைத் தாண்டி, மத்திய ஆட்சியாளர்களுக்கு எட்டவும் இந்தக் கண்டனப் பொதுக்கூட்டம் நடைபெறவுள்ளது.

அனாதையாய் கிடந்த ஆஸ்திரேலிய பாஸ்போர்ட்

ஒரு இளம் தம்பதி உலகின் பல்வேறு இடங்களை சுற்றிவரும் நோக்கோடு இந்தியாவிற்கும் வந்தது. இந்தியாவின் வடமாநிலங்கள் சிலவற்றை சுற்றிவிட்டு இறுதியாக புதுச்சேரிக்கு வந்தது. புதுச்சேரி வந்த அன்று மாலையே அவர்களின் கைப்பை தொலைந்து போனது.

அதில் ஒரு கேமரா விலை ரூ 40,000/- மதிப்புடையது, இந்திய ரூபாய் 10,000/-
அமெரிக்க டாலர் 50/- மற்றும் ஒரு கிரிடிட் கார்டு, வங்கியின் ஏ.டி.எம் கார்டு ஒன்று, இரண்டு செல்போன்களின் சிம் கார்டுகள், செல்போன்கள் இரண்டு மற்றும் ஆஸ்திரேலியாவைச் சேர்ந்த சிமோன் என்பவரின் பாஸ்போர்ட், இந்தியாவை விட்டு செல்வதற்கான விமான பயனச்சீட்டு, உள்ளிட்ட பல பொருட்கள் அதில் இருந்தன.

கடலூர் மாவட்ட நீதிபதிக்கு வழக்கறிஞர்கள் கண்டனம்

பண்ருட்டி வழக்கறிஞர்கள் சங்கசெயற்குழு உறுப்பினர் திரு. இரா. வைத்தீஸ்வரன், மற்றும் கடலூர் வழக்கறிஞர் ம. இரவி ஆகியோர் அளித்த கூட்டறிக்கை.

கடலூர் மாவட்ட நீதிபதி திரு கே. பாஸ்கரன் அவர்கள் தனது B.R. No. 78/2007 நாள் 08-01-2007 அன்றைய உத்தரவின் மூலம் பண்ருட்டி சார்பு நீதிபதி நீதிமன்றம் மற்றும் பண்ருட்டி மாவட்ட உரிமையியல் நீதிபதி நீதிமன்றம் ஆகிய நீதிமன்றங்களுக்கு INVERTOR மற்றும் UPS ஆகிய கருவிகளை பண்ருட்டி வழக்கறிஞர் திரு.சீனு. ஜெயராமன் அவர்கள் தனது சொந்த பணத்தில் நிறுவுவதற்கான அனுமதி வழங்கி உத்தரவிட்டுள்ளார். மேற்படி உத்தரவின் பேரில் மேற்படி சீனு.செயராமன் இரு நீதிமன்றங்களுக்கும், மேற்படி மின்சாதனங்களை சுமார் ரூ. 25, 000/- செலவில் கடந்த ஒரு வாரத்திற்கு முன் நிறுவியுள்ளார்.

1. உயர்நீதிமன்றத்தின் அனுமதி பெறாமல், கடலூர் மாவட்ட நீதிபதி இத்தகைய அனுமதி வழங்கியது தவறு.
2. தனிப்பட்ட ஒருவரின் நிதி கொண்டு நீதிமன்றத்திற்கு வசதி ஏற்படுத்தி தறுவது தவறான முன்னுதாரணம், அதிலும் அந்த தனிப்பட்ட நபர் ஒரு வழக்கறிஞராக இருக்கும் போது நீதிமன்றத்தின் நடுநிலை கேள்விக்குள்ளாகிறது.
3. 
   நீதிமன்றம் என்பது சந்தேகத்திற்கு அப்பாற்பட்டதாக இருக்க வேண்டும். நீதிபதிகளின் செயல்பாடுகளும் பொதுமக்கக்கு நம்பிக்கை அளிக்கும் வண்ணம் இருக்க வேண்டும். தேவையற்ற சந்தேகங்கள் எழ இடம் அளிக்கக்கூடாது.

எனவே, நாங்கள் கடலூர் மாவட்ட நீதிபதியின் உயர்நீதிமன்ற அனுமதி பெறாமல் தன்னிச்சையாக அவர் மேற்கொண்ட செயலை வன்மையாக ஆட்சேபிக்கின்றோம் என்று அறிக்கை ஒன்றில் தெரிவித்துள்ளனர்.

தூக்கிலேற்ற வேண்டியவன் ஜார்ஜ் புஷ்

“சதாமின் தூக்குத்தண்டனை கண்டிக்கத்தக்கது”


1945, ஆகஸ்டு 6, இரோசிமா, 1945 ஆகஸ்டு 9, நாகசாகி என்று ஜப்பானின் இரண்டு நகரகளில் குண்டு வீசி ஒரே நேரத்தில் 4 - இலடசத்திற்கும் மேற்பட்ட மக்களை கொண்று குவித்த கொடூரமான மனித நேயமற்ற அரசு அமெரிக்கா.

ஈரான் ஈராக் போர் உள்பட அமெரிக்கா இதுவரை அங்கு 6 1/2 இலட்சம் பேரை கொன்று குவித்துள்ளது. தற்போது நடந்த தாக்குதலில் மட்டும் அதிகாரப் பூர்வமாக 65 ஆயிரம் போரை கொன்றொழித்துள்ள அமெரிக்க வெறி நாய் அரசு சதாம் 142 பேரை கொன்றதாக கூறி சதாமுக்கு தூக்குத்தண்டனை அளித்துள்ளது.

எண்ணை வெறி பிடித்து அலையும் அமெரிக்கா மனிதகுலத்தின் எதிரியாகவும் வளர்ந்துள்ளது ஏகாதிபத்திய வெறிநாயாக அலைந்து திரியும் அது தன் கட்டுப்பாட்டிற்கு வாராத நாடுகளை கடித்து குதறிக்கொண்டிருக்கிறது.

குறிப்பாக எண்ணை வளமிக்க நாடுகளை அது குறிவைத்து தாக்கி வருகிறது. ஆப்கானிஸ்தானில் தாக்குதல், ஈரான் ஈராக் போர் தூண்டல் பாலஸ்தீனத்தில் தம் எடுபிடிகளை வைத்து தொந்தரவு செய்தல் என எத்தனையோ கொடுமைகள் நிகழ்த்தும் அமெரிக்கா ஈராக்கில் அமர்ந்து கொண்டு அங்கு நீதி வழங்குவது மிகவும் கேலிக் கூத்தானது.

உண்மையில் உலகின் கொலை வெறியன் புஷ் தூக்குத்தண்டனை பெற வேண்டியவன். உலக நாடுகளை தன் போர் வெறியால் சூறையாடும் அமெரிக்க மேலாதிக்கத்தை எதிர்ப்போம். ஆயுத வியாபாரி புஷ் கொலை வெறியை எதிர்ப்போம்.

பெயர் மாற்றம் : புதுச்சேரி அரசு மெத்தனம்

பாண்டிச்சேரி என்பதை "புதுச்சேரி" என்று மாற்ற வேண்டும் என்பது புதுவை மக்களின் நீண்ட நாள் கோரிக்கையாகும். இந்த கோரிக்கை கடந்த 1-10-2006 அன்று நிறைவேறியது.

மத்திய உள்துறை அமைச்சகம் இதற்கான உத்தரவை பிறப்பித்தது.

ஆனால், இந்த உத்தரவு குறித்து புதுவை அரசு ஒரு அலட்சிய போக்கோடு நடந்து கொள்கிறது.

புதுச்சேரி என பெயர் மாற்றம் செய்யப்பட்டுள்ளது என்று செய்தித்தாளில் ஒரு விளம்பரம் செய்ததோடு முடித்துக்கொண்டது. பெயர் மாற்றம் செய்ததை விழா எதுவும் எடுத்து புதுவை அரசு அறிவிக்கவில்லை.

பல்வேறு விழாக்களை கொண்டாடிவரும் புதுவை அரசு இதற்கு விழா எடுப்பதில் எவ்வித அக்கரையும் காட்டவில்லை. பொதுவாக எந்த மாநிலத்திலும் இவ்வாறு விழா எடுக்காமல் பெயர் மாற்றம் செய்வதில்லை.

ஆனால், புதுவையில் உள்ள அரசியல் வாதிகள் இதைப் பற்றி கண்டு கொள்வதாகவும் தெரியவில்லை. ஏனெனில் புதுவை அரசியல் கட்சிகளுக்கு செல்ல வேண்டிய கமிசன் தொகை சரியாக அவர்கள் அவர்களுக்கு சென்று விடுகிறது. மற்ற மாநிலங்களைப் போல் அல்லாது ஆளும் கட்சி எதிர் கட்சி என்று பாராமல் தொகை சரியாக போய் சேர்ந்து விடும். இதுதான் புதுவையின் மற்றொறு சிறப்பு.

இவ்வாறு விழா எடுக்காமல் இருந்தமைக்கு வேறு காரணமும் சொல்லப்படுகிறது. பல ஆண்டுகளாக கிடப்பில் கிடந்த இந்த கோரிக்கையை புதுச்சேரி நாடாளுமன்ற உறுப்பினர் பேராசிரியர் மு. இராமதாசு தொடர்ச்சியாக இப்பெயர் மாற்றத்திற்கு பாடுபட்டவர் என்பது புதுவை மக்கள் அறிந்த உண்மை. இவர் பாட்டாளி மக்கள் கட்சியை சேர்ந்த உறுப்பினர் என்பதால் காங்கிரசு அரசு அதனை காரணமாக வைத்து விழா எடுக்கவில்லை என்றும் சொல்லப் படுகிறது.

புதுச்சேரி எனப் பெயர் மாற்றம் செய்து ஒரு மாதம் ஆகியும் புதுவைத் தலைமை செயலகத்தில் இன்னும் "பாண்டிச்சேரி" என்றே உள்ளது. அரசின் வாகனங்கள் பலவற்றில் "பாண்டிச்சேரி அரசு" என்றே உள்ளது. புதுவைக்கு வரும் பேரூந்துகளில் இன்னும் பாண்டிச்சேரி என்றே அனைத்தும் எவ்வித மாற்றமும் நிகழாமலே உள்ளது. புதுவைத் தொடர்வண்டி நிலையத்தில் இன்னும் பாண்டிச்சேரி என்றே உள்ளது.

இந்நிலையில் புதுவையில் சில அமைப்புகள் அரசு அலுவலகம் மற்றும் பேரூந்துகளில் பாண்டிச்சேரி என்பதை மாற்றி புதுச்சேரி என்பதற்காக பெயர் மாற்று, பெயர் அழிப்புப் போராட்டம நடத்த இருப்பதாக செந்தமிழர் இயக்கத்தின் தலைவர் ந.மு. தமிழ்மணி தெரிவித்துள்ளார்.

மேலும், புதுச்சேரிக்கான ஆங்கில எழுத்து "PUDUCHERRY" என்பது புடுச்சேரி என்று உச்சரிப்பில் உள்ளது, அதனை "PUDHUCHERRY" H சேர்க்கவேண்டும் என்றும் சிலர் கோரிக்கை வைத்துள்ளனர்.

ஆனால் சில அரசு வாகனங்களில் "PUDUCHERRY" என்றே எழுதப்பட்டுள்ளது.

அதே போல் புதுவை விடுதலை நாளையும் புதுவை அரசு கொண்டாடவில்லை.

இந்திய விடுதலைப் போராட்டத்தின் விளைவால் பிரஞ்சு அரசின் சிறப்புத்தூதர் பியர் லேந்தி மற்றும் பிரென்சு இந்தியாவுக்கான இந்திய கான்சல் ஜெனரல் கேவல் சிங் ஆகியோருக்கும் இடையே 1-11-1954 ஆண்டு ஆளுனர் மாளிகையில் காலை 6.45 மணிக்கு பேச்சு வார்த்தையின் அடிபடையில் ஒப்பந்தம் கையெழுத்தானது. இந்த ஒப்பந்தம் அடிப்படையில் தான் புதுச்சேரி இந்தியாவுடன் இணைக்கப்பட்டது. இதனை விழாவாக கொண்டாடவேண்டும் என்று புதுவையில் உள்ள பல்வேறு அமைப்புகள் கோரிக்கை விடுத்ததன் விளைவாக 2004 ஆண்டு மட்டும் குடியரசுத் தலைவர் திரு அப்துல் கலாம அவர்களை வைத்து விடுதலைப் பொன்விழா நடத்தினார்கள். அதன் பின் விழா எதுவும் புதுவை அரசு எடுக்கவில்லை. இவ்வாண்டும் அத்தகைய கோரிக்கையை பலர் வைத்தும் செவிடன் காதில் ஊதிய சங்காகவே அது போனது.

ஆனால், இந்திய அரசும், பிரெஞ்சு அரசும் செய்து கொண்ட ஒப்பந்தத்தை இரு நாட்டு நாடாளுமன்றமும் அறிவித்த 16-08-1962 ஆண்டு அறிவித்ததை மட்டும் புதுவை அரசு விடுதலை நாளாகக் கடைபிடித்து வருகிறது.

பொருள் மாறும் திராவிடம்

பொருள் மாறிக் கொண்டே வரும் திராவிடம் தேவைப்படுகிற ஆய்வு!

திராவிடம் என்பது தமிழ் என்பதே ‘திரமிள்’- திரமிட்’ என்றும், பின்னர் ‘திராவிட’ என்றும் சமஸ்கிருத ஆரியத்தினரால் கூறப்பட்டு வந்தது என்பது பாவாணரின் தெளிவுரை.

“நாகர் நிலமாய் விரிந்திருந்த நாவலந் தீவின் மக்களான நாகர்களின் மொழியான தமிழ்-திரமிள்-திரமிடம்-திராவிடம் எனத்திரிந்து வழங்கப் பெற்றது” என்று ஆய்ந்து விளக்கினார் அம்பேத்கார்.


‘பவழத்தை’ - ‘பிராவளம்’ –என்றும், ‘படி’யை –ப்ரதி- என்றும் கூறியது போல் ‘தமிழை’த் திரமிள்- திரமிட்- திராவிட் என்றனர்.

தமிழ் என்பதை உலகத்தில் அன்றைய மொழி வழக்கினர் பலர் அவ்வகையில் ஒலிப்பு மாற்றியே சொல்லிவந்தனர். தமிழை ‘தமிரிகே’ என்று ரோமானியர்கள் டாலமி- ரேவண்ணா ஆகியோரின் உலகப் படவரைவில் குறிப்பிட்டிருந்தனர்.

அதே போல சமக்கிருத இலக்கியங்களில் தமிழை ‘த்ரமிட்’ என்றே குறிப்பிட்டு வந்தனர்.

ஆக தொடக்கத்தில் தமிழ் என்பதன் ஒலிப்புச் சிதைவே திராவிடமாக குறிப்பிடப்பட்டது. எனவே தான் கி.பி. 5 ஆம் நூற்றாண்டில் தமிழகத்திற்குள் பரவியிருந்த சமணத்தால் தமிழ் பாலிமொழிக் கலப்பால் –தமிழர்கள் ‘திராவிடர்’ என்பதாக ஒலிப்பு ச்சிதைக்கப் பட்டு ‘திராவிடச்சங்கம்’ என்கிற வகையிலேயே இயங்கினர்.

அதன் பின்னர் தொடர்ந்து தமிழர்கள் தமிழைக் குறிப்பிடும் இடங்களில் எல்லாம் தமிழ் என்பதாகவும், ஆரியக் கருத்தொற்றியவர்களால் எழுதப்பெற்ற இடங்களில் எல்லாம் திராவிடம் என்பதாகவும் கூறப்பட்டது.


திராவிடம் என்பது தமிழ்ச் சொல்லல்ல. மாறாக அது சமக்கிருத சொல்..

................................


ஆரியத்தை எதிர்த்த தமிழிய இலக்கியங்கள் ஆரிய ஆதிக்க அரசுகளால் அழிக்கப் பட்டன. தமிழில் வளர்ந்து இருந்த சிறந்த வானியல், மருத்துவ, மெய்யியல் இசை மற்றும் பிற அறிவு சார்ந்த நூல்கள் சமக்கிருத மொழிமாற்றம் செய்யப்பட்டதோடு மூல தமிழ் நூல்கள் அழிக்கப்பட்டன. பிறக்காலச் சோழர்களது ஆட்சியிலும் நாயக்கர் காலத்திலும் மராட்டிய சரபோசி ஆட்சிக்கால அரசுகளும் இவற்றையே திட்டமிட்டு செய்தன.

18 ஆம் நூற்றாண்டில் தமிழகத்திற்கு வந்த ‘கால்டுவெல்’ எனும் மொழியியல் அறிஞரால் திராவிடம் பற்றிய கருத்துக்கள் வலுப்பெற்றன.

இந்தச்சூழலில் ‘திராவிடம்’ என்கிற கருத்தும், ‘திராவிடர்’ எனும் இனக்கோட்பாடும் திராவிடம் எனும் மொழி இருந்ததாகவும் பெருமளவில் ஒப்புக்கொள்ளப்பட்டது. அதே சூழலில் தமிழ் அறிஞர்கள் அதை ஒப்புக் கொள்ளவில்லை. திராவிடம் எனும் மொழியில்லை என்றும், தமிழிலிருந்து தான் தெலுங்கு, கன்னட, மலையாள மொழிகள் ஆரியக் கலப்பால் உருக்கொண்டன என்பதை நிறுவினர்.

“ கன்னடமும் களிதெலுங்கும்
கவின்மலையாளமும் துளுவும்
உன் உதிரத் துதித் தெழுந்து
ஒன்றுபல வாயிடினும்”

- என்னும் கருத்துக்களில் தமிழிலிருந்து பிறமொழிகள் தோன்றின எனக்கூறியதோடு, அம்மொழிகள் இணைந்த ‘திராவிடர்’ என்பதால், திராவிடர் எழுச்சிப் போராட்டமாகவும் மாறியது.

வேதங்களும் வைதீகமும் ஆரிய வர்க்கம் என்பதை இந்தியா என்பதகவும்...... பார்ப்பன எதிப்பு பார்ப்பனர் ஆளுமைக் குரிய நாடான இந்தியாவை மறுத்து திராவிட நாட்டு அடையாளமாக அந்த நான்கு மொழிகளின் பயன்பாட்டுக்குரிய பகுதியை அடையாளப் படுத்தியது.


திராவிடத்தை உருவாக்கிய ஆரியம்

இந்திய நாட்டிற்கு எதிராக திராவிடநாடு அடையாளப் படுத்தப் பட்டது திராவிட நாட்டு எழுச்சி தமிழகத்தில் வீறுகொண்டு எழுந்தது. இதற்கிடையில் திராவிடம் என்பதை மொழிக்கூறில் உள்ள ஒற்றுமை என்கிற வகையில் மட்டுமே ஒப்புக்கொண்ட தமிழ் அல்லாத பிற மொழியினரால் திராவிட நாடு கோரிக்கையோடு ஒன்று பட இயலவில்லை.


...............................
திராவிடம் என்பது வரையறுக்கப் பட்ட தேசமோ, ஒரு சமுகமோ, ஒர் இனமோ அல்ல என்பதால்தான் அதனால் ஒரே காரணம் கொண்டு எழுச்சியுறவோ, போராடவோ போராடி ஆரியத்தி வீழ்த்தவோ முடியாது என்கிற முடிவுக்கு வரமுடிகிறது.

.......................

திராவிடம், திராவிடம் என வரலாறு அறியாமல் இல்லாத திராவிடத்தை ஒரே அணியில் திரட்டுவதில் நம்பிக்கை கொண்டு அதில் தமிழ்த் தேச எழுச்சி அமிழ்ந்து போனதால் எற்பட்ட பின்னடைவு போக,.......

இந்தியப் பார்ப்பனியத்தின் மீதும், பார்ப்பனக் கட்டமைப்பின் மீதும் ஓங்கை அறைந்து அவற்றை உடைத்தெரிகிற பேராற்றலைத் தமிழ்த் தேச உணர்ச்சிக்கு ஊட்டி வளர்க்க வேண்டிய தேவைக்குரிய சூழலாகும் இது..............................

(முக்கியப்பகுதி மட்டுமே வெளியிடப் ப்ட்டுள்ளது)

நன்றி: உழைக்கும் மக்கள் தமிழகம்

புலிகள் ஆதரவு - அடங்கிப்போக வேண்டுமாம்

புலிகள் இயக்கத்தை தடை செய்ததற்கு சரியான காரணத்தை இந்திய அரசு இதுவரை தெரிவிக்கவில்லை.

அதனால் தான் தமிழக முதல்வர் விடுதலைப்புலிகளுக்கு தடை விதிக்கப்பட்டுள்ளதை விவாதிக்கலாம். என்று குறிப்பிட்டுள்ளார்.

இலங்கையில் தமிழ் ஈழம் கிடைத்தால் அது தமிழகத்தில் தனி நாடு கோரிக்கையை வலியுறுத்தி இந்திய ஒற்றுமைக்கு பாதிப்பு ஏற்படும் என்று எண்ணியே இந்திய அரசு தமிழர்களுக்கு எதிராக நடந்து கொள்கிறது.

வங்கதேச விடுதலையை எந்த அடிப்படியில் இந்தியா ஆதரித்தது?. முன்பு கூட இலங்கை அரசை தம் கட்டுப்பாட்டில் வைத்துக் கொள்ளவேண்டும் என்ற அடிப்படையில் தான் இலங்கை போராளி அமைப்புகளுக்கு இந்தியா பயிற்சி அளித்தது. வங்க தேசத்திற்கு ஆதரவு அளித்த அதே அடிப்படையில் ஈழப்போராளிகளுக்கு இந்தியா ஆதரவளிக்க வேண்டும்.

இது அரசியல் சமுகப்பிரச்சனையேத் தவிர தனிப்பட்ட அரசியல் விரோத நடவடிக்கை இல்லை என்பதை உணர வேண்டும்.

• தேசிய விடுதலை இயக்கத்தை பயங்கரவாத இயக்கமாக இழிவு படுத்தாதே!
• விடுதலைப் புலிகள் மீதான் தடையை நீக்கு!
• தமிழ் ஈழத்தை அங்கீகரி!
• சிங்கள இனவெறி அரசுக்கு உதவிகள் செய்யாதே!
• சிங்கள இராணுவமே தமிழ் ஈழப்பகுதியிலிருந்து உடனே வெளியேறு!

என்ற கோரிக்கைகளை வலியுறுத்தி 27-07-2006 அன்று திருவண்ணாமலையிலும், 31-07-2006 அன்று திருப்பத்தூரிலும் புரட்சிகர இளைஞர் முண்ணனி என்ற அமைப்பு பேரணி ஆர்ப்பாட்டம் நடத்தியது.

இது தொடர்பாக முதல்வர் கருணாநிதி பேசியதாவது: சிங்கள இனவெறி அரசை கண்டித்து கடந்த 31ம் தேதி புரட்சிகர இளைஞர் முன்னணி என்ற அமைப்பின் சார்பில் பேரணி நடத்த
அனுமதி கேட்டுள்ளனர். பேரணி உட்பட ஆர்ப்பாட்டம் நடத்த அனுமதி அளிக்கப்பட்டது. 150 பெண்கள் உட்பட 400 பேர் கலந்து கொண்டுள்ளனர். இதனால், அப்பகுதியில் எந்த பதட்டமும்
இல்லை. நிலைமை கண்காணிக்கப்பட்டு வருகிறது. இந்த அளவுக்கு ஆர்ப்பாட்டம் நடப்பது ஏற்கத்தக்கது தான்.

ஜனநாயக்கப்பூர்வமான முறையில் முறியாக காவல்துறையின் அனுமதியின் அடிப்படையில் தான் இந்த அமைப்பு ஆர்ப்பாட்டத்தையும் பேரணியையும் நடத்தியுள்ளது. அதனால் தான் முதல்வர் கருணாநிதிகூட இது ஏற்கத்தக்கது என்று குறிப்பிட்டுள்ளார். சட்டப்படி இந்த ஜனநாயக அமைப்பு முறையில் உள்ள முறைகளைப் பயன்படுத்தித்தான் இவர்கள் இத்தகைய நிகழ்ச்சியை நடத்தியுள்ளனர்.

ஆனால், இத்தகைய சனநாயக உரிமைகளைக்கூட மறுக்க வேண்டும் என்ற அடிப்படையில் இதை பிரச்சனையாக்குவது இவர்களின் தமிழர் விரோதப் போக்கையே காட்டுகிறது.

தமிழனை அழிக்க தமிழ் மண்ணில் பயிற்சி கொடுக்கும் போது அதை வெறுமனே வேடிக்கைப் பார்த்துக் கொண்டிருந்த ஞானசேகரன் சட்ட ஒழுங்கு மீது மிகவும் அக்கரையாக இருப்பதாகவும் இந்திய இரையாண்மை மீது அக்கரை உள்ளவர் போல் பேசி யிருக்கிறார். இந்திரா காந்தி கால கட்டதில் இலங்கை இரையாண்மைக்கு எதிராக காங்கிரசார் செயல்பட்டதை அவர் நினைவு படுத்திக் கொள்ள வேண்டும்.

இராசீவ் கொலை காங்கிரசு காரர்களுக்கே தொடர்பு உள்ள நிலையில் மன்மோகன் சிங் அமெரிக்க உளவாளி என்ற தலைப்பில் முன்னணிப் பத்திரிகைகளில் வந்த தகவல் அடிப்படையில் சில தகவல்களை குறிப்பிட்டு எழுதப்பட்டுள்ளது.

"சட்டசபையில் கேள்வி நேரம் முடிந்ததும் சி.ஞானசேகரன் இப்பிரச்னையை கிளப்பினார்.

இலங்கையில் தமிழர்கள் போராட்டத்தை ராஜிவ்காந்தி கொலைக்கு முன்பு ஆதரிக்காதவர்கள் யாரும் இல்லை. இப்பிரச்னையில் கி.மு., கி.பி., என்பதைப் போல ராஜிவ் கொலைக்கு முன்பு, ராஜிவ் கொலைக்கு பின்பு என்று தான் பார்க்க வேண்டும். "

என்று அவர் குறிப்பிட்டது சோனியா விதவை ஆகிவிட்டார் என்பது தான் இவரின் வருத்தம். நாமும் அதற்காக வருத்தப்படலாம். ஆனால், இன்று பல்லாயிரக்கணக்கான தமிழ்ப் பெண்கள் இலங்கை அரசால் கொல்லப் பட்டு விதவைகளாக்கப் படும் போது அதனை கண்டிக்கக் கூடாது என்று அதற்கு எதிர்ப்பு தெரிவிப்பது எப்படி நியாயமாகும்.

காவிரி நடுவர் மன்றம் - எறுமையில் பயணம்

காவிரி நடுவர் மன்றத்திற்கு மீண்டும் ஆறுமாதம் நீட்டிப்பு வழங்கி மத்திய அரசு உத்தரவு வழங்கியுள்ளது.

கடந்த 1990 ஆம் ஆண்டு அமைக்கப்பட்ட காவிரி நடுவர் மன்றம் 1991 ஆம் ஆண்டு ஜீன்-25ல் இடைக்கால தீர்ப்பாக 205 டிஎம்சி தண்ணீரை தமிழகத்திற்கு வழங்க வேண்டும் என்று தீர்ப்பு வழங்கியது.

அதன் பின் என்னத்தை செய்தார்கள் என்று தெரியவில்லை. மக்களின் வரிப்பணத்தில் சொகுசாக வாழ்க்கை நடத்தி வரும் இவர்கள். மக்கள் பிரச்சனைகள் மீது கொஞ்சமும் அக்கரை இல்லாத போக்கினால் தான் இந்த தீர்ப்பு வழங்க 16 ஆண்டுகளுக்கு மேல் எடுத்து கொள்கின்றனர். ஆனால் இன்னும் தீர்ப்பு வழங்கிய பாடில்லை. மேலும் ஆறு மாதம் வேண்டும் என்று கோரி மத்திய அரசிடம் கேட்டு பெற்றுள்ளனர்.

அப்படி என்ன பெரிய வேலை இந்த நடுவர் மன்றத்தில் என்றால் மக்கள் பிரச்சனையை கண்டு கொள்ளாமல் இழுத்தடிக்கும் போக்கின் ஒரு வடிவம் தான் இத்தகைய நீதி மன்றங்கள் என்பதை நாம் விளங்கிக் கொள்ளலாம். தமிழக மக்களின் வாழ்வாதார பிரச்சனையாக காவிரி நீர் இருந்து வந்துள்ளது. ஆனால், இவர்களின் மெத்தனப் போக்கால் தமிழக மக்கள் என்ன பதினாறு ஆண்டுகள் பாதி சோறு சாப்பிட்டுவிட்டு (அ) பட்டினிக்கிடந்தா சாகமுடியும்.

இடைக்காலத் தீர்ப்பு வழங்கி இவ்வளவு காலம் எடுத்துக் கொண்டிருப்பது இவர்களின் சமூக அக்கரையற்ற தன்மையாக தெரிகிறது.

இத்தனைக்கும் காவிரி நதிநீர்த் தொடர்பாக இந்த மாநில அரசுகள் பல்வேறு புள்ளிவிவரங்களை அளித்துள்ளது. இந்த பிரச்சனை நீண்ட நெடும் வரலாறு கொண்டதால் இதுபற்றிய தகவல்கள் பற்றி பல்வேறு நூல்கள் வெளிவந்துள்ளன. பல ஆதாரங்கள் எளிதில் கிடைக்கக்கூடிய ஒன்றுதான் பெரிய அளவில் தேடி அலைய வேண்டியதில்லை.

இத்தகைய ஆதராம் கண்ணெதிரே கிடந்தாலும் விசாரணைக் கமிசன் என்றால் எப்படி பிரச்சனை தீர்க்கப்படாமல் இழுத்தடிக்கலாம் என்பதற்கு காவிரி நடுவர் மன்றம் ஒரு சிறந்த உதாரணம்.

16 ஆண்டுகளாக இவர்கள் என்னத்தைக் கிழித்தார்கள் என்றுதான் தெரியவில்லை.

ஆனால், சர்வதேச நதிநீர்ச் சட்டப்படி பல நாடுகளிடையேயான நதிநீர்ப் பிரச்சனைகள் தீர்க்கப்பட்டுள்ளன. ஆனால், காவிரி நதிநீர் பிரச்சனை ஏன் தீர்க்கப் படாமல் இருக்கிறது எனத்தெரியவில்லை.

சர்வதேச நதிநீர் சட்டம் இந்த பிரச்சனை தொடர்பாக மிகத் தெளிவான வரையறையைக் கொண்டுள்ளது.

அதாவது, இயற்கையாக வரும் நதிநீரை வரலாற்று ரீதியாக ஒரு பகுதி மக்கள் பயன்படுத்தி வந்தால் அந்த நதி நீரை வரலாற்று ரீதியாக பயன்படுத்தும் மக்களுக்கு பதிப்பில்லாத வகையில் அந்த நதியில் மேல் நிலையில் உள்ளவர்கள் நதி நீரைப் பயன் படுத்திக்கொள்ளலாம்.

அந்த நதியின் கீழ் நிலையில் உள்ளவர்கள் அதற்கு அனுமதிக்க வேண்டும். அவர்கள் அனுமதி இல்லாமல் மேல்மட்டத்தில் உள்ளவர்கள் அணைகள் ஏதும் கட்டக்கூடாது. நதியில் கீழ்நிலையில் பாதிக்கின்றவகையில் நீரை செயற்கையாக தடுத்து உபயோகிக்கக் கூடாது என்று சர்வதேச நதிநீர்ச் சட்டம் சொல்கிறது. இதன் அடிப்படையில் தான பலநாடுகளில் நதிநீர்ப் பிரச்சனைகள் தீர்க்கப்பட்டுள்ளன.

பல நாடுகளிடையே நதிநீர்ப் பிரச்சனை தீர்க்கப்படும் போது மாநிலங்களிடையேயான நதிநீரை சர்வதேச சட்டத்தின் கீழ் மிக எளிதாக தீர்த்திருக்க முடியும். ஆனால் ஏன் இப்படி இழுத்தடிக்கப்படுகிறது என்றால் தமிழன் தான் எல்லோருக்கும் எமாளி என்பது இவர்களுக்கும் தெரிந்து உள்ளதால் தான் இப்படி நடந்திருக்குமோ என்று தான் கருத வேண்டியுள்ளது.